Flögeln

Wapen/Flagg

Koort

Basisdaten

Bundsland: Neddersassen

25,26 km²

637 (2011-12-3131. Dezember 2011)

Inwahnerdicht:

25,2 Inwahners pro km²

0 m över de See

27624

04745

Koordinaten:53° 40′ N, 8° 48′ O53° 40′ N, 8° 48′ O

Grenzen bi OSM:

1528069

Gemeenslötel:

03 3 52 016

Öörd in de Gemeen:

1

Börgermeester:

Claus Seebeck

Websteed:

www.bad-bederkesa.de

Koort

Kreis

Flögeln (hoochdüütsch Flögeln) is en Dörp un Oortschop in de Gemeen Geestland in’n Landkreis Cuxhoben, Neddersassen mit 637 Inwahners. Blangen Flögeln sülvs höört ok de lüttje Oort Stüh mit to de Oortschop.

Geografie

Flögeln liggt an’n Flögelner See. Bi dat Dörp liggt de Naturschuulrebeden Ahlenmoor (mit Dahlmer See, Haalmer See un Ahlen-Falkenbarger Moor), Achter de Dränk in’t Flögelner Holt un Huuss in’t Flögelner Holt.

De Naveröörd sünd Westerwannen, Osterwannen un Suurlee in’n Noorden, Mehmstood un Steenau in’n Noordoosten, Beers in’n Süden, Fickmöhlen, Drangst un Hemendörp in’n Süüdwesten, Niewohl in’n Westen un Ahlen-Falkenbarg in’n Noordwesten.

De Navergemenen sünd de Gemeen Wannen in’n Noorden, Steenau in’n Oosten, Beers in’n Süden, Drangst op en lütt Enn in’n Süüdwesten un Langen in’n Westen.

Historie

De öllsten Funnen in Flögeln sünd en Reeg Hünengräver, de vondaag dör den Vörgeschichtspadd Flögeln opslaten sünd. Bi disse Funnen höört ok de Steenkist von Flögeln mit bi.

Flögeln kummt 1204 as Vlogeling toeerst in de Oorkunnen vör.

In’n Eersten Weltkrieg sünd 19 Soldaten ut Flögeln fullen oder vermisst un in’n Tweten Weltkrieg 54^[1].

Von 1971 bet 1986 hebbt Archäologen von dat Neddersassische Institut för histoorsche Küstenforschung in Willemshoben in de Siedlungskamer von Flögeln graavt un dor Wahnsteden ut de Tied von de jüngere Steentied (Trechterbekerkultur) över dat Middelöller (de Doornborg) bet in de fröhe Neetied funnen. Veel von de Funnen sünd in dat Museum Borg Beers utstellt.

Verwaltungsgeschicht

Flögeln hett bet 1859 in de Vaagdie Flögeln in dat Amt Beers legen un weer denn in dat Amt Leh. 1885 is Flögeln Deel von’n Kreis Leh worrn un hett na 1932 to’n Landkreis Wersermünn tohöört. 1977 is de Landkreis Wersermünn denn Deel von’n Landkreis Cuxhoben worrn.

An’n 1. April 1971 is Flögeln Liddmaat von de eerste Samtgemeen Beers worrn. Dat hett aver blots bet to’n 1. März 1974 duurt, denn is Flögeln Deel von de ne’e, gröttere Samtgemeen Beers worrn.

Flögeln is to’n 1. Januar 2015 mit de annern Gemenen von de Samtgemeen Beers un de Stadt Langen to de Gemeen Geestland tohoopgahn. Flögeln billt nu en Oortschop mit egen Oortsraad un Oortsbörgermeester binnen disse Gemeen.

Inwahnertall

Johr	Inwahners
1824-00-001824^[2]	58 Füürsteden
1848-00-001848^[3]	379 Lüüd, 82 Hüüs
1910-12-011. Dezember 1910^[4]	488
1933-00-001933^[5]	454
1939-00-001939^[5]	475
1968-12-3131. Dezember 1968	646
1973-12-3131. Dezember 1973	639
1978-12-3131. Dezember 1978	638
1983-12-3131. Dezember 1983	656
1988-12-3131. Dezember 1988	675
1993-12-3131. Dezember 1993	673
1998-12-3131. Dezember 1998	681
2003-12-3131. Dezember 2003	672
2008-12-3131. Dezember 2008	656
2011-12-3131. Dezember 2011	637

Religion

Flögeln is evangeelsch-luthersch präägt un billt mit de Pauli-Kark en egen Kaspel.

Wapen

Dat Wapen von Flögeln wiest op blauen Grund twee sülvern Flunken över en Schildfoot ut sülvern Wellenlienen.

Politik

Gemeenraad/Oortsraad

Gemeenraad
Johr \ Partei	Tall	CDU	SPD
2011	9	7	2

Oortsraad
Johr \ Partei	Tall	CDU	SPD
2014	5	4	1
2016	5	4	1

Liddmaten

2011:
CDU: Christian Meisel, Claus Seebeck, Jan-Christian Meyer, Volker Meyer, Christian Sengstaken, Claus Bensen, Karl Dröge

SPD: Maike Baumgartner, Jörg Reinhardt-Hahn
2014:
CDU: Jan-Christian Meyer, Volker Meyer, Claus Seebeck, Christian Sengstaken

SPD: Sonja Redies
2016:
CDU: Jan-Christian Meyer, Volker Meyer, Claus Seebeck, Christian Sengstaken

SPD: Sonja Redies

Börgermeesters/Oortsbörgermeesters

Börgermeesters:

Tied	Börgermeester	Partei
–2011	Christian Meisel	CDU
2011–31. Dezember 2014	Claus Seebeck	CDU

Oortsbörgermeesters:

Tied	Oortsbörgermeester	Partei
1. Januar 2015–	Claus Seebeck	CDU

Kultur

In Flögeln steiht en Denkmaal för de Fullenen ut de twee Weltkrieg’.

Verenen

Flögeln hett en Schützenvereen un en Freewillige Füürwehr. De Heimatvereen is 1992 grünnt worrn, de ok dat lüttje Heimatmuseum Jan-Christopher-Hus bedrifft.

Weertschop un Infrastruktur

Verkehr

Flögeln liggt an de Kreisstraat 18, de in’n Süden na Beers an de Landsstraat 119 löppt un in’n Noorden na Wannen. Ans loopt Straten na Stüh un Niewohl in’n Westen, Fickmöhlen in’n Süüdwesten un na Steenau in’n Oosten. Över de L 119 is de Oort ok an de Autobahn 27 anslaten, de so teihn Kilometer in’n Westen von Flögeln langslöppt.

De nächste Bahnhoff is de Bahnhoff Dorum an de Bahnlien Bremerhoben-Cuxhoben, de so bi 16 Kilometer weg is.

Scholen

De ole Volksschool in Flögeln is 1974 to en Speelkreis ümboot worrn. 2009 is dor denn en Kinnergoorn von worrn. De Kinner ut Flögeln gaht na de Grundschool Beers.

Literatur

Eduard Rüther, Georg Holthusen: Chronik von Flögeln. Hottendorff, 1952
A. F. Pech: Die Althöfe von Flögeln. In: Flögeln, Geschichten aus der Geschichte eines nordniedersächsischen Geestdorfes. Sonderveröffentlichungen des Heimatbundes der Männer vom Morgenstern, Bremerhoben
W. H. Zimmermann: Ein Hortfund mit goldblechbelegter Plattenfibel und Goldarmreif von Eekhöltjen bei Flögeln (Niedersachsen). Germania 54, 1. Halbband, 1976, 1-16
W. H. Zimmermann: Die Siedlungen des 1. bis 6. Jahrhunderts nach Christus von Flögeln-Eekhöltjen, Niedersachsen: Die Bauformen und ihre Funktionen. Hilmssen 1992
Klaus Pülsch: Vom Kirchturm grüsst der Hahn - Ein Lexikon der Flögelner Familien.
Ernst Andreas Friedrich: Die Siedlungskammer Flögeln. S. 21-34, in: Wenn Steine reden könnten. Band III, Landbuch-Verlag, Hannover 1995, ISBN 3-7842-0515-1

Footnoten

↑ http://www.denkmalprojekt.org/dkm_deutschland/floegeln_wk1u2_ns.htm
↑ C. H. Jansen: Statistisches Handbuch des Königreichs Hannover. 1824, Sied 188: http://books.google.de/books?id=tG0AAAAAcAAJ&pg=PA188
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
↑ http://www.gemeindeverzeichnis.de/gem1900/gem1900.htm?hannover/lehe.htm
↑ ^a ^b http://www.verwaltungsgeschichte.de/wesermuende.html

Weblenken

Flögeln. Mehr Biller, Videos oder Audiodateien to’t Thema gifft dat bi Wikimedia Commons.

Websteed von de Samtgemeen (plattdüütsch, hoochdüütsch)
Websteed över dat Dörp (hoochdüütsch)

Öörd in de Gemeen Geestland

[1] ttp://www.denkmalprojekt.org/dkm_deutschland/floegeln_wk1u2_ns.htm

[InwahnertallRef1-2] C. H. Jansen: Statistisches Handbuch des Königreichs Hannover. 1824, Sied 188: http://books.google.de/books?id=tG0AAAAAcAAJ&pg=PA188

[InwahnertallRef2-3] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131

[InwahnertallRef3-4] ttp://www.gemeindeverzeichnis.de/gem1900/gem1900.htm?hannover/lehe.htm

[verwg.de-5] ttp://www.verwaltungsgeschichte.de/wesermuende.html

[1]

[2]

[3]

[4]

[5]