Badlsdörp

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Badlsdörp
Laag vun Badlsdörp in Düütschland
Basisdaten
Bundsland: Neddersassen
Landkreis: Rodenborg
Gemeen: Scheeßl
Inwahners: 473 (2009-09-3030. September 2009)
Postleettall: 27383
Vörwahl: 04263
Geograafsche Laag:
Koordinaten:53° 8′ N, 9° 29′ O
53° 8′ N, 9° 29′ O

Koornspieker in Badlsdörp

Badlsdörp (hoochdüütsch Bartelsdorf) is en Dörp in de Gemeen Scheeßl in’n Landkreis Rodenborg, Neddersassen.

Geografie[ännern | Bornkood ännern]

So annerthalv Kilometer in’n Noorden von’n Oort flütt de Veers lang, de bi Veersbrügg in de Wümm münnt. Dat Rebeed üm de Veers billt dat Naturschuulrebeed Veersdaal.

De Naveröörd sünd Scheeßl in’n Noorden, Westervees in’n Noordoosten, Deepen in’n Oosten, Brookel un Wensbrook in’n Süüdoosten, Heemsbünnen in’n Süden, Rodenborg in’n Süüdwesten, Wohlsdörp in’n Westen un Veersbrügg in’n Noordwesten.

Historie[ännern | Bornkood ännern]

In de Franzosentied von 1810 bet 1814 hett de Oort to de Mairie Rodenborg in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en, grötteren Landkreis Rodenborg tohoopgahn is.

De Oort is an’n 1. März 1974 Deel von de Gemeen Scheeßl worrn.

In’n Eersten Weltkrieg sünd 16 Soldaten ut Badlsdörp fullen oder vermisst[1] un in’n Tweten Weltkrieg 19.[2]

Inwahnertall[ännern | Bornkood ännern]

Johr Inwahners
1812-00-001812[3] 146
1824-00-001824[4] 25 Füürsteden
1848-00-001848[5] 210 Lüüd. 32 Hüüs
1871-12-011. Dezember 1871[6] 271 Lüüd. 49 Hüüs
1910-12-011. Dezember 1910[7] 306
1925-00-001925[8] 353
1933-00-001933[8] 414
1939-00-001939[8] 417
2009-09-3030. September 2009 473

Religion[ännern | Bornkood ännern]

Badlsdörp is evangeelsch-luthersch präägt un höört to dat Kaspel von de Lucas-Kark in Scheeßl.

För de Kathoolschen is de Corpus-Christi-Kark in Rodenborg tostännig.

Kultur[ännern | Bornkood ännern]

En Denkmaal för de Fullenen ut den Eersten Weltkrieg steiht in Badlsdörp op’n Karkhoff. Tafeln mit de Naams von de Fullenen ut’n Tweten Weltkrieg hängt in de Kark in Scheeßl.

Verenen[ännern | Bornkood ännern]

Badlsdörp hett en egene freewillige Füürwehr von 1934 un en Schüttenvereen, de an’n 11. März 1925 grünnt worrn is. De Sportvereen is 1932 grünnt worrn un de Dörpsvereen an’n 4. Juni 2002.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Badlsdörp löppt de Kreisstraat 211, de in’n Oosten över Westervees un Oostervees na Fintel geiht un in’n Westen över Wohlsdörp an de Bundsstraten 71 un 75 ran. Von de K 211 geiht na Süüdoosten de K 224 na Brookel n de B 71 ran af.

De nächste Autobahn is de Autobahn 1. De Opfohrt 48 Elsdörp liggt so 18 Kilometer in’n Noordwesten von Badlsdörp.

De nächste Bahnhoff is so bi söven Kilometer wied weg in’n Noorden de Bahnhoff Scheeßl an de Bahnlien Hamborg–Bremen.

Lüüd[ännern | Bornkood ännern]

De Politiker Hinrich Brunckhorst is 1903 in Badlsdörp boren.

Literatur[ännern | Bornkood ännern]

  • Bartelsdorfer Dörpschronik. Bänn A, B, C (2006–2014)

Footnoten[ännern | Bornkood ännern]

  1. http://www.denkmalprojekt.org/dkm_deutschland/scheessel-bartelsdorf_ns.htm
  2. http://www.denkmalprojekt.org/2009/scheessel_kirche_wk1u2_ns.htm
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 98: http://books.google.de/books?id=Q 5OAAAAcAAJ&pg=PA98
  4. C. H. Jansen: Statistisches Handbuch des Königreichs Hannover. 1824, Sied 40: http://books.google.de/books?id=tG0AAAAAcAAJ&pg=PA40
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 152: http://books.google.de/books?id=eOI-AAAAcAAJ&pg=PA152
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166: https://books.google.de/books?id=qTZDAQAAMAAJ&pg=RA2-PA166
  7. http://www.gemeindeverzeichnis.de/gem1900/gem1900.htm?hannover/rotenburg.htm
  8. a b c http://www.verwaltungsgeschichte.de/rotenburg.html

Weblenken[ännern | Bornkood ännern]

Commons-logo.svg Badlsdörp. Mehr Biller, Videos oder Audiodateien to’t Thema gifft dat bi Wikimedia Commons.