Hemslingen
| Wapen/Flagg | Koort | |
|---|---|---|
 |
|
|
| Basisdaten | ||
| Flach: | 27,46 km² | |
| Inwahners: | 1.540 (31. Dezember 2006) | |
| Inwahnerdicht: | 56,1 Inwahners pro km² | |
| Hööchd: | 42 m över de See | |
| Postleettall: | 27386 | |
| Vörwahl: | 04266 | |
| Geograafsche Laag: | Koordinaten:53° 5′ N, 9° 36′ O53° 5′ N, 9° 36′ O |
|
| Gemeenslötel: | 03 3 57 025 | |
| Öörd in de Gemeen: | 2 | |
| Börgermeester: | Annegret Kregel (CDU) | |
| Websteed: | www.hemslingen-soehlingen.de | |
Hemslingen is en Gemeen in de Samtgemeen Bootel in’n Landkreis Rodenborg (Wümm). De Gemeen besteiht ut de beiden Oortsdelen Hemslingen un Söhlingen.
Inholtsverteken |
[ännern] Geologie
En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.
[ännern] Geografie
De Gemeen Hemslingen liggt ruchweg 14 km süüdööstlich vun Rodenborg (Wümm). Dat Gemeenrebeet warrt na Noorden hen vun de Eenheitsgemeen Scheeßl begrenzt un na Westen vun de Gemeen Brookel. In’n Süüden besteiht ’n lütt beten Kuntakt na de Eenheitsgemeen Visselhöövd, un na Oosten hen grenzt de Landkreis Heidkreis an. Twüschen de beiden Oortsdelen vun de Gemeen löpt de Brockwischenbeek. De hööchste Steed vun’t Gemeenrebett is de Hollerbarg mit 52,8 m över NN.
[ännern] Politik un Verwalten
[ännern] Gemeenraat
De Gemeenraat vun Hemslingen sett sik siet de letzten Wahl an’n 11. September 2011 as folgt tohopen:
| Partei | 2011 | 2006 |
| CDU | 5 | 7 |
| SPD | 5 | 3 |
| Bündnis 90/De Grönen | 1 | 1 |
[ännern] Börgermeester
Bi de Wahl an’n 10. September 2006 is Annegret Kregel vun de CDU as Börgermeestersche wählt worrn.
[ännern] Wapen
Dat Gemeenwapen wiest en dör en schraagrechten sülvernen Bülgenbalken deelten Wapenschild op. De rechte Hälft is gröön mit en swart-witt Tweestänner-Fackwark-Hallenhuus mit en reetdeckt Walmdack un en grode Delendöör. Dat linke Feld is root mit en swart-witt Veerstänner-Fackwark-Hallenhuus mit Krüppelwalmdack un en piellieke Reeg vun Luken.
[ännern] Kultur
Hemslingen is en ländliche Gemeen un dat Freetietanbott is entspreken utricht. Dat gifft en Reeg vun Verenen, woneem sik Intresserte tosamendoot. De öörtliche Sportvereen is de TuS Hemslingen/Söhlingen, dorneven gifft dat en Blaaskapell un twee Schüttenverenen, en Oortsverband vun’t Rode Krüüz, vun de DLRG un annere.
Mit’n Auto kummt een ok gau na annere Steden, as to’n Bispeel na den 30 km wieten Heidepark Soltau. Annere Telen sünd t. B. de Vagelpark Walsrood oder de Serengetipark Hodenhagen. In de Gemeen sülvst gifft dat ok wat antokieken. So is dor en private Utstellen vun olle landweertschoppliche Maschienen. Butendem gifft dat in Hemslingen ’n ganze Reeg olle Fackwarkhüüs, de fein antokieken sünd un dat Dörpsbild prägen doot. Een vun de bekannteren is dorünner dat Brockwischenhuus.
[ännern] Weertschap
De Gemeen Hemslingen wiest de tyypschen ländlichen middelstännschen Bedireven op. De gröttste Arbeitgever is en Stahlboünnernehmen, de Utbillnsplätz in verscheden Fackrebeden anbeden deit. Bekannt is Hemslingen aver sünners ok för sien rieke Gasvörkamen. Dat Gemeenrebeet bargt een vun de gröttsten Eerdgaslagersteden in’t hele Bundsrebeet.
[ännern] Verkehr
Hemslingen liggt teemlich in de Mitt von de Autobahnen, de dör den Landkreis föhrt. Dat sünd de Autobahnen A 1, A 7 un A 27. De dree sünd gliek wiet vun Hemslingen weg, man dat is al en Eck to föhren. Direkt dör Hemslingen un Söhlingen löpt aver de B 71, de Rodenborg (Wümm) mit Neenkerken in’n Landkreis Heidkreis verbinnt. Vun’n Oortsdeel Hemslingen ut twiegt de beiden Landsstraten L 170 un L 131 af, vun Söhlingen ut, föhrt de Kreisstraat K 223 na Süüden.
Ahusen | Alfst | Annerlingen | Basdaal | Bootel | Bötersen | Breddörp | Bremervöör | Brookel | Büls | Deins | Eversdörp | Elsdörp | Farm | Fintel | Gnarrenborg | Groot Meckels | Hassendörp | Heemsbünnen | Heeßel | Hellweeg | Helsch | Hemslingen | Hepst | Hipst | Homersen | Horß | Jeem | Kalf | Karktimk | Karkwals | Lauenbrüch | Lengenbossel | Lütt Meckels | Oerel | Oostereis | Reeßen | Rhaar | Rodenborg (Wümm) | Sandbossel | Scheeßl | Seedörp | Sittens | Söttmer | Stemmen | Sürsen | Tarms | Tiss | Vahlde | Vierden | Visselhöövd | Vörwark | Westertimk | Westerwals | Wilst | Woonst | Zeven
