Bult (Landkreis Rodenborg)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Bult
Laag vun Bult in Düütschland
Basisdaten
Bundsland: Neddersassen
Landkreis: Rodenborg
Gemeen: Scheeßl
Inwahners:
Postleettall: 27383
Vörwahl: 04263
Geograafsche Laag:
Koordinaten:53° 11′ N, 9° 26′ O
53° 11′ N, 9° 26′ O

Bult (hoochdüütsch Bult) is en lütten Oort in de Gemeen Scheeßl in’n Landkreis Rodenborg, Neddersassen. Binnen de Gemeen Scheeßl höört de Oort to de polietsche Oortschop Westerholt.

Geografie[ännern | Bornkood ännern]

De Oort liggt in’n Westen von de Lümbörger Heid an’n Rand von dat Bultmoor. Dat Water ut dat Rebeed flütt över Gravens un lüttjere Beken na’n Alpershusener Möhlenbeek hen af.

De Naveröörd sünd Wittkopsbossel in’n Noorden, Westeresch in’n Noordoosten, Jeersdörp un Scheeßl in’n Süüdoosten, Westerholt un Borchel in’n Süüdwesten un Hetzweeg un Abbendörp in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Jeem in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

De Oort höört al von öllers bi de Buurschop un later de Gemeen Westerholt mit bi, de an’n 1. März 1974 mit de Gemeenreform in Neddersassen Deel von de Gemeen Scheeßl worrn is. Sietdem billt Westerholt en Oortschop binnen de Gemeen.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1812-00-001812[2] 22
1824-00-001824[3] 4 Füürsteden
1848-00-001848[4] 33 Lüüd. 5 Hüüs
1871-12-011. Dezember 1871[5] 29 Lüüd. 6 Hüüs
1885-12-011. Dezember 1885[6] 33 Lüüd. 5 Hüüs
1905-12-011. Dezember 1905[7] 35 Lüüd. 4 Hüüs

Religion[ännern | Bornkood ännern]

Bult is evangeelsch-luthersch präägt un höört to dat Kaspel von de Lucas-Kark in Scheeßl.

För de Kathoolschen is de Corpus-Christi-Kark in Rodenborg tostännig.

Weertschop un Infrastruktur[ännern | Bornkood ännern]

För Bult is de freewillige Füürwehr Westerholt mit tostännig.

Verkehr[ännern | Bornkood ännern]

In de Neegd von Bult löppt de Landsstraat 131 langs, de in’n Noordwesten över Hetzweeg, Abbendörp un Elsdörp na Zeven geiht un in’n Süüdoosten na Scheeßl an de Bundsstraat 75. De B 75 geiht von Scheeßl in’n Noordoosten na Töst un Bookholt un in’n Süüdwesten na Rodenborg un Otterbarg. In de Neegd von Bult loopt tosätzlich de Kreisstraten K 219 (von Hetzweeg över Westerholt na Rodenborg) un K 216 (von Westerholt na Jeersdörp un Scheeßl) langs.

De nächste Autobahn is de Autobahn 1 (Afsnidd HamborgBremen). De Opfohrt 48 Elsdörp liggt so negen Kilometer in’n Noordwesten von Bult an de L 131.

De nächste Bahnhoff is so bi söss Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen.

Scholen[ännern | Bornkood ännern]

Fröher güngen de Kinner in Westerholt na de Volksschool. Nadem de dichtmaakt hett, gaht se vondaag na de Grundschool Scheeßl.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 42
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 98
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 102
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 169
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 181
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152