Emmen (Landkreis Rodenborg)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Emmen
Laag vun Emmen in Düütschland
Basisdaten
Bundsland: Neddersassen
Landkreis: Rodenborg
Gemeen: Scheeßl
Inwahners:
Postleettall: 27383
Vörwahl: 04263
Geograafsche Laag:
Koordinaten:53° 10′ N, 9° 23′ O
53° 10′ N, 9° 23′ O

Emmen (hoochdüütsch Emmen) is en Hoff in de Gemeen Scheeßl in’n Landkreis Rodenborg, Neddersassen. De Oort höört polietsch al von öllers bi Westerholt mit bi.

Geografie[ännern | Bornkood ännern]

De Oort liggt op en Geestbarg merrn in en Rebeed mit veel Moor. Dat Water ut dat Rebeed flütt över den Westerholter Kanaal na de Wümm hen af.

De Naveröörd sünd Abbendörp in’n Noorden, Hetzweeg un Bult in’n Noordoosten, Westerholt in’n Oosten, Rodenborg un Imkersfeld in’n Süden, Luhn in’n Süüdwesten, Borchelsmoor in’n Westen un de Borchelhoff un Langenhörn in’n Noordwesten.

Historie[ännern | Bornkood ännern]

Rund üm den Hoff is siet 1984 en Golfplatz anleggt, de von’n Golf Club Wümm bedreven warrt. De ole Hoff Emmen is dat Clubhuus. De Platz harr to Anfang negen Löcker, is 1992/1993 op 18 Löcker utboot worrn un 2014 op 27 Löcker.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Jeem in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsavaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n Landkreis Rodenborg tohoopgahn is.

Emmen hett in dat 19. Johrhunnert to de Buurschop Westerholt höört un later to de Gemeen Westerholt. Von 1964 bet 1974 weer de Gemeen Westerholt Maat von de Samtgemeen Scheeßl. Gemeen un Samtgemeen sünd an’n 1. März 1974 mit de Gemeenreform in Neddersassen oplööst un Deel von de ne’e Gemeen Scheeßl worrn.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 6
1824-00-001824[3] 1 Füürsteed
1848-00-001848[4] 7 Lüüd. 1 Huus
1871-12-011. Dezember 1871[5] 11 Lüüd. 1 Huus
1885-12-011. Dezember 1885[6] 11 Lüüd. 1 Huus
1905-12-011. Dezember 1905[7] 11 Lüüd. 1 Huus

Religion[ännern | Bornkood ännern]

Emmen is evangeelsch-luthersch präägt un höört to dat Kaspel von de Lucas-Kark in Scheeßl.

För de Kathoolschen is de Corpus-Christi-Kark in Rodenborg tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Von Emmen loopt Straten in’n Westen in Borchel an de Kreisstraat 238 un in’n Oosten in Westerholt an de Kreisstraat 219. De K 238 geiht in’n Noorden na Abbendörp an de Landsstraat 131 un in’n Süden bi Luhn an de Bundsstraat 71. De K 219 föhrt in’n Noorden in Hetzweeg an de L 131 un in’n Süden bi Rodenborg an de B 71/B 75. Von Westerholt geiht na Oosten ok de K 216 na Scheeßl an de B 75.

De nächste Autobahn is de Autobahn 1 (Afsnidd HamborgBremen). De Opfohrt 48 Elsdörp liggt so ölven Kilometer in’n Noordwesten von Emmen an de L 131.

De nächsten Bahnhööv sünd so bi negen Kilometer wied weg in’n Oosten de Bahnhoff Scheeßl un negen Kilometer in’n Süden de Bahnhoff Rodenborg an de Bahnlien Hamborg–Bremen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 68
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 98
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 168
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 169
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 181
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152