Euanthe (Maand)

Euanthe (ok Jupiter XXXIII) is en vun de lütten Maanden vun’n Planet Jupiter. Opdeckt weer de Maand, an’n 11. Dezember 2001 vun en poor US-amerikaansche Astronomen vun de University of Hawaii ünner dat Regeer vun Scott S. Sheppard. De Maand is na Euanthe nöömt, de in de greekschen Mythologie de Moder vun de Chariten weer. De vörlöpige Beteken vun den Maand weer S/2001 J 7.

Ümloopbahn

De Maand kreist op en Ümloopbahn mit en middleren Afstand vun 20.799.000 km üm den Planeten un bruukt dorför üm un bi 620 Daag un 14 Stünnen. De Bahn hett en Exzentrizität von 0,232 un is üm 148,9 ° gegen den Äquater vun den Jupiter kippt. Dormit is de Bewegen vun den Maand retrograad, dat bedüüdt, dat sik de Maand gegen den de Richt vun de Rotatschoon vun den Jupiter bewegen deit. Vun wegen disse physikaalsch Egenschoppen vun de Bahn warrt Euanthe mit annere Maanden to de Ananke-Grupp torekent.

Egenschoppen

Mit en middleren Dörmeter vun blots 3 km tellt Euanthe to de ganz lütten Maanden. De Böverflach wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand ok bannig düster. De Dicht warrt op ruchweg 2,6 g/cm³ schätzt. Dorut warrt vermodt, dat Euanthe tomehrst ut Silikat-Steen opboot is. Ok dor is de Maand liek de annern ut de Ananke-Grupp.

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden