Thomas B. Morgenstern
Thomas B. Morgenstern (* 19. Mai 1952 in Jugenheim) is en düütschen Schriever.
Morgenstern is 1952 as Söhn von en Dokter in Jugenheim boren.[1] Opwussen is he in Pfungstadt, dor harr sien Vader en Praxis.[1] Later hett he ok en Tied in Konstanz un Olching leevt.[1] He hett 1972 sien Abitur an dat Max-Planck-Gymnasium in Pasing maakt un denn in München studeert.[1] Toeerst Chemie, denn en poor Semester Germanistik un Theaterwetenschoppen un toletzt Biologie an de Universitäten Konstanz un Hohenheim.[1] Dat Studium hett he 1979 mit en Diplom afslaten.[1] Na dat Studium hett he en Lehr in de Bueree anfungen un hett as Bedrievshelper op Buurnhööv in Oberschwaben arbeidt.[1] 1981 hett he mit siene Fro Britta en Hoff in Aschhoorn övernahmen un bedrifft dor nu en Buurnhoff, de ökoloogsch bewirtschaft warrt.[2] De Bedriev is 230 Hektar groot.
Morgenstern schrifft blangenbi Böker. Siene eersten Böker weren Kinnerböker, de he för siene dree Kinner schreven hett, aver grötteren Spood harr he denn mit Krimis (Regionalkrimis ut Keden). Dat Book Der Milchkontrolleur von 2005 hett sik mehr as 45.000 Maal verköfft.[3]
För sien Krimi Der Milchkontrolleur hett he 2007 den Gollen Heekt kregen.
Warken
[ännern | Bornkood ännern]- Die Orangendiebe. Hannah-Verlag, Stood 1998, ISBN 3-931735-03-6
- Verschwörung in Meridan. Hannah-Verlag, Stood 1998, ISBN 3-931735-02-8
- Zirom und der maurische König. Hannah-Verlag, Stood 2001, ISBN 3-931735-05-2
- Revo der Traumfänger. Hannah-Verlag, Stood 2001, ISBN 3-931735-09-5
- Der Milchkontrolleur. MCE, Drochters 2005, ISBN 3-938097-03-5
- Jacob Ovens. Hochstapler · Betrüger · Deichbauer. MCE, Drochters, 2009, ISBN 978-3-938097-18-2
- Der Aufhörer. MCE, Drochters 2008, ISBN 978-3-938097-13-7
- Tod eines Milchbauern. Der Milchkontrolleur ermittelt. Piper, 2010, ISBN 9783492257794
- Milchfieber. MCE, Drochters, 2011, ISBN 978-3-938097-26-7
Footnoten
[ännern | Bornkood ännern]- ↑ a b c d e f g http://www.literaturport.de/Thomas-B.Morgenstern/
- ↑ Viele Geschichten im Kopf, Stader Tageblatt von’n 22. Oktober 2005
- ↑ Der neue Morgenstern ist da, Stader Tageblatt von’n 18. Oktober 2008
Weblenken
[ännern | Bornkood ännern]- Websteed von Morgenstern (hoochdüütsch)