Gollen Heekt

De Gollene Heekt is en Pries, de elk Johr an’n Dag vun de Oost vun de AG Oosteland för Verdeensten üm de Oost vergeven warrt. In alltohoop söss Kategorien kriegt de Priesdregers en Figur vun en Heekt in’e Hand. Schirmherrn sünd de Landkreise Stood, Rodenborg un Cuxhoben. He is verbunnen mit en Priesgeld vun je 500 Euro.

Winners

2005

• Kunst/Literatur: Elke Loewe för ehre Warken, de all in ehr heimatliche Region an de Oost verwuddelt sünd
• Ünnernehmerdom/Tourismus: Helmut Plaat för sien Insatz as Fährmann op de Prahmfähr vun Gröpel un Wirt vun dat Gasthuus To’n Oosteblick den Tourismus an de Oost to fördern
• Denkmalschutz: Birgit Greiner för ehren Insatz as Baas vun’n Denkmalschutz in’n Landkreis Cuxhoben, de Sweevfähr Oosten to bewohren
• Naturschutz: Egon Boschen un Ernst Peters as Vertreders vun de Anglerverbänn Ünnere Oost un Bövere Oost för den Insatz bi dat Wedderansiedeln vun’n Lass in de Oost
• Wetenschop: Silvia Bochmann för ehre Diplomarbeit Die Deutsche Fährstraße – Zwischen Kiel und Bremervörde
• Medien: Grit Klempow vun dat Stoder Daagblatt för de velen Berichten över Geschicht un Geschehn an de Oost

2006

• Literatur: Hans-Hinrich Kahrs för dat Plegen vun de plattdüütsche Spraak dör siene Böker
• Ünnernehmerdom/Tourismus: Eibe von Glasow un Caspar Bingemer för dat Bedrieven vun de Mocambo as Fohrgastschipp op de Oost
• Denkmalschutz: Uwe Hildebrandt un Günther Ropers för ehrn Insatz de Tegelee in Bevern as Denkmal to bewohren
• Naturschutz: Berthold Polnau un Diedrich Meyn för ehrn Insatz as Anglers, de Deer- un Plantenwelt an de Oost to bewohren
• Wetenschop: Klaus Volland för siene Arbeiden to dat Stalag in Sandbossel
• Medien: Jürgen Deppe för sien Film Die Oste – Zwischen Moor und Marsch

2007

• Literatur: Thomas B. Morgenstern för sien Krimi Der Milchkontrolleur
• Tourismus: Christine un Jürgen Reimer de op ehr 6000-Kilometer-Reis dör söss Länner mit de Europakutsch Werbung för de Region an de Oost maakt hebbt
• Denkmalschutz: Ulrike Paap för ehrn Insatz mit de Landfraun Sürsen de Watermöhl in Eitzt as Gasthuus uttoboon
• Naturschutz: Fritz Bechinger för sien Insatz för dat Schulen vun de Vagelwelt an de Oost
• Kunst: Wolf-Dietmar Stock för siene Utstellung Die Oste von der Quelle bis zur Mündung
• Medien: Nikolaus Ruhl för siene Reportaschen un Biller vun de Oost

2008

• Literatur: Dietrich Alsdorf för sien Roman Anna aus Blumenthal
• Tourismus: Helmut Hudaff för sien Insatz för dat Bewohren vun de Prahmfähr in Brobargen
• Heimatpleeg: Rainer Brandt för sien Arbeiden to de Geschicht vun Bremervöör
• Naturschutz: Ludwig Tent för sien Insatz för dat Bewohren vun’n Born vun’e Oost
• Wetenschop: Gisela Tiemann för ehr Arbeiden to de Geschicht vun de Tidenoost
• Medien: Wolfgang Röhl för sien Reportaasch över de Oost Amazonas hinterm Deich in’n Stern

2009

• Literatur: Wilfried Eggers för siene Krimis ut de Region
• Tourismus: Nils Uhtenwoldt un Detlef Horeis för ehren Insatz för den Tourismus in Öberndörp
• Denkmalschutz: Eckhard Klitzing, Waltraud Gebhardt un Gerhard Gebhardt för ehren Insatz för den Baljer Lüchttoorn
• Ümwelt: Walter Rademacher as Spreker von dat Regionale Bündnis gegen de Elbvertiefung
• Heimatforschung: Hermann Röttjer för siene Arbeiden to Jürgen Christian Findörp
• Medien: Jörn Freyenhagen för siene Reportaaschen un Berichten ut dat Land an’e Oost

2010

• Literatur: Charlotte Drews-Bernstein för ehr Höörbook Für und mit Peter Rühmkorf över Peter Rühmkorf
• Tourismus: Stefan Tiemann as Samtgemeenbörgermeester von de Samtgemeen Zittens för den Insatz üm den Zittenser Oortskarn un de ole Watermöhl
• Kunst un Kultur: Susanne Morgenstern un de Kultur- un Heimatkreis Bremervöör för de Pleeg von Kunst un Kultur in Bremervöör
• Naturschutz: Jörn Geßner un Wolfgang Schütz för ehren Insatz, den Stöör wedder in de Oost antosiedeln
• Wetenschop: Norbert Fischer för siene Arbeiden över de Geschicht von Stormfloden, Diekbo un Slüsen an Elv un Werser
• Medien: Ursula Holthausen för ehren Insatz üm dat Osteland-Magazin
• Kinner un junge Lüüd: Grundschool Esdörp för ehren Insatz to Ümwelt- un Europathemen

2011

• Literatur: Reinhold Friedl för de Romaans Tödliches Tabu un Die große Hochzeit
• Tourismus: Monika Prüß un Peter Prüß för dat Planen von Fohrradrouten för den ADFC in de Region
• Denkmalschutz: Manfred Toborg för den Insatz üm de Kulturmöhl in Oosten
• Heimatpleeg: Ursula M. D. Schröder un Günter Lunden för ehren Insatz as Baaslüüd von de Heimatmuseums in Neehuus un Geversdörp
• Naturschutz: Gerhard Klotz von de Jägerschop Land Hadeln för den Insatz gegen Maismonokulturn un dat Anleggen von Feldhölter un Blöhstriepens
• Medien: Hermann Tödter för siene Bildbänn un Toonbildschaun över dat Naturparadies Oost
• Kinner un junge Lüüd: de Klass 6a von dat Gymnasium Warstood ünner Schoolmeester Hans-Hinrich Kahrs för ehren Insatz to de plattdüütsche Spraak

2012

• Literatur: Alexandra Kui för ehre Krimis ut de Region
• Kultur: Wolfgang Gellert un Fried Wolff, de sik mit ehr Willem-Busch- un Joachim-Ringelnatz-Programm ok för kulturelle Institutschonen in de Region an de Oost insett hebbt
• Tourismus: Klaus Feldmann för sien Idee to’n Oost-Radweg
• Heimatpleeg: Barkassengemeenschop „Bärbel“ in Neehuus för ehren Insatz de letzte Barkass an de Oost to bewohren
• Naturschutz: Walter Zeeck för siene Insatz för de Fischeree an Oost un Elv
• Medien: Wiebke Kramp as Redaktörin för de Niederelbe-Zeitung för ehre Berichten von de Oost
• Kinner un junge Lüüd: De Arbeidsgemeenschop Die Zebras von de School an’n Hogen Raad in Loomst för ehre kritische Arbeid to’n Heimatforscher Willi Klenck

2013

• Kunst: Gerald Bruns för sienen Insatz den Flecken Neehuus mit kreative Ideen bekannter to maken
• Tourismus: Christian C. Schmidt för siene Bidrääg to Natur un Kulturarv von de Region
• Heimatpleeg: Antje Rieckmann un Günter Schimkatis von’n Fähr- un Geschichtsvereen Brobargen, de de Fähr in Brobargen bewohrt hebbt, as de utdiekt warrn schull
• Naturschutz: Detlef Ertel un Simone Zukowski för ehren Insatz för den Groten Braakvagel
• Regionalgeschicht: Volker von Bargen as Grünner un Baas von dat Küstenschippereemuseum in Wischhoben
• Medien: Kerstin Patzschke-Schulz för ehre Reportaasch Eine Sommerreise entlang der Oste
• Kinner un junge Lüüd: de Kinner von de Kiewittschool Öberndörp för ehren Insatz as Ümweltschool

2014

• Literatur: Axel Roschen för sien Romaan Mausohrnächte
• Tourismus: Clivia Häse för ehr Arbeid as Baas von dat Natureum
• Denkmalschutz: Rolf Höhmann för sienen Insatz, de letzten Sweevfähren as Weltkulturarv to bewohren
• Naturschutz: Martina Leitner för ehr Arbeid in de Börgerinitiative för dat Bewohren von uns Mooren un de Tokumst von uns Dörper
• Kunst: Gundula Ida Gäntgen för ehre Fotoarbeiden von de Oost
• Medien: Claus List för sien Film Menschen am Fluss - ein Sommerausflug entlang der Oste
• Kinner un junge Lüüd: de Kru von’n Jugendwannerkutter ut Öberndörp

2015

• Dörpleven: Wiebke tum Suden för ehren Insatz mit ehren Dörpladen in Neehuus
• Tourismus: Frauke Klemme för ehr Arbeid mit dat Utbillen von Gästföhrers
• Sport: Werner Breves för sien Insatz üm dat Watersportrevier Oost, besünners mit’n „Oostmarathon“
• Kultur: Jürgen Wiegand för sien Arbeid üm dat Cultimo in Kuustermoor
• Jörg Petersen för sien veelfältige kulturelle Arbeid in Freeborg un ümto
• Naturschutz: Gerd-Michael Heinze för sien Insatz, Weten över de Vagelwelt an de Ünnerelv ünner de Lüüd to bringen

2016

Utgeven an’n 6. März 2016 in Kronenborg.

• Jugend: Jugendfüürwehr Hüll, de as een von de eersten Jugendfüürwehren grünnt worrn is un von Anfang an ok Deerns opnahmen hett
• Dörpleven: Barbara Schubert ut Öberndörp för ehr Arbeid in dat Dörp, ünner annern an de Öberndörper Lichtspelen un de Biogasanlaag un Aquakultur
• Tourismus: Heinrich von Borstel ut Wischhoben för siene Arbeid för den Tourismus in de Region
• Stadtkultur: Benjamin Bünning un Barbara Norden ut Bremervöör för ehr Arbeid för Tourismus un Kultur in de Region Bremervöör, ünner annern dör dat Vörer Seefest
• Kultur: Birte Zöllner un Rainer Kupke von’n Culturkreis Hemmoor, de en lange Reeg kulturelle Veranstaltungen in Hemmoor organiseert hebbt
• Verkehr: Viktor Pusswald ut Esdörp un de Vereen BörgerBus Oostland, de 2011 en Börgerbus in de Samtgemeen Olendörp-Himmelpoorten organiseert hebbt un dormit den Nahverkehr op de lütten Dörper utboot hebbt
• Schippfohrt: Lothar Peterskeit ut Neehuus, de Buddelscheep boot un veel för Kunst un Kultur in de Region daan hett

2017

Utgeven an’n 2. April 2017 in Kumbarg.

• Jugend: Theater Wellenbrekers dorför, dat se elk Johr mit Kinner von 8 bet 12 en plattdüütsch Theaterstück instudeert un opföhrt
• Naturschuul: Gert Dahms ut Hammah, de sik ünner annern in’n Vereen Jordsand för dat Schulen von Vagels insett
• Regionalgeschicht: Rainer Leive ut Basdahl för dat Utforschen von de Geschicht von dat Schipp Gottfried, dat 1822 mit en Ladung Öllerdömer ut Ägypten vör de Münn von de Elv ünnergahn is
• Kultur: Ellen Horstrup un dat Team von dat Bachmann-Museum in Bremervöör för de Museumsarbeid
• Medien: Antje Hubert för ehren Dokumentarfilm Von Bananenbäumen träumen, in den se över dat Dörp Öberndörp berichten deit un de Plaans dor en Biogasanlaag, en Aquakultur un en Bananenplantaasch to bedrieven
• Dörpleven: Arno Westerwick un de Kulturvereen Börgerplus von de Samtgemeen Töst un Ümgegend, de 2016 en Dörpladen in Otter apenmaakt hebbt
• Traditschoonspleeg: Heino Grantz ut Hemmoor för siene Arbeid in’n Hemmoorer Geschichts- un Heimatvereen un de Volksdans- un Drachtengrupp

Weblenken

• Websteed to’n Gollen Heekt bi de AG Oostland (hoochdüütsch)