Westerholt (Landkreis Rodenborg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 650 (30. März 2010) | |
| Hööchd: | 30 m över NN | |
| Postleettall: | 27383 | |
| Vörwahl: | 04263 | |
| Geograafsche Laag: | Koordinaten:53° 10′ N, 9° 25′ O53° 10′ N, 9° 25′ O | |
|
| ||
Westerholt (hoochdüütsch Westerholz) is en Dörp un Oortschop in de Gemeen Scheeßl in’n Landkreis Rodenborg, Neddersassen. Bi de Oortschop Westerholt höört ok de lüttje Oort Bult un de Hoff Emmen mit to.
Geografie
[ännern | Bornkood ännern]De Bullerbarg in’n Westen von Westerholt is een von de höögsten Bargen in’n Landkreis Rodenborg. In’n Süüdwesten liggt dat Naturschuulrebeed Stellmoor un Weichel.
De Naveröörd sünd Hetzweeg in’n Noorden, Bult un Westeresch in’n Noordoosten, Jeersdörp un Scheeßl in’n Oosten, Veersbrügg un Wohlsdörp in’n Süüdoosten, Rodenborg in’n Süden, Luhn un Stellmoor in’n Süüdwesten, Borchel un Emmen in’n Westen un Langenhörn in’n Noordwesten.
Historie
[ännern | Bornkood ännern]In’n Tweten Weltkrieg sünd 17 Soldaten ut Westerholt fullen oder vermisst.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Jeem in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg. 1977 is dat Deel von’n ne’en, grötteren Landkreis Rodenborg worrn.
Von 1964 bet 1974 weer de Gemeen Westerholt Maat von de Samtgemeen Scheeßl. De Oort is an’n 1. März 1974 Deel von de Gemeen Scheeßl worrn. Dorbi sünd de Gemeen Westerholt un de Samtgemeen Scheeßl oplööst worrn. Westerholt billt nu en Oortschop mit egen Oortsbörgermeester un en Oortsraad mit acht Liddmaten.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 16 Füürsteden |
| 1812[3] | 106 |
| 1824[4] | 21 Füürsteden |
| 1848[5] | 180 Lüüd, 27 Hüüs |
| 1. Dezember 1871[6] | 222 Lüüd, 38 Hüüs |
| 1. Dezember 1885[7] | 217 Lüüd, 39 Hüüs |
| 1. Dezember 1905[8] | 267 Lüüd, 46 Hüüs |
| 1. Dezember 1910[9] | 337* |
| 1925[10] | 403* |
| 1933[10] | 417* |
| 1939[10] | 440* |
| 30. März 2010 | 650* |
- * tohoop mit Bult un Emmen
Religion
[ännern | Bornkood ännern]Westerholt is evangeelsch-luthersch präägt un höört to dat Kaspel von de Lucas-Kark in Scheeßl.
För de Kathoolschen is de Corpus-Christi-Kark in Rodenborg tostännig.
Oortsraad
[ännern | Bornkood ännern]| Johr \ Partei | Tall | SPD | WfW |
|---|---|---|---|
| 2016 | 6 | 1 | 5 |
- Bi de Wahl 2016 sünd dree Plätz unbesett bleven, von wegen dat Wolfgang Kirschstein bi de Wahl för de SPD antreden is un soveel Stimmen kregen hett, dat de SPD veer Raadslüüd stellen kunn, ofschoonst Kirschstein de eenzige Person op de SPD-List weer.
- Liddmaten
- 2011:
- SPD: Wolfgang Kirschstein
- WfW: Volker Bammann, Ralf Münkel, Michael Miesner, Werner Miesner, Andreas Viets
Oortsbörgermeesters
[ännern | Bornkood ännern]| Tied | Börgermeester | Partei |
|---|---|---|
| opstunns | Wolfgang Kirschstein | SPD |
Kultur
[ännern | Bornkood ännern]Gedenktafeln för de Fullenen ut de twee Weltkrieg’ hängt in Scheeßl in de Kark.
Verenen
[ännern | Bornkood ännern]Westerholt hett en egene freewillige Füürwehr un en Schüttenvereen.
Weertschop un Infrastruktur
[ännern | Bornkood ännern]In’n Westen von Westerholt in Emmen liggt de Golfclub Wümm.
Verkehr
[ännern | Bornkood ännern]Dör Westerholt löppt de Kreisstraat 219, de in’n Noorden na Hetzweeg an de Landsstraat 131 ran geiht un in’n Süden bi Rodenborg an de Bundsstraat 71/75. Von de K 219 geiht na Oosten de K 216 af, de na Scheeßl an de B 75 löppt. Ans gifft dat lüttjere Straten na Borchel un Westeresch.
De nächste Autobahn is de Autobahn 1 (Afsnidd Hamborg–Bremen). De Opfohrt 48 Elsdörp liggt so teihn Kilometer in’n Noordwesten von Westerholt an de L 131.
De nächste Bahnhoff is so bi söven Kilometer wied weg in’n Oosten de Bahnhoff Scheeßl an de Bahnlien Hamborg–Bremen.
Scholen
[ännern | Bornkood ännern]Fröher harr de Oort en Volksschool mi egen Klockentoorn. De School is vondaag dichtmaakt un dor is en Kinnergoorn ünnerbrocht. De Kinner gaht nu na de Grundschool Scheeßl.
Footnoten
[ännern | Bornkood ännern]- ↑ http://www.denkmalprojekt.org/2009/scheessel_kirche_wk1u2_ns.htm
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 247
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 98
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 656
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 180
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Abbendörp-Hetzweeg | Badlsdörp | Jeersdörp | Oostervees | Scheeßl | Sootel | Westeresch | Westerholt | Westervees | Wittkopsbossel | Wohlsdörp