Bützfletermoor

Wapen/Flagg	Koort
Basisdaten
Bundsland: Neddersassen Landkreis: Stood Gemeen: Stood
Inwahners:
Hööchd:	0 m över NN
Postleettall:	21683
Vörwahl:	04146
Geograafsche Laag:	53° 39′ N, 9° 26′ O

Bützfletermoor (hoochdüütsch Bützflethermoor) is en Oort in de Gemeen Stood in’n Landkreis Stood, Neddersassen.

Geografie

De Roodslammdeponie mit Bützfletermoor an de Achterkant (Blick von Westen, 2012)

De Roodslammdeponie mit Bützfletermoor vörn (Blick von Süüdoosten, 2012)

Bützfletermoor liggt in’n Süden von Keden in dat Moor (Kedener Moor). In’n Westen von Bützfletermoor liggt de 1.130 m × 1.525 m grote Roodslammdeponie von dat AOS-Wark in Bützfleet.

De Naveröörd sünd Aßel in’n Noorden, Depenbeek in’n Noordoosten, Bützfleet un Götzdörp in’n Oosten, Stodermoor in’n Süden, Groot-Steernbarg in’n Westen un Ritschermoor un Aßlermoor in’n Noordwesten.

Historie

Bützfletermoor is as Moorkolonie un as Stratendörp grünnt worrn.

In’n Eersten Weltkrieg sünd 15 Soldaten ut Bützfletermoor fullen oder vermisst.

Verwaltungsgeschicht

In de Franzosentied von 1810 bet 1814 hett de Oort to de Mairie Bützfleet in’n Kanton Stood höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Bützfletermoor weer vör 1852 opdeelt twüschen dat Kaspelsgericht Bützfleet in dat Grevengericht Bützfleet un de Vaagdie Schölisch von dat Amt Wischhoben. 1852 is dat Grevengericht Bützfleet Deel von dat Amt Wischhoben worrn. De Oort weer aver wieder opdeelt twüschen de Buurschop Fleet un de Gemeen Schölisch. 1859 is dat Amt Wischhoben Deel von dat Amt Freeborg worrn, ut dat 1885 denn de Kreis Keden worrn is. 1932 is dat Deel von’n Kreis Stood worrn.

De twee Delen von’n Oort sünd as Deel von de Gemenen Bützfleet un Schölisch an’n 1. Juli 1972 mit de Gemeenreform in Neddersassen all beid Deel von de Gemeen Stood worrn.

Inwahnertall

Johr	Inwahners
1824-00-001824	9 Füürsteden

To Bützfleet:

Johr	Inwahners
1871-12-011. Dezember 1871	118 Lüüd, 17 Hüüs
1885-12-011. Dezember 1885	236 Lüüd, 34 Hüüs
1905-12-011. Dezember 1905	279 Lüüd, 49 Hüüs

To Schölisch:

Johr	Inwahners
1871-12-011. Dezember 1871	58 Lüüd, 11 Hüüs
1885-12-011. Dezember 1885	58 Lüüd, 10 Hüüs

Religion

Bützfletermoor is evangeelsch-luthersch präägt un höört to dat Kaspel von de Nicolai-Kark in Bützfleet.

För de Kathoolschen is de Hillig-Geist-Kark in Stood tostännig.

Kultur

En Denkmaal för de Fullenen ut Bützfletermoor ut de twee Weltkrieg’ steiht bi de Kark in Bützfleet.

Bruukdom

To Neejohr gifft dat dat Neejohrskloppen, bi dat de Lüüd von Huus to Huus gaht, Proost Neejohr wünscht un dor Grog bi drinkt. To Oostern warrt in Bützfletermoor jümmer en Oosterfüür maakt. To Pingsten warrt Maibööm plant.

Weertschop un Infrastruktur

Weertschop

De Oort is vör allen dör de Bueree präägt. In’n Westen von Bützfletermoor gifft dat en Windpark mit fiev 103 m hoge Windrääd.

Verkehr

Bützfletermoor liggt an de Kreisstraat 27, de in’n Süden över Stodermoor na Schölisch geiht un den Oort denn mit Stood verbinnt. De K 27 löppt in’n Noordwesten na Aßlermoor, Ritschermoor, Gauensiekermoor un Drochtersermoor. In’n Oosten geiht de K 29 na Bützfleet. As lüttjere Blangenstraten gifft dat noch den Schoolstieg un de Melkstraat, de aver narms hengaht.

De nächste Bahnhoff is de Bahnhoff Stood an de Nedderelvbahn un so bi negen Kilometer weg.

Scholen

De Volksschool hett in de Johren 1960 dichtmaakt. Vondaag gaht de Kinner in Bützfleet op de Grundschool an’t Fleet un in Stood na all de annern Schoolformen.

Weblenken

Bützfletermoor. Mehr Biller, Videos oder Audiodateien to’t Thema gifft dat bi Wikimedia Commons.