Hetzweeg

Vun Wikipedia
Wapen/Flagg Koort
Wapen unbekannt
Hetzweeg
Laag vun Hetzweeg in Düütschland
Basisdaten
Bundsland: Neddersassen
Landkreis: Rodenborg
Gemeen: Scheeßl
Inwahners: 393 (2009-09-3030. September 2009)
Postleettall: 27383
Vörwahl: 04263
Geograafsche Laag:
Koordinaten:53° 12′ N, 9° 24′ O
53° 12′ N, 9° 24′ O

Karte

Hetzweeg (hoochdüütsch Hetzwege) is en Dörp in de Gemeen Scheeßl in’n Landkreis Rodenborg, Neddersassen. Binnen de Gemeen höört de Oort de polietsche Oortschop Abbendörp-Hetzweeg.

Geografie[ännern | Bornkood ännern]

Dat Water ut dat Rebeed flütt in’n Noorden över de Meh-Au af un in’n Süden över’n Westerholter Kanaal na de Wümm hen.

De Naveröörd sünd Wittkopsbossel mit Olenhöben un Sootel in’n Noordoosten, Westeresch un Jeersdörp in’n Süüdoosten, Westerholt in’n Süden, Borchel in’n Süüdwesten un Heesdörp, Abbendörp un Bockhorst in’n Noordwesten.

Historie[ännern | Bornkood ännern]

Hetzweeg kummt 1028 as Hekiswidi toeerst in de Oorkunnen vör.

In’n Eersten Weltkrieg sünd teihn Soldaten ut Hetzweeg fullen oder vermisst un in’n Tweten Weltkrieg 19.[1][2]

Verwaltungsgeschicht[ännern | Bornkood ännern]

De Oort hett vör 1885 to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg. 1977 is dat Deel von’n ne’en, grötteren Landkreis Rodenborg worrn.

De Oort hett fröher tohoop mit Jeersdörp, Olenhöben, Westeresch un Wittkopsbossel de Buurschop Westeresch billt, is aver in dat 19. Johrhunnert en egen Gemeen worrn, de denn an’n 1. März 1974 mit de Gemeenreform in Neddersassen Deel von de Gemeen Scheeßl worrn is. Dorbi is Hetzweeg binnen de Gemeen mit Abbendörp to de Oortschop Abbendörp-Hetzweeg mit egen Oortsraad un Oortsbörgermeester tohoopslaten worrn.

Inwahnertall[ännern | Bornkood ännern]

Johr Inwahners
1791-00-001791[3] 8 Füürsteden
1824-00-001824[4] 15 Füürsteden
1848-00-001848[5] 96 Lüüd, 18 Hüüs
1871-12-011. Dezember 1871[6] 116 Lüüd, 18 Hüüs
1885-12-011. Dezember 1885[7] 155 Lüüd, 24 Hüüs
1905-12-011. Dezember 1905[8] 180 Lüüd, 28 Hüüs
1910-12-011. Dezember 1910[9] 180
1925-00-001925[10] 226
1933-00-001933[10] 239
1939-00-001939[10] 240

Religion[ännern | Bornkood ännern]

Hetzweeg is evangeelsch-luthersch präägt un höört to dat Kaspel von de Lucas-Kark in Scheeßl.

För de Kathoolschen is de Corpus-Christi-Kark in Rodenborg tostännig.

Kultur[ännern | Bornkood ännern]

En Denkmaal för de Fullenen ut’n Eersten Weltkrieg steiht in Hetzweeg an’e Hauptstraat. Gedenktafeln för de Fullenen ut’n Tweten Weltkrieg hängt in Scheeßl in’e Kark.

Verenen[ännern | Bornkood ännern]

De Schüttenvereen Abbendörp-Hetzweeg is 1912 grünnt worrn. Bet 1934 harr he noch den Naam Schüttenvereen Abbendörp. De Sportvereen SV Germania Hetzweeg-Abbendörp is 1922 grünnt worrn.

Weertschop un Infrastruktur[ännern | Bornkood ännern]

Hetzweeg hett en egene freewillige Füürwehr, de 1901 grünnt worrn is.

Verkehr[ännern | Bornkood ännern]

Dör Hetzweeg löppt de Landsstraat 131, de in’n Noordwesten över Abbendörp, Elsdörp un Wist na Zeven an de Bundsstraat 71 ran geiht un in’n Süüdoosten över Westeresch na Scheeßl an de B 75. De L 131 warrt in Hetzweeg von de Kreisstraat 219 krüüzt, de in’n Süden över Westerholt bi Rodenborg an de B 71/B 75 ran föhrt un in’n Noordoosten över Wittkopsbossel un Sootel na Homersen an de L 131.

De nächste Autobahn is de Autobahn 1 (Afsnidd HamborgBremen). De Opfohrt 48 Elsdörp liggt so söven Kilometer in’n Noordwesten von Hetzweeg an de L 131.

De nächste Bahnhoff is so bi söven Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen. Von 1906 bet 1968 hett dat ok Personenverkehr op de Bahnlien Bremervöör–Wasra geven. De Bahnhoff Jeem leeg in düsse Tied söss Kilometer in’n Noordwesten.

Scholen[ännern | Bornkood ännern]

Dat Dörp hett en egen Kinnergoorn. De Kinner gaht op de Grundschool Scheeßl, de in Hetzweeg en lüttje Butensteed hett.

Literatur[ännern | Bornkood ännern]

  • Günther Frick: Hetzwege, Landkreis Rotenburg (Wümme). 975 Jahre vom bischöflichen Zehnthof bis zum modernen Ort der Einheitsgemeinde Scheeßel. 2003

Footnoten[ännern | Bornkood ännern]

  1. Onlineprojekt Gefallenendenkmäler
  2. Onlineprojekt Gefallenendenkmäler
  3. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 105
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 272
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 178
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de