Dreßel

Vun Wikipedia
(wiederwiest vun Dreeßel)
Zur Navigation springen Zur Suche springen
Wapen/Flagg Koort
Wapen unbekannt
Dreßel
Laag vun Dreßel in Düütschland
Basisdaten
Bundsland: Neddersassen
Landkreis: Rodenborg
Gemeen: Visselhöövd
Flach: 5,60 km²
Inwahners:
Postleettall: 27374
Vörwahl: 04237
Geograafsche Laag:
Koordinaten:52° 59′ N, 9° 28′ O
52° 59′ N, 9° 28′ O

Dreßel (hoochdüütsch Dreeßel) is en Dörp in de Gemeen Visselhöövd in’n Landkreis Rodenborg, Neddersassen. Binnen de Gemeen billt de Oort de polietsche Oortschop Dreßel.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över Gravens in’n Noordoosten na’n Visselbeek, in’n Noordwesten över’n Hasselbeek na de Rodau un in’n Süüdwesten över’n Gohbeek af.

De Naveröörd sünd Lürken in’n Noorden, Hainhorst, Wittörp un Grapenmöhlen in’n Noordoosten, Nindörp in’n Oosten, Jeddingen in’n Süüdoosten, de Hoff Tadel, Egenbossel un Sankt Pauli in’n Süden, Schepinkel in’n Süüdwesten, Odeweg un Geerkenhoff in’n Westen un Wittenmoor un Karkwals in’n Noordwesten.

Historie[ännern | Bornkood ännern]

Dreßel kummt 1395 as Dresle toeerst in de Oorkunnen vör.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Stellich in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Visselhöövd in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

De Oort weer fröher Deel von de Buurschop Jeddingen, hett von de Midd von dat 19. Johrhunnert af an denn aver en egen Gemeen billt. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Visselhöövd worrn. Sietdem billt Dreßel binnen de Gemeen en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1791-00-001791[1] 4 Füürsteden
1812-00-001812[2] 40
1824-00-001824[3] 4 Füürsteden
1848-00-001848[4] 63 Lüüd. 9 Hüüs
1871-12-011. Dezember 1871[5] 74 Lüüd. 11 Hüüs
1885-12-011. Dezember 1885[6] 65 Lüüd. 11 Hüüs
1905-12-011. Dezember 1905[7] 83 Lüüd. 12 Hüüs
1910-12-011. Dezember 1910[8] 93
1925-00-001925[9] 86
1933-00-001933[9] 88
1939-00-001939[9] 78

Religion[ännern | Bornkood ännern]

Dreßel is evangeelsch-luthersch präägt un höört to dat Kaspel von de Johannis-Kark in Visselhöövd.

För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.

Dat Dörp hett en egen Karkhoff, de 1930 anleggt worrn is.

Oortsvörsteihers[ännern | Bornkood ännern]

  • opstunns: Jürgen Seidler

Kultur[ännern | Bornkood ännern]

De Oort hett keen egen Vereen. De Lüüd maakt vör allen in de Vereens von Jeddingen mit.

Weertschop un Infrastruktur[ännern | Bornkood ännern]

För Dreßel is de freewillige Füürwehr Jeddingen mit tostännig.

Verkehr[ännern | Bornkood ännern]

Dör Dreßel löppt de Kreisstraat 228, de in’n Westen na’n Landkreis Veern (dor as K 32) rin geiht na Odeweg un an de K 18 un in’n Süüdoosten na Jeddingen an de Landsstraat 171 un wieder na Bleckwedel. De L 171 föhrt in’n Süüdwesten na Kerklinneln un Veern un in’n Noordoosten na Visselhöövd an de Bundsstraat 440 un wieder na Hiddingen un Neenkerken.

De nächste Autobahn is de Autobahn 27 (Afsnidd BremenWasra). De Opfohrt 26 Veern-Oost liggt so 17 Kilometer in’n Süüdwesten von Dreßel an de L 171.

De nächste Bahnhoff is so bi söven Kilometer wied weg in’n Oosten de Bahnhoff Visselhöövd an de Bahnlien Ülzen–Langwedel.

Scholen[ännern | Bornkood ännern]

De Kinner ut dat Dörp gaht na de Grundschool Jeddingen. Dreßel harr fröher en egen Volksschool. 1912 is en neet Schoolhuus boot worrn. Blots von 1938 bet 1948 müssen de Kinner ut Dreßel na de School in Odeweg gahn. 1948 hett dat Dörp denn wedder en egen School kregen, de denn aver blots noch bet 1961 bestahn hett. In dat Johr is de School dichtmaakt worrn un de Kinner sünd na Jeddingen wesselt.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 59
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 115
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 144
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 179
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de