Seedörp (Neddersassen)
| Wapen/Flagg | Koort | |
|---|---|---|
 |
|
|
| Basisdaten | ||
| Flach: | 18,69 km² | |
| Inwahners: | 746 (31. Dezember 2007) | |
| Inwahnerdicht: | 39,9 Inwahners pro km² | |
| Hööchd: | 25 m över de See | |
| Postleettall: | 27404 | |
| Vörwahl: | 04284 | |
| Geograafsche Laag: | Koordinaten:53° 21′ N, 9° 14′ O53° 21′ N, 9° 14′ O |
|
| Gemeenslötel: | 03 3 57 042 | |
| Öörd in de Gemeen: | 2 | |
| Börgermeester: | Jacob Hinck (WG-Seedörp) | |
| Websteed: | www.selsingen.de/seedorf.php | |
Seedörp is en Oort un Gemeen in de Samtgemeen Sürsen in’n Landkreis Rodenborg (Wümm). In de Gemeen leeft ruchweg 750 Lüüd, de sik op de beiden Oortsdelen Seedörp un Goerns verdeelt.
Inholtsverteken |
[ännern] Geografie
De Gemeen Seedörp liggt in’n Süüden vun de Samtgemeen. In’n Noorden grenzt de Gemeen Sürsen an, in’n Westen de Gemeen Oostereis. Na de annern Sieten liggt dat Rebeet vun de Samtgemeen Zeven mit de Gemenen Zeven un Heeßel.
De Gemeen liggt in en idyllsche Landschop mit grode Wooldflachen, Wischen, Feller un Moorrebeden un Heidflachen. En wiet Nett vun Wanner- un Radweeg geevt de Mööglichkeit, sik in de Natur to bewegen. Bi Godens gifft dat ok en Naturschuulrebeet an’n Rand vun Oostdaal. De Oortsdeel Godens is butendem in’t Johr 1970 in den Wettstriet „Unser Dorf soll schöner werden“ Bundswinner worrn.
[ännern] Geologie
En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.
[ännern] Historie
De Gemeen Seedörp gifft dat in disse Form eerst siet de kommunale Rebeetsreform. De beiden Oortsdelen weern vörher egenstännige Gemenen, de den tosamenleggt worrn sünd.
De Naam Seedörp geiht torüch op en See , de twüschen de Landstraat un de Hööftstraat vun’n Oort legen hett, in’t letzte Johrhunnert aver aflaten worrn is. Dat Dörp hett den süüdlichen Deel vun’n See ümslaten. De Naam Godens (hdt. Godenstedt, in en öllere Form Godenhusen) kummt wohrschienlich vun den ollen Personennaam Godo, wat en Kortform vun Godelmer is.
[ännern] Religion
Seedörp is evangeelsch präägt.
För de Kathoolschen is de St.-Michaelskark in Bremervöör tostännig.
[ännern] Politik
[ännern] Gemeenraat
De Gemeenraat vun Seedörp besteiht ut acht Lüüd. Siet de letzten Kommunalwahl in’n September 2011 sett de sik as folgt tohopen:
| Partei | 2011 | 2006 |
| WG-Seedörp | 4 | 7 |
| WG-Godens | 3 | 4 |
| parteilos | 1 | – |
[ännern] Börgermeester
Börgermeester vun de Gemeen is Jacob Hinck vun de WG-Seedörp. Sien Viez is Lüer Schlesselmann vun de WG-Godens, tweete Viez is Babett Kraenke vun de WG-Seedörp.
[ännern] Wapen
Dat Wappen hett en root Feld un dorop en Mammut, dat na rechts geiht. De Stööttähn un Footnagels sünd in Gold afsett. De Schildfoot is swart un wiest en Escher in Sülver, de na rechts utricht liggt. Dat Wapenmotiv speelt op den bekannten Godenster Mergel an, de ok in’t vörig Johrhunnert as Dünger för de Feller versorgt hett. Dat is en Söötwaterkalk, de wiel een vun de Twüscheniestieten tostannenkamen is. In den Kalk sünd tallrieke Knakenresten vun Mammuts funnen worrn.
[ännern] Kultur
In de Gemeen gifft dat en poor Verenen mit verscheden Saken un afwesseln Veranstalten. So gifft dat en Schüttenvereen, freewillige Füerwehren, en Angelvereen un en Theatergrupp. Bito gifft dat Gaststeden, woneem man macklich bi’nanner sitten kann.
[ännern] Weertschop
Vun Bedüden is de Bundswehrkaserne in Seedörp. In de Johren 1963 bit 2006 weer in de Kaserne en nedderlännsche Garnison statschoneert, de denn aver aftogen worrn is. Siet Oktober 2006 steiht in Seedörp de gröttste Deel vun de Luftlannenbrigaad 31.
[ännern] Verkehr
Seedörp liggt an de B 71, de vun Zeven över Brauel na Sürsen föhrt. Över disse Bundsstraat besteiht ok Ansluss an de A 1.
Ahusen | Alfst | Annerlingen | Basdaal | Bootel | Bötersen | Breddörp | Bremervöör | Brookel | Büls | Deins | Eversdörp | Elsdörp | Farm | Fintel | Gnarrenborg | Groot Meckels | Hassendörp | Heemsbünnen | Heeßel | Hellweeg | Helsch | Hemslingen | Hepst | Hipst | Homersen | Horß | Jeem | Kalf | Karktimk | Karkwals | Lauenbrüch | Lengenbossel | Lütt Meckels | Oerel | Oostereis | Reeßen | Rhaar | Rodenborg (Wümm) | Sandbossel | Scheeßl | Seedörp | Sittens | Söttmer | Stemmen | Sürsen | Tarms | Tiss | Vahlde | Vierden | Visselhöövd | Vörwark | Westertimk | Westerwals | Wilst | Woonst | Zeven
