Fintel

Vun Wikipedia
Wapen/Flagg Koort

Wapen vun Fintel

Fintel
Laag vun Fintel in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Fintel
Flach: 36,08 km²
Inwahners: 2852 (31. Dezember 2022)
Hööchd: 43 m över de See
Postleettall: 27389
Vörwahl: 04180, 04265
Geograafsche Laag:
Koordinaten:53° 10′ N, 9° 40′ O
53° 10′ N, 9° 40′ O
Grenzen bi OSM: 357073 357073
Gemeenslötel: 03 3 57 033
Öörd in de Gemeen: 1
Börgermeester: Claus Riebesehl (CDU)
Websteed: www.fintel.de
Koort
Kreis
Karte
BremenHamburgSleswig-HolsteenLandkreis CuxhobenLandkreis DeefholtLandkreis HorborgLandkreis OosterholtLandkreis StoodLandkreis HeidkreisLandkreis VeernAhusenAlfs (Landkreis Rodenborg)AnnerlingenBasdaalGemeen RodenborgGemeen BoitzenBothelBreddörpGemeen BremervöörBrookelBülsDeinsEversdörpGemeen ElsdörpFarm (Landkreis Rodenborg)FintelGemeen GnarrenborgGroot MeckelsJeemHomersenHomersenHassendörpGemeen HeeßelHellweegHelschHeemsbünnenHemslingenHepstHipstHorßHorßKalf (Neddersassen)KarktimkKarkwalsLütt MeckelsLauenbrüchZittensLengenbosselÖrelOostereisReeßenRhaarGemeen RodenborgSandbosselGemeen ScheeßlSeedörp (Neddersassen)Gemeen SürsenZittensZittensSöttmerStemmen (Neddersassen)TarmsTissTissVahl (Landkreis Rodenborg)Vahl (Landkreis Rodenborg)VierdenGemeen VisselhöövdGemeen VörwarkWestertimkWesterwalsWilstWoonstGemeen Zeven
Fintel in’n Landkreis Rodenborg (Koort lett sik anklicken)

Fintel is en Oort un Gemeen in de Samtgemeen Fintel in’n Landkreis Rodenborg (Wümm) mit 2852 Inwahners (Stand 31. Dezember 2022).

Geografie[ännern | Bornkood ännern]

De Gemeen Fintel is de ööstlichste in’n helen Landkreis Rodenborg (Wümm). Se warrt na Westen hen vun de Gemeen Vahl begrenzt un na Süüdwesten en Stück vun de Eenheitsgemeen Scheeßl. De süüdlichen Rebeden sluut an de Eenheitsgemeen Snevern an, in’n Landkreis Heidkreis un de OOsten un de Noord grenzt an den Landkreis Horborg mit de Samtgemeen Töst.

De Gemeen liggt en ländlich Rebeet un is ümgeven vun wiete Feller, Wischen, Woolden un Moorrebeden. Fintel is siet 1992 en staatlich achten Verhaloort un hett butendem ok al mol ’n Pries wunnen bi den Wettstriet „Unser Dorf soll schöner werden“.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

De öllste överleverte Oorkunn, in de Fintel nöömt warrt, stammt ut dat Johr 1105. De Oort warrt dor as Wintla betekent. Disse Oorkunn hannelt von dat Utstafferen för dat ne’e Klooster Katelnborg dör Adela von Katelnborg. In de folgen Tiet warrt de Oort faken as Wintlo oder Vintlo schreven, wat woll so veel heten schüll as „sumpig Land“. Utgraven in de Feldmark hebbt wies, dat dat Rebeet üm Fintel al siet ruchweg 2000 Johren bewahnt is, vun wegen dat dorbi olle Bielen, Knieven un Pielspitzen ut Steen funnen worrn sünd.

Fintel weer al in fröhe Tieten en Karkengemeen. Al to de Tiet vun Karl, den Groten schall dor en lütte Kapell to’n Beden stahn hebben. En gröttere Kark is 1480 boot worrn, de 1548 wedder tweimaakt worrn is. Na’t Enn vun’n Dörtigjohrigen Krieg is en ne’e Kark mit Reetdack un Fackwark boot worrn, de afreten worrn is, as 1882-1884 de hüütige Kark boot worrn is.

Siet 1970 is Fintel Deel vun de Samtgemeen Fintel, de ehrn Sitt in Lauenbrüch hett.

Politik[ännern | Bornkood ännern]

Gemeenraat[ännern | Bornkood ännern]

De Gemeenraat vun Fintel sett sik mit den Börgermeester ut 13 Lüüd tohopen. De letzte Kommunalwahl weer 2016

Partei 2016 2011 2006
CDU 6 6 7
SPD 5 7 6
Gröne 1
ahn Partei 1

Kultur[ännern | Bornkood ännern]

To’n Ankieken[ännern | Bornkood ännern]

De kulturelle Middelpunkt vun Fintel is dat Heimathuus mit den Naam „Schimmes Hoff“, dat sik in’t Zentrum vun den Oort befinnt. Dor finnt de Veranstalten vun’n Heimatvereen statt un ok Kunstutstellen. Geern ankeken warrt ok dat olle Fackwarkhuus vun den Dichter Friedrich Freundenthal, de in Fintel leevt hett. Sien Huus is renoveert worrn un mit Reet deckt, so as dat fröher al weer. To Ehren vun den Dichter steiht in en lütten Woold ok en Denkmol.

Bildung[ännern | Bornkood ännern]

In Fintel is 1963 en Grund- un Hööftschool inricht worrn, de siet 2001 aver blots noch as Grundschool wieterföhrt warrt. To is in Lauenbrüch de nee Hööft- un Realschool fardigstellt worrn.

Sport[ännern | Bornkood ännern]

Op dat Schoolrebeet is dorna en Lichtathletikanlaag un dorblangen en Turnhall boot worrn. In’n Oort gifft dat bito twee wietere Anlagen mit Sportplätz dorbi. Siet 1974 besteiht ok en beheizt Freebad. För de Freetiet gifft dat aver ok noch vele annere Mööglichkeiten as Bowling, Minigolf, Tennis, Kutschfohrten, Paddeln un so wieter.

Beropen Lüüd[ännern | Bornkood ännern]

Verkehr[ännern | Bornkood ännern]

Dör Fintel verloopt en poor Kreisstraten. Över de K 212, de den Oort Fintel in’n Süüdwesten flankeert, kann een över Laubrüch an de B 75 ansluten, in de annere Richt geiht se denn an de Grenz vun’n Landkreis in de K 30 över un föhrt wieter na Snevern. Dör den Oort Fintel verloopt butendem de K 221 un de K 211, över de man na Oostervees un wieter na Westervees kummt.

Literatur[ännern | Bornkood ännern]

Weblenken[ännern | Bornkood ännern]

Fintel. Mehr Biller, Videos oder Audiodateien to’t Thema gifft dat bi Wikimedia Commons.