Suurhoop
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21244 | |
| Vörwahl: | 04181 | |
| Geograafsche Laag: | Koordinaten:53° 19′ N, 9° 51′ O53° 19′ N, 9° 51′ O | |
|
| ||
Suurhoop (hoochdüütsch Suerhop) is en Oort in de Gemeen Bookholt in’n Landkreis Horborg, Neddersassen.
Geografie
[ännern | Bornkood ännern]Suurhoop liggt in de Lümbörger Heid. De Ümgegend billt de Suurhoopsheid, wat en Deel von de Lohbargen is. In’n Süüdwesten liggt dat Naturschuulrebeed Bruunsbarg. Na Oosten to liggt de Steenbeek.
De Naveröörd sünd Meilsen un Steenbeek in’n Noorden, Bookholt in’n Noordoosten, Reindörp in’n Oosten, Seppens un Holm-Seppens in’n Süüdoosten, Wörm in’n Süden, Hökel, Langeloh un Lohbargen in’n Süüdwesten, Sprötz in’n Westen un Triller Barg un Brumhagen in’n Noordwesten.
Historie
[ännern | Bornkood ännern]Suurhoop is keen olen Oort. Bet in dat 20. Johrhunnert weer dat en Heidlandschop ahn Hüüs. Eerst 1913 sünd de eersten Siedlungshüüs in Suurhoop boot worrn. Mit de Tied sünd jümmer mehr Wahnrebeden anleggt worrn un de Oort hett sik op dat Rebeed von dree Öörd utbreedt: Bookholt, Sprötz un Trill. Dorüm sünd för Suurhoop vondaag ok dree verscheden Oortsrääd binnen de Gemeen Bookholt tostännig.
Verwaltungsgeschicht
[ännern | Bornkood ännern]De Oort is as Deel von de Gemenen Bookholt un Trill an’n 1. Juli 1972 mit de Gemeenreform in Neddersassen an de nu gröttere Gemeen Bookholt kamen.
Religion
[ännern | Bornkood ännern]Suurhoop is evangeelsch-luthersch präägt.
För de Kathoolschen is de St.-Petrus-Kark in Bookholt tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Von Suurhoop loopt lüttjere Straten in’n Westen na Sprötz an de Kreisstraat 72 un in’n Noordoosten in Bookholt an de K 44 un K 28.
Över de K 72 is de Oort anslaten an de Bundsstraat 3, de in’n Süden na Snevern un Soltau to geiht un in’n Noorden bi Buxthu an de Bundsstraat 73 ran. Över de K 44 geiht dat na de B 75, de in’n Süüdwesten na Töst un Rodenborg geiht un in’n Noordoosten na Ninndörp. De K 28 wedder geiht na Holm-Seppens un Holm.
De nächste Autobahn is de Autobahn 1. De Opfohrt 42 Dibbersen liggt so söven Kilometer in’n Noordoosten von Suurhoop an de B 75.
De Oort hett mit’n Bahnhoff Suurhoop en egen Bahnhoff an de Heidbahn. De Bahnhoff Bookholt an de Bahnlien Hamborg–Bremen liggt aver ok blots twee Kilometer in’n Noordoosten.
Scholen
[ännern | Bornkood ännern]De Kinner ut Suurhoop gaht na de Grundschool Sprötz-Trill.
