Brookel

Vun Wikipedia
(wiederwiest vun Brockel)
Zur Navigation springen Zur Suche springen
Wapen/Flagg Koort

Wapen vun Brookel

Brookel
Laag vun Brookel in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Bootel
Flach: 25,12 km²
Inwahners: 1340 (31. Dezember 2017)
Hööchd: 34 m över de See
Postleettall: 27386
Vörwahl: 04266
Geograafsche Laag:
Koordinaten:53° 6′ N, 9° 31′ O
53° 6′ N, 9° 31′ O
Grenzen bi OSM: 965590 965590
Gemeenslötel: 03 3 57 009
Öörd in de Gemeen: 4
Börgermeester: Rolf Lüdemann (CDU)
Websteed: www.bothel.de/brockel/br-default.htm
Koort
Kreis
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Brookel in’n Landkreis Rodenborg (Koort lett sik anklicken)

Brookel is de en Oort un Gemeen vun de Samtgemeen Bootel in’n neddersassischen Landkreis Rodenborg (Wümm). In de Gemeen leevt 1340 Inwahners (Stand 31. Dezember 2017).

Geografie[ännern | Bornkood ännern]

Brookel liggt in’n Süüden vun’n Landkreis un tellt to de Gemenen mit den gröttsten Wooldandeel in’n Landkreis. In’n Noorden vun de Gemeen liggt de Eenheitsgemeen Scheeßl, na Oosten hen slutt sik de Gemeen Hemslingen an. In’n Süüden grenzt de Gemeen ’n lütt Stück an de Eenheitsgemeen Visselhöövd un na Westen to leegt de Gemenen Bootel un Heemsbünnen.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

Dat Rebeet vun Brookel weer in verleden Tieten en bekannten Beedfohrtsoort. De Lännereen hebbt fröher mol to dat Klooster Raastäe höört.

Bi dat Dörp hebbt bet in dat 19. Johrhunnert de dree Schapereen Olenbossel, Bösenkamp un Stell bestahn.

Politik[ännern | Bornkood ännern]

De Gemeen föhrt keen Wapen.

Oortsdelen[ännern | Bornkood ännern]

De Gemeen besteiht tosamen ut veer Oortsdeelen:

Gemeenraat[ännern | Bornkood ännern]

De Gemeenraat vun Brookel sett sik ut ölven Lüüd tosamen. De Börgermeester is Rolf Lüdemann vun de CDU. Siet de letzten Kommunalwahl in’n September 2011 sünd de Sitten in’n Raat as folgt verdeelt:

Partei 2016 2011 2006
CDU 7 7 8
SPD 4 3
BLB 4

Börgermeesters[ännern | Bornkood ännern]

  • 1945–1946: Heinrich Meyer
  • 1946–1947: Ludwig Perl
  • 1947–1948: Otto Kühsel
  • 1948–1961: Johann Frick
  • 1961–1974: Fritz Holtermann
  • 1974–1990: Kurt Vajen (CDU)
  • 1990–1991: Hans-Jürgen Sievers
  • 1991: Rolf Lüdemann (CDU)

Kultur[ännern | Bornkood ännern]

Hillig-Krüüz-Kark in Brookel
Windmöhl in Brookel

In de den Karnoort Brookel gifft dat noch eenige olle Buernhüüs, de as Denkmol schuult sünd. Sünners bekannt is de Gemeen aver för ehr hollännsch Galeriewindmöhl, de mit ehr Flögels al vun wiet her to sehn is. De Windmöhl is 1860 boot worrn un gellt as Wohrteken vun de Gemeen. Op Nafraag kann de Möhl ok mit’n Rundgang besöcht warrn.

De olle Hillig-Krüüz-Kark, de fröher en Beedfohrtsoort weer, is in’t Johr 1804 ut Feldstenen nee opboot worrn. Se hett en Furtwängler-Orgel mit 2700 Piepen. Eerste Henwiesen in Oorkunnen op en egenstännige Kark in Brookel dateert ut dat Johr 1190.

Verkehr[ännern | Bornkood ännern]

Brookel liggt an de B 71 twüschen Rodenborg (Wümm) in’n Westen un Neenkerken in’n Oosten un wieter bit Soltau. Wieter drapt sik in Brookel de beiden Kreisstraten K 209, de över Bootel na Karkwals föhrt, un K 224, de na Noorden na Badlsdörp verlöpt.

Fröher hett dat hier ok Iesenbahnverkehr geven mit en Bahnhoff an de Streck Wasra–Bremervöör. Na Planen, de opstunns utklamüstert warrt, schall dör de Feldmark vun Bootel un Brookel mööglicherwies de ümstreden Y-Trass lopen. Na’n aktuell Streckenplan künn de Iesenbahnstreck sogor mitten dör Brookel föhren. Denn müssen ok en poor vun de schuulten Buernhüüs afreten warrn.

Weblenken[ännern | Bornkood ännern]

Commons-logo.svg Brookel. Mehr Biller, Videos oder Audiodateien to’t Thema gifft dat bi Wikimedia Commons.