Hemmoor

Vun Wikipedia
(wiederwiest vun Althemmoor)
Zur Navigation springen Zur Suche springen
Wapen/Flagg Koort

Wapen vun Hemmoor

Hemmoor
Laag vun Hemmoor in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Hemmoor
Gemeen: Hemmoor
Flach: 0,79 km²
Inwahners:
Postleettall: 21745
Vörwahl: 04771
Geograafsche Laag:
Koordinaten:53° 42′ N, 9° 8′ O
53° 42′ N, 9° 8′ O
Hemm (Hemmoor)HemmoorWestersoodHeeßel (Hemmoor)WarstoodBasbeek
Laag von Hemmoor in de Gemeen Hemmoor (Koort lett sik anklicken)

Luftbild von Ooldhemmoor (in’n Vörgrund is de Törfstraat to sehn

Hemmoor is en Oort in de Gemeen Hemmoor in’n Landkreis Cuxhoben, Neddersassen. De Oort liggt an dat linke Över von de Oost.

Hemmoor weer fröher en lüttjen Moorutbo von Hemm. Eerst nadem dat Zementwark von de Hemmoor Zement AG 1862 apen maakt hett, is de Oort wussen. As sik 1968 de söss Gemenen Hemm, Hemmoor, Warstood, Basbeek, Heeßel un Westersood to een Gemeen tohoopsluten wullen, hett de ne’e Gemeen den Naam Hemmoor kregen, ofschoonst de Öörd Warstood, Basbeek un Westersood düüdlich grötter weren. Dat leeg dor an, dat de Naam Hemmoor dör dat Zementwark temlich bekannt weer.

Bi Butenlüüd gellt dorüm de Naam Hemmoor faken för dat ganze Rebeed von Hemmoor, Westersood, Warstood un Basbeek, de vondaag all an de Rannen tohoopwussen sünd. Dorüm warrt vondaag ok fakener von Oold-Hemmoor snackt, wenn bloot dat ole Dörp meent is. Binnen de Gemeen hebbt de Öörd aver to’n groten Deel all jemehr egen Identität wohrt.

Geografie[ännern | Bornkood ännern]

De Oort liggt op’n Rand von de Loomster Geest hen na de Masch von de Oost. Deelwies is dat Gelänn Moor. Dat Water ut dat Rebeed flütt över Wettern na dat Swengsielfleet un in de Oost.

De Naveröörd sünd Hemm in’n Noorden, Achthöbenerdiek un Oosten in’n Oosten (op de anner Sied von de Oost), Warstood un de Herrlichkeit in’n Süüdoosten, Heeßel un Westersood in’n Süüdwesten un Dobrook un Ohrensflucht in’n Noordwesten.

Historie[ännern | Bornkood ännern]

Von 1862 bet 1976 hett de Hemmoor Zement AG in Hemmoor Kried afboot. Dor is de Kriedsee von nableven, de vondaag vör allen bi Dukers temlich populär is. Na de geoloogschen Funnen in de Kriedkuhl hebbt se dat Hemmoorium un de Hemmoor-Kugel nöömt.

Na Hemmoor hebbt ok de Hemmoorer Ammels jemehr Naam kregen, vonwegen dat se 1892/1893 in’n Tosamenhang mit dat Zementwark funnen worrn sünd. De Fundsteden weren aver egentlich in dat Rebeed von Westersood un Warstood.

In’n Eersten Weltkrieg sünd 25 Soldaten ut Hemmoor fullen oder vermisst un in’n Tweten Weltkrieg 48[1].

Hemmoor is an’n 1. Juli 1968 mit fiev annere Öörd to de ne’e Gemeen Hemmoor tohoopleggt worrn.

An’n 1. Januar 1972 is en Deel von Ohrensfluchtermoor mit üm un bi 50 Inwahners von de Gemeen Öberndörp an de Gemeen Hemmoor un dor in’n Oortsdeel Ooldhemmoor wesselt.

Inwahnertall[ännern | Bornkood ännern]

Johr Inwahners
1824-00-001824[2] 17 Füürsteden
1848-00-001848[3] 105 Lüüd. 24 Hüüs
1910-12-011. Dezember 1910[4] 686
1925-00-001925[5] 480
1933-00-001933[5] 452
1939-00-001939[5] 449

Religion[ännern | Bornkood ännern]

Hemmoor is evangeelsch-luthersch präägt un höört to dat Kaspel von de Christuskark in Warstood. Bevör de Christus-Kark 1898 boot worrn is, hett de Oort to dat Kaspel von de Bartelmees-Kark in Loomst tohöört.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Wapen[ännern | Bornkood ännern]

Dat Wapen von Hemmoor wiest baven op sülvern Grund twee krüüzte Peerköpp un ünnen en Kammrad, wat as Symbol för dat Zementwark un de Industrie steiht.

Börgermeesters[ännern | Bornkood ännern]

  • -30. Juni 1968: Waldemar Reinbrecht

Kultur[ännern | Bornkood ännern]

Kriegerdenkmaal in Hemmoor Denkmaal mit de Nr. 35.202.200.020 in de Gemeen Hemmoor

En Denkmaal för de Fullenen ut de twee Weltkrieg’ steiht in Hemmoor bi’n Karkhoff.

Verenen[ännern | Bornkood ännern]

Füürwehrhuus in Ooldhemmoor

De Freewillige Füürwehr is an’n 27. November 1901 grünnt worrn un de Schützenvereen Ohrensfluchtermoor-Hemmoor 1902.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Hemmoor liggt an de Bundsstraat 73, de in’n Noordwesten na Kumbarg un Oterndörp geiht un in’n Süüdoosten na Warstood, Basbeek un Heckthusen. Na Noordoosten geiht de Kreisstraat 25 af un löppt na Hemm.

De nächste Bahnhoff is de Bahnhoff Hemmoor an de Nedderelvbahn.

Scholen[ännern | Bornkood ännern]

De fröhere School in Hemmoor Denkmaal mit de Nr. 35.202.200.002 in de Gemeen Hemmoor

Hemmoor hett en egen Grundschool. Na Gymnasium gaht de Schölers op dat Gymnasium Warstood.

Footnoten[ännern | Bornkood ännern]

  1. http://www.denkmalprojekt.org/2009/hemmoor-althemmoor_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 268: http://books.google.de/books?id=tG0AAAAAcAAJ&pg=PA268
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
  4. http://www.gemeindeverzeichnis.de/gem1900/gem1900.htm?hannover/neuhaus.htm
  5. a b c http://www.verwaltungsgeschichte.de/hadeln.html

Weblenken[ännern | Bornkood ännern]

Commons-logo.svg Hemmoor. Mehr Biller, Videos oder Audiodateien to’t Thema gifft dat bi Wikimedia Commons.