Rhaar
| Wapen/Flagg | Koort | |
|---|---|---|
 |
|
|
| Basisdaten | ||
| Flach: | 24,44 km² | |
| Inwahners: | 1.152 (31. Dezember 2006) | |
| Inwahnerdicht: | 47,1 Inwahners pro km² | |
| Hööchd: | 13 m över de See | |
| Postleettall: | 27404 | |
| Vörwahl: | 04285 | |
| Geograafsche Laag: | Koordinaten:53° 20′ N, 9° 7′ O53° 20′ N, 9° 7′ O |
|
| Gemeenslötel: | 03 3 57 038 | |
| Öörd in de Gemeen: | 2 | |
| Börgermeester: | Thomas Czekalla (WG-Rhaar) | |
| Websteed: | www.selsingen.de/rhade.php | |
Rhaar is en Oort un Gemeen in de Samtgemeen Sürsen in’n Landkreis Rodenborg (Wümm). In de Gemeen leeft ruchweg 1150 Lüüd, se is ut de beiden Oortsdelen Rhaar un Rhaareis tosamensett.
Inholtsverteken |
[ännern] Geografie
Dat Gemeenrebeet liggt in’n Süüdwesten vun de Samtgemeen. Na Oosten liggt de Gemeen Oostereis. Na Noorden hen slutt de Eenheitsgemeen Gnarrenborg an un na Westen grenzt Rhaar an de Samtgemeen Tarms mit de Gemenen Karktimk un Breddörp.
De Landschap in de Gemeen is prägt dör de Land- un Forstweertschap. De Oortsdeel Rhaareis besteiht to’n Veerdel ut Wooldflachen.
[ännern] Geologie
En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.
[ännern] Historie
De Grünnen vun’t Dörp Rhaar dateert op de Mitt vun’t 12. Johrhunnert un weer vun den Baron vun Rahden vörnahmen. Wohrschienlich is to de glieke Tiet ok Rhaareis grünnt worrn, as de Herren vun Rhaar dor ok en fastigten Hoff harrn un Grundherren över beide Dörper weern. In beid Dörper hebbt bit in de Mitt vun’t 19. Johrhunnert blots Buerns leeft, in Rhaareis sogor noch wat länger.
Vun de St.-Gallus-Karkengemeen wart seggt, dat se en meist 1000 johrige Historie hett un üm dat Johr 800 to de Tiet vun Karl den Groten inricht weer. De St.-Gallus-Kark is in en Dokument vun 1219 ut dat Ollenborgsche Staatsarchiv nöömt. De Kark is 1811 daalbött un weer op ehr Grundmuern wedder nee opboet.
Bi de Rebeetsreform 1974 is de hüütige Gemeen ut de dormols egenstännigen Gemenen Rhaar un Rhaareis tosamenleggt worrn.
[ännern] Politik
[ännern] Gemeenraat
De Gemeenraat vun Rhaar besteiht ut ölven Lüüd. Siet de letzten Kommunalwahl in’n September 2011 sett de sik as folgt tohopen:
| Partei | 2011 | 2006 |
| WG-Rhaar | 7 | 8 |
| WG-Rhaareis | 4 | 3 |
[ännern] Börgermeester
Börgermeester vun de Gemeen is Thomas Czekalla vun de WG-Rhaar. Sien Viez is Walther Viebrock vun de WG-Rhaareis, tweete Viez is Karsten Schröder vun de WG-Rhaar.
[ännern] Wapen
Dat Wappen wiest dree sülverne Kugeln op blauen Grund – twee baven un een ünnen. Disse dree Kugeln weern ok in dat Familienwappen vun de Baronen vun Rahden, de vun’t 12. bit 14. Johrhunnert in Rhaar en Waterborg as Stammsitt harrn. Dat hearldische Teken is för de Gemeen öbernahmen worrn, üm op de Historie un de Wörtel vun de Dörper hentowiesen.
[ännern] Kultur
[ännern] Bowark
En sünnert Bowark, dat sik antokieken lohnt, is dat Heimatmuseum „Heimatstuuv“, dat in dat Kinnergoorn-Huus mit ünnerbrocht is.
[ännern] Sport un Verenen
För de Freetietgestalten sünd de Verenen vun sünnere Bedüden. Sport to’n Vergnögen oder in’n Wettkampf-Bedriev warrt sünners vun’n TSV Rhaar anboden, bito gifft dat aver ok en Schüttenvereen un den Riedvereen Rhaar. Dorblangen gifft dat noch annere Verenen as de Rhaarer Landbühn, de Landfroenvereen, de Landjöögd, de Freewilligen Füerwehren oder den plattdüütschen Singkreis.
[ännern] Veranstalten
In de Gemeen gifft dat över’t Johr twee regelmatige Veranstalten, de för de Dörpsgemeenschap wichtig sünd. Dat is to’n een dat vun de Landjöögd organiseerte Oornfest Anfang Oktober un de Wiehnachtsmarkt, de jümmer an’n tweeten Advent maakt warrt.
[ännern] Verkehr
Rhaar liggt af vun de groten Verkehrsweeg. De bedüdenste Straat is de L 122, de vun Gnarrenborg över Glinst na Rhaar un wieter na Rhaareis verlööpt un vun över Oostereis na Zeven föhrt. In Rhaar loopt ok twee Kreisstraten tohopen, welke de L 122 krüüzt. De K 114 kummt vun Tarms över Breddörp un geiht in Rhaar in de K 119 över, de över Rocks na Sürsen wieterföhrt.
Ahusen | Alfst | Annerlingen | Basdaal | Bootel | Bötersen | Breddörp | Bremervöör | Brookel | Büls | Deins | Eversdörp | Elsdörp | Farm | Fintel | Gnarrenborg | Groot Meckels | Hassendörp | Heemsbünnen | Heeßel | Hellweeg | Helsch | Hemslingen | Hepst | Hipst | Homersen | Horß | Jeem | Kalf | Karktimk | Karkwals | Lauenbrüch | Lengenbossel | Lütt Meckels | Oerel | Oostereis | Reeßen | Rhaar | Rodenborg (Wümm) | Sandbossel | Scheeßl | Seedörp | Sittens | Söttmer | Stemmen | Sürsen | Tarms | Tiss | Vahlde | Vierden | Visselhöövd | Vörwark | Westertimk | Westerwals | Wilst | Woonst | Zeven
