Hainhorst

Wapen/Flagg	Koort
Basisdaten
Bundsland: Neddersassen Landkreis: Rodenborg Gemeen: Visselhöövd
Inwahners:
Postleettall:	27374
Vörwahl:	04260
Geograafsche Laag:	52° 60′ N, 9° 29′ O

Hainhorst (hoochdüütsch Hainhorst) is en lütten Oort in de Gemeen Visselhöövd in’n Landkreis Rodenborg, Neddersassen. Binnen de Gemeen höört de Oort to de polietsche Oortschop Lürken.

Geografie

De Oort liggt in de Lümbörger Heid. Dat Water ut dat Rebeed flütt över’n Dahnhorstgraven na’n Visselbeek hen af.

De Naveröörd sünd Wittörp in’n Noordoosten, Nindörp un Jeddingen in’n Süüdoosten, Dreßel un Odeweg in’n Süüdwesten un Wittenmoor, Lürken un Riekenbossel in’n Noordwesten.

Historie

Hainhorst is to Anfang von dat 19. Johrhunnert von Lürken ut as Anbo anleggt worrn.

Verwaltungsgeschicht

De Oort hett vör 1885 to de Amtsvaagdie Visselhöövd in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

De Oort weer fröher Deel von de Buurschop Wittörp, hett von de Midd von dat 19. Johrhunnert af an denn aver to de Gemeen Lürken höört. Düsse Gemeen is an’n 1. März 1974 mit de Gemeenreform in Neddersassen Deel von de Gemeen Visselhöövd worrn. Sietdem billt Lürken binnen de Gemeen en Oortschop mit egen Oortsvörsteiher.

Inwahnertall

Johr	Inwahners
1871-12-011. Dezember 1871	14 Lüüd, 2 Hüüs
1885-12-011. Dezember 1885	11 Lüüd, 2 Hüüs
1905-12-011. Dezember 1905	14 Lüüd, 2 Hüüs

Religion

Hainhorst is evangeelsch-luthersch präägt un höört to dat Kaspel von de Johannis-Kark in Visselhöövd.

För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.

Kultur

De Oort hett keen egen Vereen. De Lüüd maakt vör allen in de Vereens von Wittörp mit.

Weertschop un Infrastruktur

För Hainhorst is de freewillige Füürwehr Wittörp mit tostännig. Fröher hett dat in Lürken en Plichtfüürwehr geven, to de ok Hainhorst höört hett. De Plichtfüürwehr hett sik na de Gemeenreform 1974 de freewillige Füürwehr in Wittörp anslaten.

Verkehr

Von Hainhorst gaht dree Straten weg. Een in’n Noordwesten na Lürken an de Kreisstraat 205, een in’n Noordoosten na Wittörp an de K 205 un een in’n Süüdwesten na Dreßel an de K 228. In Wittörp is de K 205 anslaten an de Bundsstraat 440, de in’n Noordwesten na Rodenborg löppt un in’n Süüdoosten över Visselhöövd na Derpmark.

De nächste Autobahn is de Autobahn 27 (Afsnidd Bremen–Wasra). De Opfohrt 26 Veern-Oost liggt so 19 Kilometer in’n Süüdwesten von Hainhorst an de L 171.

De nächste Bahnhoff is so bi acht Kilometer wied weg in’n Süüdoosten de Bahnhoff Visselhöövd an de Bahnlien Ülzen–Langwedel.

Scholen

De Kinner ut Hainhorst gaht na de Grundschool Jeddingen. Fröher güngen se in Lürken op de Volksschool. Dat hett in Lürken in de eerste Tied keen egen Schoolhuus geven, de School weer ümschichtig bi de Schölers tohuus. Dat eerste egene Schoolhuus in Lürken is 1898 boot worrn. 1966 müss de School in Lürken dichtmaken un de Schölers kemen na de Grundschool Wittörp. As de School in Wittörp denn mit dat Enn von’n Januar 2017 dichtmaakt hett, sünd de Schölers na Jeddingen wesselt.