Rotatschoon (Physik)

Vun Wikipedia
Wesseln na: Navigatschoon, Söök
Eegenrotatschoon un Rotatschoonssystem

De reine Rotatschoon, ok Rotatschoonsbewegung, Dreihn oder Dreihbewegung vun en Körper, is in Gegensatz to de reine Translatschoon kien Bewegung, de de Swoorpunkt vun de Körper dör de Ruum bewegt, man en Bewegung vun de Körper um en Rotatschoonsass. All Punkten, de genau up disse Ass liggen, blievt an Oort un Steed stahn, un all anner Punkten bewegen sück mit en Snelligkeit, de proportschonal to de Afstand vun de Ass is up en ideale Kringbahn. Dorbi kann sück de Ass in de Körper sülvst befinnen, wat to en Eegenrotatschoon föhrt (Rotatschoon um de eegen Ass), oder van de Körper af liggen, wat man as Rotatschoonssystem betekend (Rotatschoon um en gemeensom Ass). Oorsaak för en Rotatschoon is aver jümmer de Wirkung vun en Dreihmoment.

En Rotatschoon mit nich-konstant Ass is mögelk un wurrd umgangsspraaklich as „Torkeln“ oder „Eiern“ betelend. Techniker un Wetenschapler snacken aber lever - je nah Oord vun de Assbewegen- vun Swiemeln vun de Ass oder vun sekundär Assfehlers, oder vun Präzession oder Nutatschoon.