Westerwals

Wapen/Flagg

Koort

Basisdaten

Bundsland: Neddersassen

Landkreis: Rodenborg (Wümm)

Samtgemeen: Bootel

Flach:

20,1 km²

Inwahners:

769 (31. Dezember 2023)

50 m över de See

27386

04269

Koordinaten:53° 2′ N, 9° 22′ O53° 2′ N, 9° 22′ O

Grenzen bi OSM:

965601

Gemeenslötel:

03 3 57 054

Öörd in de Gemeen:

4

Börgermeester:

Jochen Hestermann
(WG Westerwals)

Websteed:

www.bothel.de/

Koort

Kreis

Westerwals is en Gemeen in’n Landkreis Rodenborg (Wümm) in Neddersassen, de to de Samtgemeen Bootel höört. De Gemeen hett 769 Inwahners (Stand 31. Dezember 2023), de sik op veer Oortsdelen verdeelt.

Geografie

De Gemeen Westerwals liggt in’n Süden vun’n Landkreis Rodenborg (Wümm) an’t westliche Enn vun de Samtgemeen. De Naam kummt ok dorvun af, dat de Gemeen westlich an Karkwals angrenzt. Na Noorden hen slutt en lütt Stück vun de Eenheitsgemeen Rodenborg (Wümm) un de Noordwestsiet grenzt an de Gemeen Ahusen in de Samtgemeen Söttmer. Na Westen to liggt de Landkreis Veern mit sien Eenheitsgemeen Kerklinneln.

De Dörper in de Gemeen sünd meist vullstännig vun de Bueree präägt. Landschopplich sünd se in en wooldriek Rebeet inbett.

Geologie

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie

Ut olle Geschichten is överlevert, dat de germaansche Gott Wotan sien Wooldsitt in Werdanske hatt hebben schall, wat dat hüütige Westerwals is. De eerste schriftliche Henwies op den Oort stammt ut dat Johr 1230 vun en Oorkumm in’n Doom to Veern.

In dat Johr 1981 is de Oortsdeel Süderwals Bundswinner in’n Wettstriet Unser Dorf soll schöner werden worrn.

Religion

Westerwals is evangeelsch-luthersch präägt un höört to dat Kaspel von de Bartholomäus-Kark in Karkwals.

För de Kathoolschen is de Corpus-Christi-Kark in Rodenborg tostännig.

Politik

Oortsdelen

Rahnhorst
Süderwals
Westerwals
Westerwals (Bahnhoff)

Gemeenraat

De Gemeenraat vun Westerwals sett sik mit den Börgermeester ut 9 Lüüd tohopen. De letzte Kommunalwahl weer an 11. September 2016

Partei	2016	2011	2006
WG Westerwals	8	8	8
SPD	1	1	1

Börgermeester

De Börgermeester vun Westerwals is Jochen Hestermann. Sien beiden Vizen sünd Günther Röhrs un Marita Wiedemann. All dree höört to de WG Westerwals.

Kultur

Dat kulturelle Leven warrt in de Gemeen vör allen vun de Verenen organiseert. Dat gifft hier de beiden Jagdgenossenschoppen vun Westerwals un Süderwals, den Dörpsvereen Süderwals/Rahnhorst, den Schüttenvereen Süderwals, den Water- un Boddenverband Westerwals un den Sportvereen Westerwals.

Weertschop un Infrastruktur

Verkehr

Dör de Randlaag is de Gemeen ’n beten af vun de groten Verkehrsweeg. Dör den Oortsdeel Westerwals verlööpt to’n een de K 205, welke de beiden Bundsstraten B 215 in’n Westen un B 404 in’n Oosten verbinnt. Över disse Straat is de Oort ok mit Karkwals verbunnen. In Westerwals twiegt dorvun ok de K 233 af, de na Süüden hen na de Oortsdelen Süderwals un Rahnhorst föhrt. In Süderwals twiegt na Westen hen de K 206 af, de na Holbm in’n Landkreis Veern (hier as K 11) verlöppt. Opletzt föhrt vun Westerwals över den Oortsdeel Bahnhoff de K 220 na de Gemeen Ahusen mit sien Oortdeel Ebersen in de Samtgemeen Söttmer.

Scholen

De Kinner gaht na de Grundschool Karkwals.

Städer un Gemenen in den Landkreis Rodenborg (Wümm)