Aschhoorn

Vun Wikipedia
(wiederwiest vun Aschhorn)
Zur Navigation springen Zur Suche springen
Wapen/Flagg Koort

Wapen vun Aschhoorn

Aschhoorn
Laag vun Aschhoorn in Düütschland
Basisdaten
Bundsland: Neddersassen
Landkreis: Stood
Gemeen: Drochters
Inwahners:
Postleettall: 21706
Vörwahl: 04143
Geograafsche Laag:
Koordinaten:53° 42′ N, 9° 21′ O
53° 42′ N, 9° 21′ O

Aschhoorn (hoochdüütsch Aschhorn) is en Oort in de Gemeen Drochters in’n Landkreis Stood, Neddersassen. Bi Aschhoorn höört ok Aschhoornermoor bi.

Geografie[ännern | Bornkood ännern]

De Oort liggt an’n Rand von dat Kedener Moor in’n Süden von Land Keden. Dat Water ut dat Rebeed flütt över Gravens na dat Sietwenner Slüsenfleet un in de Wischhobener Süderelv.

De Naveröörd sünd Doornbusch in’n Noorden, Drochters in’n Noordoosten, Ritsch in’n Oosten, Aschhoornermoor, Drochtersermoor un Gauensiekermoor in’n Süden, Grootweurn in’n Süüdwesten un Hüll un Theisbrüggermoor in’n Westen.

Historie[ännern | Bornkood ännern]

Aschhoorn kummt 1308 as Eschehorn toeerst in de Oorkunnen vör.

Verwaltungsgeschicht[ännern | Bornkood ännern]

De Oort hett vör 1852 to dat Grevengericht Bützfleet tohöört un denn von 1852 bet 1859 to dat Amt Wischhoben. Von 1859 bet 1885 weer dat in dat Amt Freeborg un na 1885 in’n Kreis Keden. 1932 is dat Deel von’n Kreis Stood worrn.

Fröher hett de Oort to de Buurschop Sietwenn höört. Düsse Buurschop is later Deel von de Gemeen Drochters worrn.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1824-00-001824[2] 1 Füürsteed
1871-12-011. Dezember 1871[3] 81 Lüüd. 9 Hüüs
1885-12-011. Dezember 1885[4] 95 Lüüd. 10 Hüüs
1905-12-011. Dezember 1905[5] 76 Lüüd. 10 Hüüs

Religion[ännern | Bornkood ännern]

Aschhoorn is evangeelsch-luthersch präägt un höört to dat Kaspel von de Johannis- un Katharinen-Kark in Drochters.

För de Kathoolschen is de Hillig-Geist-Kark in Stood tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Aschhoorn löppt de Kreisstraat 27, de in’n Süüdoosten na Stood geiht un in’n Noordoosten na Drochters an de Landsstraat 111 ran. In’n Noordwesten geiht von de K 27 de K 12 af na de Bundsstraat 495.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost an de L 111 liggt so 22 Kilometer in’n Süüdoosten von Aschhoorn.

De nächste Bahnhoff is so bi twölv Kilometer wied weg in’n Süden de Bahnhoff Hammoh an de Nedderelvbahn von Cuxhoben na Hamborg.

Scholen[ännern | Bornkood ännern]

De Kinner ut’n Oort gaht na de Grundschool Doornbusch (Huusnummern 1 bet 14) oder op de Grundschool Aßel (Huusnummern 15 bet 17) op School.

Lüüd[ännern | Bornkood ännern]

De Schriever Thomas B. Morgenstern bedrifft en Ökobuurnhoff in Aschhoorn.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 11
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 26
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 137
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 154
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 93