Deepen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27383 | |
| Vörwahl: | 04266 | |
| Geograafsche Laag: | Koordinaten:53° 7′ N, 9° 35′ O53° 7′ N, 9° 35′ O | |
|
| ||
Deepen (hoochdüütsch Deepen) is en lütt Dörp in de Gemeen Scheeßl in’n Landkreis Rodenborg, Neddersassen. Binnen de gemeen höört dat to de polietsche Ortschop Oostervees.
De Oort besteiht ut twee Delen Groten Deepen direkt an de Veers un Lüttjen Deepen en Stück wieder na Noordwesten.
Geografie
[ännern | Bornkood ännern]De Oort liggt in’n Westen von de Lümbörger Heid an de Veers.
De Naveröörd sünd Oostervees in’n Noorden, Eenloh, Fintel un Grotenwe in’n Noordoosten, Schultenwe, Lünzen un Riep in’n Oosten, Grauen un Täwel in’n Süüdoosten, Hemslingen in’n Süden, Brookel un Wensbrook in’n Süüdwesten un Badlsdörp un Westervees in’n Noordwesten.
Historie
[ännern | Bornkood ännern]Deepen kummt üm 1320 as in Depene toeerst in de Oorkunnen vör.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Lauenbrüch in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.
De Oort hett von öllers bi de Buurschop un later de Gemeen Oostervees mit tohöört, de an’n 1. März 1974 mit de Gemeenreform in Neddersassen Deel von de Gemeen Scheeßl worrn is. Sietdem höört de Oort to de Oortschop Oostervees binnen de Gemeen Scheeßl.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 2 Füürsteden |
| 1824[2] | 5 Füürsteden |
| 1848[3] | 65 Lüüd, 10 Hüüs |
| 1. Dezember 1871[4] | 61 Lüüd, 11 Hüüs |
| 1. Dezember 1885[5] | 63 Lüüd, 12 Hüüs |
| 1. Dezember 1905[6] | 69 Lüüd, 10 Hüüs |
Religion
[ännern | Bornkood ännern]Deepen is evangeelsch-luthersch präägt un höört to dat Kaspel von de Lucas-Kark in Scheeßl.
För de Kathoolschen is de Corpus-Christi-Kark in Rodenborg tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Deepen löppt de Landsstraat 131, de in’n Noordwesten över Westervees na Scheeßl an de Bundsstraat 75 ran geiht un in’n Süden na Hemslingen an de L 170. De L 170 föhrt direkt in Hemslingen an de B 71 un in’n Oosten över Grauen un Lünzen na Snevern. De B 75 geiht von Scheeßl in’n Süüdwesten na Rodenborg un Otterbarg un in’n Noordoosten över Lauenbrüch na Töst un Bookholt. En lüttjere Straat löppt von Deepen in’n Oosten na Rieper Moor un an de Kreisstraat 236.
De nächste Autobahn is de Autobahn 1 (Afsnidd Hamborg–Bremen). De Opfohrten 48 Elsdörp un 47 Zittens doot all beid so 23 Kilometer in’n Noordwesten/Noorden von Deepen liggen.
De nächste Bahnhoff is so bi acht Kilometer wied weg in’n Noordwesten de Bahnhoff Scheeßl an de Bahnlien Hamborg–Bremen.
Scholen
[ännern | Bornkood ännern]De Kinner ut Deepen gaht na de Grundschool Scheeßl. De eerste School hett Deepen 1835 kregen. Vörher güngen de Kinner in Oostervees na School. De School bestünn blots ut en enkelte Kamer, de meedt worrn is. Dat eerste egene Schoolhuus keem 1904. 1959 is en neet Schoolhuus för de Volksschool trech worrn, dat denn aver blots noch bet 1966 bruukt worrn is. Do is de School dichtmaakt worrn un de Kinner kemen na Hemslingen un later na Scheeßl.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 54
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 126
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 179
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 151
