Mocambo (Schipp)
.JPG)
De Mocambo is en 24 Meter lang un 5,15 Meter breed Schipp, dat op de Oost Touristen schippert. 75 Lüüd kann dat Schipp befördern.
Historie
[ännern | Bornkood ännern]Dat Schipp harr sien Stapelloop in’n Juli 1872 op de Reiherstiegwarft in Willemsborg.[1] Dat weer to de Tied en 13,30 Meter lang un 4,20 Meter breed Dampschipp mit en 45-PS-Dampmaschien.[1] Dat Schipp is toeerst op’n Naam Hamburg döfft worrn.[1] Von 1872 bet 1908 is dat Schipp as Damper in Hamborg op de Alster föhrt.[1] 1908 is dat denn ümboot worrn un hett en gröttere Maschien mit 65 PS kregen.[1] Dat Schipp hett Latona heten un weer för 200 Fohrgäst tolaten.[1] 1920 güng dat Schipp in’n Besitt von de Hambörger Hoochbahn över un is op den Naam Barmbeck döfft worrn.[1] 1939 keem dat Schipp denn na Lübeck, is grundöverhaalt worrn un hett den Naam Vorwerk kregen.[1] 1945 hett de Trave Transportgesellschaft Ahrens & Co. dat Schipp övernahmen un op de Böbs-Warft in Traavmünn is de Dampmaschien utboot worrn.[1] Dat Schipp hett denn en ne’en Dieselmotoor von Deutz kregen.[1] 1952 is de Vorwerk na Berlin an Wilhelm Zolchow verköfft worrn un dat Schipp hett Obermaat heten.[1] 1953 hett de Berliner Teltow-Warft dat Schipp övernahmen.[1] 1954 is dat Schipp kumplett nee opboot worrn.[1] Dorbi is blots de ole Rump bleven.[1] Na de Ümbo-Arbeiden weer dat Schipp 23,65 Meter lang, 5,15 Meter breed un hett en ne’en Dieselmotoor mit 75 PS kregen.[1] Dat Schipp is denn as Neukölln an de Berliner Stern- und Kreisschifffahrt verköfft worrn.[1] Von 1954 bet 1977 is dat Schipp in’n Passageerdeenst in Berlin föhrt.[1] 1977 is dat Schipp an de Reederee Schillow verköfft worrn un hett den Naam Tarzan kregen.[1]
An’n 6. November 1978 hebbt Luise un Joachim Würfel, de dat Hotel Seefahrer in Achthöben bedreven hebbt, dat Schipp op de Oost haalt un ehr den Naam Mocambo geven.[1] In dat Johr hett dat Schipp ok en Dieselmotoor DAF 575 DD mit 105 PS kregen.[1] Von 1978 bet 1998 weer dat Schipp to Utflugsfohrten op de Oost ünnerwegens.[1] 1993 is dat Schipp an de Familie Landsmann övergahn.[1] 1998 is dat Schipp na Oostdüütschland verköfft un na Ribnitz-Damgorn brocht worrn.[1] Von 1999 bet 2001 leeg dat Schipp stillleggt in Ribnitz-Damgorn.[1] As dat Schipp 2001 dwangsveraukschoneert worrn is, hett de Koptein Caspar Bingemer ut Öberndörp dat Schipp köfft.[1] Op de FORKOR-Warft in Stettin is dat Schipp wedder op Vordermann brocht worrn un keem 2002 trügg an de Oost.[1] In’n Oktober 2005 weer de Mocambo noch wedder op de FORKOR-Warft in Stettin un dor sünd de Kiel un Bodden bi utwesselt worrn.[1] Siet 2002 maakt de Mocambo wedder Utflugsfohrten op de Oost.[1]
Footnoten
[ännern | Bornkood ännern]- ↑ a b c d e f g h i j k l m n o p q r s t u v w x y z aa ab Lebenslauf der „Mocambo“ op oste-schifffahrt.de
Weblenken
[ännern | Bornkood ännern]
- Websteed to de Mocambo (hoochdüütsch)