Büls
| Wapen/Flagg | Koort | |
|---|---|---|
 |
|
|
| Basisdaten | ||
| Flach: | 25,53 km² | |
| Inwahners: | 731 (31. Dezember 2006) | |
| Inwahnerdicht: | 28,6 Inwahners pro km² | |
| Hööchd: | 25 m över de See | |
| Postleettall: | 27412 (ehmols: 2733) | |
| Vörwahl: | 04283, 04288 | |
| Geograafsche Laag: | Koordinaten:53° 13′ N, 9° 10′ O53° 13′ N, 9° 10′ O |
|
| Gemeenslötel: | 03 3 57 010 | |
| Öörd in de Gemeen: | 3 | |
| Börgermeester: | Friedhelm Immig (WG Büls) | |
| Websteed: | www.tarmstedt.de | |
Büls is en Oort un Gemeen in de Samtgemeen Tarms in’n Landkreis Rodenborg (Wümm) mit ruchweg 730 Inwahners. De Gemeen sett sik ut dree Oortsdelen tohopen. Blangen Büls sünd dat de Dörper Oosterbrook un Steenfeld.
Inholtsverteken |
[ännern] Geografie
De Gemeen Büls liggt an’n Süüdoostrand vun de Samtgemeen Tarms un hett na’n Westen hen Kuntakt to de Navergemenen Vörwark, Wilst, Tarms, Westertimk un Karktimk. Na’n Oosten to grenzt de beiden Gemenen Zeven un Jeem vun de Samtgemeen Zeven an un in’n Süüden is en lütt Stück, woneem en Grenz na de Samtgemeen Söttmer besteiht mit de Gemeen Horß.
De Landschap is ländlich prägt mit Kulturflachen un Wooldrebeden. Ok Moorland is to finnen, so as to’n Bispeel dat 22 Hektar grote Swarte Moor, dat in’n Noordoosten vun Büls liggt un ünner Naturschuul steiht.
[ännern] Geologie
En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.
[ännern] Historie
De Gemeen Büls is noch teemlich jung. Se weer 1972 ut de dree Oortsdelen tosamenleggt. De eersten Wahnsteden geev dat in Steenfeld al vör ruchweg 40.000 Johren. Dorvun künnt en Reeg vun Bultengräver in de Steenfeller Feldmark. Man eerst 1150 is Büls dat eerste mol in en Oorkunn nöömt.[1]
[ännern] Politik
De Gemeenraat vun Büls ümfaat negen Lüüd, de sik ut Wählergruppen tohopensett:
| Partei | 2011 | 2006 |
| WG Büls | 5 | 6 |
| WG Steenfeld | 3 | 3 |
| Albinger | 1 | — |
[ännern] Kultur
De Gemeen wiest sik as tyypsch ländlich un is prägt vun landweertschopplich bruukte Flachen ümto. För de Freetiet steiht en Sportanbott praat. Dorför gifft dat Sportanlagen, en Scheetstand un en Turnhall. utendem is Büls Standoort vun en Grundschool un vun en Kinnerspeelkreis.
[ännern] Verkehr
Dör Büls föhrt de K 117, de in Wilst an wietere Kreisstraten anslutt un na Westen an de L 132 ranföhrt. An de L 132 liggt de Oortsdeel Steenfeld, de över de Landsstraat mit Vörwark in’n Süden un mit Brüddendörp in de Samtgemeen Zeven verbunnen is. Bedüden Verkehrsweeg gaht nich dör dat Gemeenrebeet, man de neegste Ansluss an de A 1 in Bokel is ruchweg 10 km wiet weg.
[ännern] Literatur
- Renate Matysiak: Bülstedt - Steinfeld. Aus der Geschichte zweier Dörfer. Editschoon Temmen, Bremen 1992, ISBN 3-926958-92-8
[ännern] Borns
Ahusen | Alfst | Annerlingen | Basdaal | Bootel | Bötersen | Breddörp | Bremervöör | Brookel | Büls | Deins | Eversdörp | Elsdörp | Farm | Fintel | Gnarrenborg | Groot Meckels | Hassendörp | Heemsbünnen | Heeßel | Hellweeg | Helsch | Hemslingen | Hepst | Hipst | Homersen | Horß | Jeem | Kalf | Karktimk | Karkwals | Lauenbrüch | Lengenbossel | Lütt Meckels | Oerel | Oostereis | Reeßen | Rhaar | Rodenborg (Wümm) | Sandbossel | Scheeßl | Seedörp | Sittens | Söttmer | Stemmen | Sürsen | Tarms | Tiss | Vahlde | Vierden | Visselhöövd | Vörwark | Westertimk | Westerwals | Wilst | Woonst | Zeven
