Elsdörp (Landkreis Rodenborg)

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Elsdörp
Elsdörp
Laag vun Elsdörp in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Zeven
Flach: 49,01 km²
Inwahners: 2.081 (31. Dezember 2006)
Inwahnerdicht: 42,5 Inwahners pro km²
Hööchd: 19 m över de See
Postleettall: 27404
Vörwahl: 04281, 04282, 04286
Geograafsche Laag:
Koordinaten:53° 15′ N, 9° 21′ O
53° 15′ N, 9° 21′ O
Gemeenslötel: 03 3 57 013
Öörd in de Gemeen: 10
Börgermeester: Heinrich Willenbrock (CDU)
Websteed: www.elsdorf-net.de/
Bremen Hamburg Sleswig-Holsteen Landkreis Cuxhoben Landkreis Deefholt Landkreis Horborg Landkreis Oosterholt Landkreis Stood Landkreis Heidkreis Landkreis Veern Ahusen Alfst Annerlingen Basdaal Rodenborg (Wümm) Bötersen Bothel Breddörp Bremervöör Brookel Büls Deins Eversdörp Elsdörp (Landkreis Rodenborg) Farm (Landkreis Rodenborg) Fintel Gnarrenborg Groot Meckels Jeem Hamersen Homersen Hassendörp Heeßel (Zeven) Hellweeg Helsch Heemsbünnen Hemslingen Hepst Hipst Horß Horß Kalf (Neddersassen) Karktimk Karkwals Lütt Meckels Lauenbrüch Sittens Lengenbossel Örel Oostereis Reeßen Rhaar Rodenborg (Wümm) Sandbossel Scheeßel Seedörp (Neddersassen) Sürsen Sittens Sittens Söttmer Stemmen (Neddersassen) Tarms Tiss Tiss Vahl Vahl Vierden Visselhöövd Vörwark (Neddersassen) Westertimk Westerwals Wilst Woonst Zeven
Laag von de Gemeen Elsdörp (Landkreis Rodenborg) in’n Landkreis Rodenborg (Koort lett sik anklicken)

Elsdörp is en Oord un Gemeen in de Samtgemeen Zeven in’n Landkreis Rodenborg (Wümm) mit ungefäähr 2100 Inwahners. Neven Elsdörp sülvst höört wietere negen Oordsdelen to de Gemeen.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

Elsdörp weer 1130 to’n eersten mol in en Oorkunnen as Ellestorp nöömt, later in de Historie weer dorut Elletorp. Üm de Tiet rüm weer Elsdörp Landbesitt vun de Graafsche Ida vun Elsdörp, de en Dochter vun’n Palzgraafen Otto vun Swaben un Broderdeern vun’n Konrad III. Op de fröhere Borg wiest vundaag blots noch de Naam vun en Oortslaag hen, wo de Borgwall noch to finnen is.

Politik[ännern | Bornkood ännern]

Oortsdelen[ännern | Bornkood ännern]

Gemeenraat[ännern | Bornkood ännern]

De Gemeenraat vun Elsdörp sett sik mit den Börgermeester ut 13 Lüüd tohopen. De letzte Kommunalwahl weer in’n September 2011

Partei 2011 2006
CDU 7 8
SPD 3 3
WFB 3 2

Wapen[ännern | Bornkood ännern]

Dat Wapen vun Elsdörp is deelt un baven splitten. Baven links wiest dat Wapen op blauen Grund en sülvernen Ridder mit en roden Schild, dat wedder en sülvern Krüüüz wiest. Op de rechten Siet is en root Krüüz övern en roden Pokal op goldenen Grund to sehn. De ünnere Deel stellt en Borgmuer mit en sülvern Dörgang dor

Weertschap un Infrastruktur[ännern | Bornkood ännern]

Verkehr[ännern | Bornkood ännern]

Dör Elsdörp löpt de A 1. In’t Johr 2012 is na lange Botiet de Anslusssteed Elsdörp fardigstellt worrn. Dorför geev dat dor al en Nootaffohrt na de L 131, de vun Bofohrtüüch un Nootfallwagens bruukt warrn künn. Dat Deelstück twüschen Sittens un Bokel weer mit mehr as 20 km neemlich düchtig lang wesen. De L 131 föhrt in’n Noordwesten na Zeven un in’n Süüden an de B 71, de wieter na Rodenborg (Wümm) geiht. Över de K 126 kummt man na Süüdwesten wieter na Jeem. Na Noordoosten rut, föhrt de K 126 över Rüspel un Volkens an de L 142, de Sittens mit Zeven verbinnt. An de L 142 över Weertzen föhrt ok de K 130, de bi Volkens aftwiegt un de K 132, de in Rüspel anfangt.

Bedrieven[ännern | Bornkood ännern]

Över de Gemeen rut sünd twee Bedrieven ut Elsdörp bekannt. Dat een is de Elsdörper Fienkost AG un dat annere de Heidbloom Molkeree Elsdörp-Rodenborg e.G..

Kultur un Inrichten[ännern | Bornkood ännern]

Bowark[ännern | Bornkood ännern]

In’n 11. Johrhunnert weer in Elsdörp de Allerhilligenkark betüücht, de villicht ut en fröhere Dööpkark entstahn is. 1797/98 is de hüütige Bo entstahn, de ut Findlingen boot is. De Karkengemeen is evangeelsch-lutherisch.

Bildung[ännern | Bornkood ännern]

Esldörp hett en egen Grundschool un en Kinnergoorn.

Websteden[ännern | Bornkood ännern]

Commons-logo.svg Elsdörp. Mehr Biller, Videos oder Audiodateien to’t Thema gifft dat bi Wikimedia Commons.