Oerel
| Wapen/Flagg | Koort | |
|---|---|---|
 |
|
|
| Basisdaten | ||
| Flach: | 33,70 km² | |
| Inwahners: | 1.846 (31. Dezember 2006) | |
| Inwahnerdicht: | 54,8 Inwahners pro km² | |
| Hööchd: | 16 m över de See | |
| Postleettall: | 27432 | |
| Vörwahl: | 04761, 04765, 04766 | |
| Geograafsche Laag: | Koordinaten:53° 29′ N, 9° 4′ O53° 29′ N, 9° 4′ O |
|
| Gemeenslötel: | 03 3 57 035 | |
| Öörd in de Gemeen: | 3 | |
| Börgermeester: | Helmut Ringe (SPD) | |
| Websteed: | www.geestequelle.de | |
Oerel is en Gemeen in de Samtgemeen Geestborn in Neddersassen in’n Landkreis Rodenborg (Wümm). De Gemeen besteiht ut dree Öörd mit tohopen ruchweg 1850 Inwahners. Dat sünd neven den Hööftoort Oerel, woneem ok de Sitt vun de Samtgemeen Geestborn is, de Gemeendelen Glinn un Barchel.
Inholtsverteken |
[ännern] Geografie
De Gemeen Oerel grenzt in’n Oosten an de Eenheitsgemeen Bremervöör. De Stadt sülvst is vun den Oort Oerel man jüst fief Kilometer wiet weg. In’n Süden hett Oerel ’n lütt beten Kontakt to de Eenheitsgemeen Gnarrenborg grenzt sonst aver an de Gemeen Basdahl. Na Westen hen liggt de Gemeen Hipst un na Noorden de Gemeen Eversdörp. De Gemeen liggt an’n Rand vun da Düvelsmoor un hett dorüm wiete Moorflachen, de to’n groten Deel landweertschopplich nütt warrt.[1]
[ännern] Geologie
En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.
[ännern] Historie
De Oort Oerel is 937 to’n eersten mol in en Oorkunn nöömt worrn. In’n Oortskarn steiht en mehr as 800 Johr olle Kark.
Oerel is de öllste Gemeen in’t Samtgemeenrebeet un hett ok de gröttste Flach. An’n 1. März 1974 sünd de Öörd Barchel un Glinn in’n Rahmen vun de Verwaltens- un Rebeetsreform ingemeent worrn. Dormit is Oerel ok de inwahnerriekste Gemeen vun Geestborn.[1]
[ännern] Religion
Oerel is evangeelsch präägt un billt en egen Kaspel.
För de Kathoolschen is de St.-Michaelskark in Bremervöör tostännig.
[ännern] Politik
De Gemeenraat besteiht ut ölven Lüüd un sett sik siet de Kommunalwahl 2011 as folgt tosamen:
| Partei | 2011 | 2006 |
| CDU | — | 3 |
| SPD | 5 | 5 |
| WFB Oerel | 3 | — |
| WG Oerel-Barchel | 3 | — |
| BL | — | 2 |
| GL | — | 1 |
[ännern] Verkehr
De apentliche Verkehr warrt to’n gröttsten Deel vun Bussen övernahmen, aver Oerel hett ok en Bahnhoff op de Bahnlien Bremerhoben-Buxtuud. Ansluss gifft dat butendem ok an de Bahnlien Bremervöör-Oosterholt, de ok as „Moorexpress“ bekannt is. Beid Strecken warrt hüüt vun den Iesenbohn- un Verkehrsbedrief Elv-Werser GmbH (EVB) bedreven.
In’n Stratenverkehr sünd sünners de Bundsstraten B 71, de vun Bremerhoben över Bremervöör un Zeven na Rodenborg (Wümm) föhrt, un de B 74, de Oosterholt-Scharmbeck mit Bremervöör un Stood verbinnen deit. Beid Bundstraten lopt dör de Gemeen op en gemeensomen Streckenafsnitt un warrt bannig dull beföhrt. In den Oort Glinn twiegt butendem de B 495 af, de över Loomst un Basbeek/Warstood (Gemeen Hemmoor) na Wischhoben geiht un dor an de Elvfähr Glückstadt–Wischhoben ranföhrt.
[ännern] Borns
[ännern] Literatur
- Oerel 937 - 1987. Die Geschichte der Dörfer Oerel, Barchel und Glinde B. Borgardt KG, Bremervöör 1987
[ännern] Weblenken
Ahusen | Alfst | Annerlingen | Basdaal | Bootel | Bötersen | Breddörp | Bremervöör | Brookel | Büls | Deins | Eversdörp | Elsdörp | Farm | Fintel | Gnarrenborg | Groot Meckels | Hassendörp | Heemsbünnen | Heeßel | Hellweeg | Helsch | Hemslingen | Hepst | Hipst | Homersen | Horß | Jeem | Kalf | Karktimk | Karkwals | Lauenbrüch | Lengenbossel | Lütt Meckels | Oerel | Oostereis | Reeßen | Rhaar | Rodenborg (Wümm) | Sandbossel | Scheeßl | Seedörp | Sittens | Söttmer | Stemmen | Sürsen | Tarms | Tiss | Vahlde | Vierden | Visselhöövd | Vörwark | Westertimk | Westerwals | Wilst | Woonst | Zeven
