Scheeßl

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Scheeßl
Scheeßl
Laag vun Scheeßl in Düütschland
Basisdaten
Bundsland: Neddersassen
Landkreis: Rodenborg (Wümm)
Flach: 149,7 km²
Inwahners: 13.019 (18. Oktober 2006)
Inwahnerdicht: 87 Inwahners pro km²
Hööchd: 30 m över de See
Postleettall: 27383
Vörwahl: 04263
Geograafsche Laag:
Koordinaten:53° 10′ N, 9° 29′ O
53° 10′ N, 9° 29′ O
Gemeenslötel: 03 3 57 041
Öörd in de Gemeen: 12
Börgermeester: Käthe Dittmer-Scheele (CDU)
Websteed: www.scheessel.de
Bremen Hamburg Sleswig-Holsteen Landkreis Cuxhoben Landkreis Deefholt Landkreis Horborg Landkreis Oosterholt Landkreis Stood Landkreis Heidkreis Landkreis Veern Ahusen Alfst Annerlingen Basdaal Rodenborg (Wümm) Bötersen Bothel Breddörp Bremervöör Brookel Büls Deins Eversdörp Elsdörp (Landkreis Rodenborg) Farm (Landkreis Rodenborg) Fintel Gnarrenborg Groot Meckels Jeem Homersen Homersen Hassendörp Heeßel (Zeven) Hellweeg Helsch Heemsbünnen Hemslingen Hepst Hipst Horß Horß Kalf (Neddersassen) Karktimk Karkwals Lütt Meckels Lauenbrüch Sittens Lengenbossel Örel Oostereis Reeßen Rhaar Rodenborg (Wümm) Sandbossel Scheeßel Seedörp (Neddersassen) Sürsen Sittens Sittens Söttmer Stemmen (Neddersassen) Tarms Tiss Tiss Vahl Vahl Vierden Visselhöövd Vörwark (Neddersassen) Westertimk Westerwals Wilst Woonst Zeven
Laag von de Gemeen Scheeßl in’n Landkreis Rodenborg (Koort lett sik anklicken)

Scheeßl is en Oord un Eenheitsgemeen in’n Landkreis Rodenborg (Wümm) in Neddersassen.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Geografie[ännern | Bornkood ännern]

Scheeßl liggt an’n Rand vun de Lüünborger Heid (Noordheid) in en dörsnittlich Hööch vun 30,36 m över NN. Dör den Oort fleet twee lütte Strööm: De Wümm un de Beek. Dat Rebeet warrt bestimmt dör Woolden, Wischen un Moor un is en tyypsch Geestlandschop. De hööchste Punkt in’t Kreisrebeet is de Bullerbarg mit 53 m över NN in’n Oortsdeel Westerholt.

De Kreisstadt Rodenborg (Wümm) liggt ungefäär 9 km wiet weg vun Scheeßl. De neegsten grötteren Städer sünd Hamborg (~65 km), Bremen (~50 km) un Hannober (~115 km).

Historie[ännern | Bornkood ännern]

Scheeßl hett 2005 sien 1200-johrig Bestahn fiert. Dat geiht torüch op den Oort Schesla, de in’n Diedenhofener Kapitular opföhrt is. Na’t Verscheel von de Wetenschop kann mit dit Schesla aver Scheeßl nich meent wesen, denn dat Kapitular nöömt Öörd an de Grenz to de Slaven, von de Scheeßl veel to wied af is[1].

Politik[ännern | Bornkood ännern]

De Eenheitsgemeen Scheeßl is ut twölf vörmols egenstännige Gemenen tohopensett, de hüüt as Oortsdeelen betekent warrt. De Karnoort Scheeßl is de gröttste dorvun.

Oortsdeelen[ännern | Bornkood ännern]

De Tallen geevt de Inwahnertall (Stand: 18. Oktober 2006) an:

  1. Scheeßl (6.686)
  2. Abbendörp (283)
  3. Bartelsdörp (460)
  4. Hetzweeg (402)
  5. Jeersdörp (1.341)
  6. Oostervees (783)
  7. Sootel (222)
  8. Westeresch (524)
  9. Westerholt (651)
  10. Westervees (783)
  11. Wittkoppsbossel (511)
  12. Wohlsdörp (373)

Gemeenraat[ännern | Bornkood ännern]

De Scheeßeler Gemeenraat sett sik mit de Börgermeesterin ut 31 Raatsliddmaten tohopen. De Sitten verdeelt sik aktuell as folgt:

Partei 2011 2006
CDU 12 18
SPD 10 4
Bündnis 90/De Grönen 5 4
UFS 2
MenSch 1
FDP 1 1
WFB 1 1

Börgermeester[ännern | Bornkood ännern]

Siet 2001 is Käthe Dittmer-Scheele vun de CDU hööftamtliche Börgermeesterin vun de Eenheitsgemeen Scheeßl. Se is bi de Kommunalwahl an’n 10. September 2006 vör wietere acht Johren in ehr Amt bestätigt worrn.

Wapen[ännern | Bornkood ännern]

Dat Wapen vun Scheeßl besteiht ut söss Ekenblööd op gelen Grund. De Blööd staht as Teken vör de eersten söss Hööv, worut de Oort mol tostannen kamen is.

Paatschoppen[ännern | Bornkood ännern]

Scheeßl hett twee Städerpaatschoppen övernahmen, eenmol för Tukums in Lettland un eenmol för Teterow in’n Mekelnborg-Vörpommern.

Ehrenbörgers[ännern | Bornkood ännern]

  • 1955: Hinrich Meyer, Baas von’n Heimatvereen un Schriever von de Kröönk († 1963)
  • 1995: Friedrich Behrens, Baas von Heimatvereen un Heimatmuseum († 2003)
  • Karl-Heinz Flöge

Kultur[ännern | Bornkood ännern]

Dat Hurricane Festival 2005

Scheeßl is een Sworpunkt vun’n Frömdenverkehr in dat Wümmsietland un is Standoort vun verscheeden Drachtenkoppels.

An’n bekanntsten dorvun sünd wohrschienlich de Dans- un Drachtenkoppel "De Beekscheepers" Scheeßel e.V. un de Original Scheeßeler Trachtengruppe. Beid Koppeln hebb sik dat to Opgaav maakt, noorddüütsch Kulturgoot natschonal un internaschonal bekantn to maken un to bewohren. Jedet Johr gifft dat in Scheeßl dorüm en groot Drachtenfest, wat wiet över dat Scheeßeler Rebeet rut bekannt is. De Organisatschoon warrt afwesselnd vun de beiden Koppels övernahmen un warrt elk mol vun veele Drachtenverenen ut dat In- un Utland besocht. Dor gifft dat ok een Museum op den Meyerhoff un op dat Heimathusgelände mit twölf Fachwarkgebäuden, watt de Heimatvereen oppboot hett un föhrn deit mit Blaudruckeree, Kunstgewerbehus, Weberee, Smeed un Duerutstellungen to Dracht, Flucht und Vertreibung un noch veel miehr. Jeed Johr an'n iersten Mai to'n Museumsdag war oolt Handwark wiest. Liehrn künnt de Lüd seit 1978 dat Weben, wo dree Kurse dat Johr över loopen doot.

Aver ok op dat Rebeet vun modernere Musik hett Scheeßl wieldes al Traditschoon: Op’n Ekenring in Scheeßl hebbt 1973 un 1977 grote Open-Air-Festivals stattfunnen, wo beropen Musikers un Gruppen togang weern as Chicago, Chuck Berry oder Golden Earring. Siet End vun de 1990er Johren is Scheeßl nu mit Spood wedder Heimat vun en groot Open-Air-Festival: 1997 weer to’n eersten mol dat Hurricane Festival utricht, dat sietdem jedet Johr wedder op’n Ekenring in’n Juni stattfinnt. 2005 hebbt ruchweg 60.000 Lüüd dat Festival besocht.

De Scheeßler Meyerhoff.

Regelmatig Veranstalten[ännern | Bornkood ännern]

  • Hurricane Festival (siet 1997; jedet Johr)
  • Internatschonal Beeke-Drachtenfest (siet 1975; all twee Johren)
  • Internatschonal Drachtendrapen (Siet 1986 all twee Johren)
  • Bobbycarrennen Scheeßl (siet 2006; jedet Johr)
  • Museumsfest an’n 1. Mai mit oolt Handwark un Drachtendänz

Bowarken[ännern | Bornkood ännern]

  • St.-Lucas-Kark in’n Buernbarock-Stil ut dat Johr 1757 mit de ruchweg 600 Jahre olle Gerichtslinnen.
  • Amtsvogtei in’n Hasspark
  • Heimatmuseum
  • Meyerhoff
  • Scheeßeler Möhl

Weertschap[ännern | Bornkood ännern]

In Scheeßl un de ömliggend Oortschoppen hebbt sik veele lütte un vör allen middelstännsch Ünnernehmen anfunnen, wiel de Oort vun’n Verkehr her günstig twüschen de Hamborg , Bremen un Hannober liggen deit.

Verkehr[ännern | Bornkood ännern]

Oortsdörfohrt Scheeßl (B 75).

Scheeßl is vun’n Verkehr goot na buten anbunnen. Dör de Gemeen verlöpt de B 75, de Hamborg un Bremen verbinnt. Över de L 130 is man ok gau in Sittens, wo de nöögste Ansluss an de Autobahn A 1 is. Dat liggt ungefäähr 15 km wiet weg.

De Gemeen liggt butendem ok mit en egen Bahnhoff an de Iesenbahnstreck de Hamborg mit dat Ruhrrebeet verbinnt. Dör disse günstig Anbinnen is man mit’n Auto in en knappe Stünn in Hamborg, Bremen oder Hannober un in twee Stünnen ok al in de Urlaubsrebeten an de Noord- un Oostsee oder in’n Harz.

Rodenborg (Wümm) hett en Regionalflaaghaven. De neegsten groten internatschonalen Flaaghavens sünd in Hamborg, Bremen un Hannober-Langenhagen.

Beropen Lüüd[ännern | Bornkood ännern]

Söhn un Döchter ut de Gemeen[ännern | Bornkood ännern]

Annere Lüüd, de wat mit Scheeßl to kriegen harrn[ännern | Bornkood ännern]

  • Paul Carell (1911-1997), Schriever, de na sien Freelaten ut Gefängnis (he harr as SS-Böverstormbannföhrer en hoog Presseposten in’t Butenwärtig Amt), in Scheeßl leevt hett.
  • Egon Müller, Sandbahnrennfohrer ut Kiel, de op’n Ekenring 1974 to’n eersten mol Weltmeester worrn is.

Literatur[ännern | Bornkood ännern]

  • Hinrich Meyer: Geschichte des Kirchspiels Scheessel. 1955

Bornen[ännern | Bornkood ännern]

  1. Leserbreef vun Dr. Wolfgang Dörfler: 1.200 Jahre Scheeßel? Mit Sicherheit nicht! 4. August 2005 in de Rotenburger Rundschau