Drochters

Vun Wikipedia
(wiederwiest vun Drochtersen)
Wapen/Flagg Koort

Wapen vun Drochters

Drochters
Laag vun Drochters in Düütschland
Basisdaten
Bundsland: Neddersassen
Landkreis: Stood
Gemeen: Drochters
Inwahners: 5.470 (2011-12-3131. Dezember 2011)
Postleettall: 21706
Vörwahl: 04143
Geograafsche Laag:
Koordinaten:53° 43′ N, 9° 23′ O
53° 43′ N, 9° 23′ O

Karte

Luftbild von Drochters (2012)
Postkoort mit en ole Ansicht von Drochters

Drochters (hoochdüütsch Drochtersen) is en Dörp in de Gemeen Drochters in’n Landkreis Stood, Neddersassen.

Geografie[ännern | Bornkood ännern]

De Oort liggt in Keden dicht bi de Wischhobener Süderelv. Von’n Hauptstroom von de Elv liggt Drochters üm un bi twee Kilometer af.

De Naveröörd sünd Gauensiekersand un Kruutsand in’n Noorden, Gauensiek un Aßlersand in’n Oosten, Ritsch un Aßel in’n Süüdoosten, Ritschermoor un Drochtersermoor in’n Süden, Aschhorn in’n Süüdwesten, Theisbrüggermoor un Hüll in’n Westen un Theisbrügg, Nindörp un Doornbusch in’n Noordwesten.

Historie[ännern | Bornkood ännern]

Dat ole sassische Dörp Drochters is dat eerste Maal 1287 benöömt worrn. De Naam von’n Oort kummt wohrschienlich von en Personennaam Druhtheri un -husen, wat to -sen un -s tohooptagen is.

In’n Krieg von 1870/1871 sünd fiev Soldaten ut Drochters fullen oder vermisst, Eersten Weltkrieg 128 un in’n Tweten Weltkrieg 315.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Drochters in’n Kanton Freeborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to dat Grevengericht Bützfleet tohöört un von 1852 bet 1859 to dat Amt Wischhoben. Dat Amt Wischhoben is 1859 oplööst worrn un dat Rebeed keem denn an dat Amt Freeborg. Na 1885 weer Drochters in’n Kreis Keden un 1932 is dat Deel von’n Landkreis Stood worrn.

In dat 19. Johrhunnert weer Drochters noch Deel von de Buurschop Gauensiek. Eerst later is dat ganze Kaspel Drochters to een polietsche Gemeen tohoopfaat worrn, de denn den Naam von’n Karkenoort Drochters kregen hett. De Gemeen Drochters is an’n 1. Juli 1972 mit de Gemeenreform in Neddersassen mit de Gemenen Aßel un Hüll to de ne’e un gröttere Gemeen Drochters tohoopleggt worrn.

Inwahnertall[ännern | Bornkood ännern]

Johr Inwahners
1791-00-001791[2] 126 Füürsteden
1824-00-001824[3] 126 Füürsteden
1871-12-011. Dezember 1871[4] 720 Lüüd, 114 Hüüs
1890-00-001890[5] 3.756
1910-12-011. Dezember 1910[6] 3.680
1925-00-001925[5] 3.245
1933-00-001933[5] 4.288
1939-00-001939[5] 4.551

Religion[ännern | Bornkood ännern]

Drochters is evangeelsch-luthersch präägt un billt mit de Johannis- un Katharinen-Kark en egen Kaspel.

För de Kathoolschen is de Hillig-Geist-Kark in Stood tostännig. In de Johren 1950 is op en Saal von en oold Gasthuus en kathoolsche Kapell inricht worrn, de aver later wedder oplööst worrn is.

Dat gifft aver ok en neeapostoolsche Gemeen in Drochters.

Börgermeesters[ännern | Bornkood ännern]

Wapen[ännern | Bornkood ännern]

Dat Wapen von Drochters in Sülver wiest twee roode Sporen mit Stopen un is an'n 5. März 1938 goodkennt wurrn.

Kultur[ännern | Bornkood ännern]

In Drochters warrt jümmer an dat drüdde Wekenenn in’n Advent Wiehnachtsmarkt fiert.

En Denkmaal för de Fullenen ut de twee Weltkrieg’ steiht bi de Kark.

Verenen[ännern | Bornkood ännern]

De Schüttenvereen Drochters is 1866 grünnt worrn.

De SV Drochters/Aßel is in Drochters tohuus. De Speelvereenigung hett sik 1977 ut TVG Drochters un VTV Aßel billt un speelt Football.

Weertschop un Infrastruktur[ännern | Bornkood ännern]

Drochters hett en egene freewillige Füürwehr, de 1895 grünnt worrn is.

Drochters gellt na dat Regionale Ruumordnungsprogramm as Grundzentrum mit middelzentrale Deelfunkschonen för de Öörd in de Ümgegend.

De Volksbank Keden hett in Drochters in de Siedwenner Straat 2 en Filiaal un de Kreisspoorkass Stood in de Drochterser Straat 25.

Verkehr[ännern | Bornkood ännern]

Dör Drochters löppt de Landsstraat 111, de in’n Noordwesten na Doornbusch un an de Bundsstraat 495 ran geiht un in’n Süüdoosten över Aßel un Bützfleet na Stood. De B 495 geiht in’n Süüdwesten na Oosten un Hemmoor (Basbeek/Warstood) un in’n Noorden na Wischhoben un na de Elvfähr Glückstadt–Wischhoben. Direkt in Drochters geiht von de L 111 de Kreisstraat 45 af, de in’n Noorden na Kruutsand löppt. De K 27 föhrt in’n Süüdwesten na Aschhorn un Drochtersermoor.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so 19 Kilometer in’n Süüdoosten von Drochters an de L 111. In Tokumst schall de A 26 ok noch bet Drochters wiederboot warrn. Dor schall se mit dat Dreeeck Drochters op de A 20 drepen, de dör en Elvtunnel dat Rebeed mit Sleswig-Holsteen verbinnt. De A 20 is aver ok eerst plaant un warrt noch nich boot.

De nächste Bahnhoff is so bi 13 Kilometer wied weg in’n Süden de Bahnhoff Hammoh an de Nedderelvbahn von Cuxhoben na Hamborg. Von 1899 bet 1936 harr de Oort ok en lütten Bahnhoff an de Kedener Kreisbahn.

Lüüd[ännern | Bornkood ännern]

De Politiker Ludwig Alpers is 1866 in dat Dörp boren. Ok de Chemiker Fritz Umland stamm ut Drochters.

Footnoten[ännern | Bornkood ännern]

  1. www.denkmalprojekt.org/dkm_deutschland/drochtersen.htm
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 59
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 146
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136
  5. a b c d Inwahnertallen op verwaltungsgeschichte.de
  6. Inwahnertallen op gemeindeverzeichnis.de