Gemeen Geestland

Wapen/Flagg

Koort

Basisdaten

Bundsland: Neddersassen

Landkreis: Cuxhoben

Flach:

356,2 km²

Inwahners:

31.713 (31. Dezember 2023)

Postleettall:

27607, 27624

Vörwahl:

04743, 0471, 04704, 04707, 04708, 04742, 04745, 04756, 04765

Geograafsche Laag:

Koordinaten:53° 38′ N, 8° 44′ O53° 38′ N, 8° 44′ O

Grenzen bi OSM:

4447298

Gemeenslötel:

03 3 52 062

Öörd in de Gemeen:

16

Börgermeester:

Thorsten Krüger (SPD)

Websteed:

www.geestland.de

Koort

Kreis

Geestland is en Gemeen in’n Landkreis Cuxhoben in Neddersassen, mit 31.713 Inwahners (Stand 31. Dezember 2023). Seet von de Gemeen is Langen, in dat Raadhuus in de Sieverner Straat 10. En tweet Raadhuus gifft dat in Beers, An’n Markt 8.

De Stadt gellt na dat neddersassische Kommunalverfatensgesett as Sülvstännige Gemeen.

Geografie

De Navergemenen sünd Wuster Noordseeküst in’n Noordwesten, Wannen un Steenau in’n Noorden, Stinst un Mittelsnohn in’n Noordoosten, Armsdörp in’n Oosten, Eversdörp un Hipst in’n Süüdoosten (de beiden in’n Landkreis Rodenborg), Beverst (op en ganz lütt Enn) un Schippdörp in’n Süden un de Stadt Bremerhoben in’n Süüdwesten. Op en lütt Enn in’n Westen grenzt Geestland an de Küst von de Wersermünn in de Noordsee.

Historie

De Gemeen Geestland hett sik an’n 1. Januar 2015 ut de Gemeen Langen un ut de Gemenen, de betherto de Samtgemeen Beers billt hebbt (Gemenen Beers, Drangst, Elm, Flögeln, Köhlen, Kührst, Lintig un Ringst), tohoopslaten.

De Naam Geestland kummt von de Landschop, de vör allen Geest is. Dör den Süden von de Gemeen flütt ok de Stroom Geest.

De eersten Plaans för de Fusion sünd 2011 opkamen. Dat Land Neddersassen hett Gemenen in’n Rahmen von sien Tokumstverdrag anbaden, dat dat bet to 75 % von de Schullen övernimmt, wenn de bereit sünd to Fusionen, de helpt, de Kassenlaag to verbetern.

De Naam schull na de eersten Plaans Gemeen Wersermünn ween, aver dor harr de Stadt Bremerhoben wat gegen, denn de hett sülvs von 1924 bet 1947 Wersermünn heten. Ok de Laag von de Gemeen hett to dissen Naam nich passt, de Gemeen reckt blots op en lütt Enn bi Imßen bet an de Münn von de Werser. De Langeners un Beersers hebbt sik aver dor op beropen, dat de Öörd lange Tied to’n Landkreis Wersermünn höört hebbt. Dör den Gegenwind ut Bremerhoben hebbt se denn aver doch en annern Naam söcht. An’n 23. April 2012 hebbt de Rääd beslaten, dat de Gemeen Geestland heten schall.

An’n 8. November 2012 hett de Landdag von Neddersassen dat Gesett över dat Neebillen von de Stadt Geestland beslaten. De Stadtrechten hett Geestland von de Stadt Langen övernahmen.

Dör de Fusion müssen 79 Stratennaams in de Gemeen ännert warrn, vonwegen, dat de nu dubbelt weren.

Inwahnertall

Johr	Inwahners
2014-12-3131. Dezember 2014

Politik

Binnen de Gemeen gifft dat 16 Oortsrääd för de enkelten Oortschoppen, de elk en Oortsraad un en Oortsbörgermeester hebbt.

Dat sünd:

Gemeenraad

De Wahl för den Gemeenraad weer an’n 2. November 2014. De Raad hett 38 Maten (+ Börgermeester).

Gemeenraad
Johr \ Partei	Tall	CDU	SPD	Gröne	Linke	BFG	AfD
2014	38	21	11	2	1	2	1

Liddmaten:

2014:
As Börgermeester: Thorsten Krüger

CDU: Karin Albohm, Frank Berghorn, Uwe Bischoff, Heinz-Wilhelm Boldt, Karl-Heinz Buck, Felix Diekmann-Lange, Martin Döscher, Günther Eggers, Ellen Frank, Siegfried Gronholz, Hermann Hanewinkel, Rainer Müller, Timo Peters, Rafael Platek, Christian Sancken, Claus Seebeck, Steffen Tobias, Henning von der Lieth, Hanke von Döhlen, Ewald Wiesner, Sabine Wohlers

SPD: Peer Augustin, Gunnar Böltes, Rüdiger Bordel, Günter Diekhoff, Uwe Nixdorf, Annette Faße, Kersten Jung, Rotraut Keßler, Uwe Lorenz, Kai Niemczyk, Christine Sturmheit

De Grönen: Christian Wolf, Susanne Schröter

De Linke: Dietmar Michalke

BFG: Rita Dehn, Andy Schröder

AfD: Bernd Anders

Börgermeesters

Zeit	Börgermeester	Partei
1. Januar 2015-	Thorsten Krüger	SPD

Wapen

Dat Wapen von de Gemeen is dör en sülvern Wellenlien von baven vörn na ünnen achtern deelt un wiest baven achtern op roden Grund en sülvern Slötel. Ünnen vörn wiest dat op blauen Grund en gollen Sünnenrad.

Dat Sünnenrad is ut dat Wapen von Langen un de Slötel ut dat Wapen von Beers. De Wellenlien steiht för de Geest.

Weertschop un Infrastruktur

Geestland billt na dat Regionale Ruumordnungsprogramm en Grundzentrum mit middelzentrale Funkschonen för de Öörd in de Ümgegend.

Weblenken

Gemeen Geestland. Mehr Biller, Videos oder Audiodateien to’t Thema gifft dat bi Wikimedia Commons.

Websteed vun de Gemeen (hoochdüütsch)
Gesett över dat Neebillen von de Stadt Geestland (PDF, hoochdüütsch)

Städer un Gemenen in den Landkreis Cuxhoben