Bootel

Wapen/Flagg

Koort

Basisdaten

Bundsland: Neddersassen

Landkreis: Rodenborg (Wümm)

Samtgemeen: Bootel

Flach:

16,75 km²

Inwahners:

2475 (31. Dezember 2023)

31 m över de See

27386

04266

Koordinaten:53° 4′ N, 9° 30′ O53° 4′ N, 9° 30′ O

Grenzen bi OSM:

965602

Gemeenslötel:

03 3 57 051

Öörd in de Gemeen:

1

Börgermeester:

Karl Keller (SPD)

Websteed:

www.bothel.de

Koort

Kreis

Bootel is en Gemeen in’n Landkreis Rodenborg (Wümm), Neddersassen, in de Lüünborger Heid un Sitt vun de Verwalten vun de liek nöömte Samtgemeen. De Gemeen hett 2475 Inwahners (Stand 31. Dezember 2023).

Geologie

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Geografie

Bootel liggt an’n Rand vun de Lüünborger Heid teemlich in de Mitt vun dat Städer-Dreeeck Bremen–Hamborg–Hannober. De Oort is unegfähr acht Kilometer wiet weg vun Rodenborg (Wümm) un 14 Kilometer vun Visselhöövd. He warrt von de beiden Strööm Rodau un Wiedau passert un is ümgeven vun mehrere Woolden, as to’n Bispeel den Hardwedel un den Trochel.

Politik un Verwalten

Oortsdelen

De Gemeen Bootel warrt an sik nich wieder ünnerdeelt, man, blangen den ollen Oortskarn gifft dat en Reeg vun wietrüümige Neebowahnsteden, de sik dorüm gruppeert. De olle Karn wiest vun de Anorden her noch de Struktur vun’n Angerdörp op.

Gemeenraat

De Gemeenraat vun Bootel sett sik siet de letzten Wahl an’n 11. September 2011 as folgt tohopen:

Partei	2016	2011	2006
CDU	7	6	4
SPD	6	5	7
Bündnis 90/De Grönen	–	2	–
WG Bootel	–	–	2

Börgermeester

Bi de Wahl an’n 10. September 2006 is Kalle Keller vun de SPD mit 55,78 % as Börgermeester wählt worrn.

Tied	Naam	Partei
-2006	Erwin Bock	SPD
2006-	Karl Keller	SPD

Erwin Bock is 2007 Ehrenbörgermeester von Bootel worrn.

Kultur

Dör de schöne Laag is Bootel ok en Anloopsteed för den Tourismus. In dat Rebeet gifft dat eenige Museen, Möhlen oder Kloosters, un ok för Radwannerers gifft dat en riek Anbott. Butendem gifft dat en Reeg vun regelmatige kulturell Veranstalten in’t Johr as dat Oosterfüür, Schüttenfest, Oornfest oder dat Dörpssportfest un en överregional Bagenscheten-Turnier.

Religion

De Mehrtall vun de konfesschonell bunnen Inwahners höört to de evangeelsch-luthersch Kark vun dat Karkenrebeet Visselhöövd. De kathoolsch Christen sünd in en Gemeen in Rodenborg (Wümm) organiseert. In Bootel gifft dat – as överall in Düütschland – en wassenden Andeel an Minschen, de konfesschonell nich bunnen sünd.

Weertschop un Infrastruktur

Bootel gellt na dat Regionale Ruumordnungsprogramm as Grundzentrum för de Öörd in de Ümgegend.

Verkehr

Bootel liggt an en Kreisstraat vun Brookel na Karkwals un an en Kreisstraat na Heemsbünnen. Ansluss besteiht an de Bundsstraten B 71 un B 440. De Werser-Ems Bus GmbH bedrifft en eegen Buslien vun Visselhöövd na Rodenborg (Wümm).

Weblenken

Bootel. Mehr Biller, Videos oder Audiodateien to’t Thema gifft dat bi Wikimedia Commons.

Städer un Gemenen in den Landkreis Rodenborg (Wümm)