Annerlingen
| Wapen/Flagg | Koort | |
|---|---|---|
 |
|
|
| Basisdaten | ||
| Flach: | 35,67 km² | |
| Inwahners: | 910 (31. Dezember 2008) | |
| Inwahnerdicht: | 25,5 Inwahners pro km² | |
| Hööchd: | 18 m över de See | |
| Postleettall: | 27446 | |
| Vörwahl: | 04284 | |
| Geograafsche Laag: | Koordinaten:53° 22′ N, 9° 18′ O53° 22′ N, 9° 18′ O |
|
| Gemeenslötel: | 03 3 57 003 | |
| Öörd in de Gemeen: | 5 | |
| Börgermeester: | Irene Barth | |
| Websteed: | www.anderlingen.de | |
  |
||
Annerlingen is en Oort un Gemeen in de Samtgemeen Sürsen in’n Landkreis Rodenborg (Wümm). In de Gemeen leeft ruchweg 910 Lüüd. Blangen den Hööftoort gifft dat wietere veer Oortsdelen in de Gemeen.
Inholtsverteken |
Geografie [ännern]
Annerlingen liggt in Oosten vun de Samtgemeen Sürsen un ok vun’n Landkreis Rodenborg (Wümm). De Gemeen Sürsen grenzt in’n Westen an Annerlingen, in’n Noordwesten liggt Deinst u na Noorden to slutt sik de Gemeen Farm an. In’n Süüdoosten un Süüden liggt de Gemeen Heeßel, de to de Samtgemeen Zeven höört. Un na Oosten hen, liggt de Grenz to’n Landkreis Stood mit sien beiden Gemeen Brest un Ohlers, de to de Samtgemeen Harsfeld höört.
De Landschop vun de Annerlinger Feldmark is prägt vun Wischen un Weiden mit en poor lütte Woolden un Moorflachen, de nich kultiveert worrn sünd. Dör de Gemeen verlöpt de ruchweg 16 km lange Twiest, de in de 1960er Johren begraadigt worrn is un in de Oost inmünnt. Ehrn Born hett de Twiest in de Feldmark vun Winnerswoold.
Geologie [ännern]
En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.
Historie [ännern]
Annerlingen is to’n eersten mol in’t 12. Johrhunnert in en Oorkunn nöömt worrn, man en nipp un naue Tiet steiht dor nich mit bi. De Angaav vun Annerlingen weer in’n Tosamenhang mit de Schenken vun’n Teihnt an’t Veerner Doomkapital, de hoge Doomgastlichkeit, dör den Bischop Hermann vun Veern († 1167).[1] De Schenken is överlevert in en – in de Twüschentiet verloorn gahn – Dodenlist vun’t 13. Johrhunnert, ut de de wohrschinelich 1332 verfaate Veerner Bischopschronik dat ruthett. De Schornik nöömt den Oort in en sünnerliche Form as Thunderlinge.[2]
In de Feldmark vun Annerlingen is en vörhistoorsch Steenkissengraff funnen worrn, de Steenkist von Annerlingen. De Steenkist is bekannt för de Dorstellen vun dree minschliche Figuren op den Afslusssteen na Süüden hen. Dat Graff is afboet un in’n Maschpark in Hannober wedder opstellt worrn.
Religion [ännern]
Annerlingen is evangeelsch präägt.
För de Kathoolschen is de St.-Michaelskark in Bremervöör tostännig.
Wapen [ännern]
Dat Wapen wiest op roden Grund op en grönen Schildfoot den Bildsteen ut de Steenkist von Annerlingen in sülver mit de dree Figuren dor op in swart.
Politik [ännern]
Oortsdelen [ännern]
De Gemeen Annerlingen is ut fief Oortsdelen tosamensett:
- Annerlingen
- Fehrnbrook
- Grafel
- Ohrel
- Winnerswoold
Gemeenraat [ännern]
De Gemeenraat vun Annerlingen besteiht ut negen Lüüd, de all to de glieken Partei höört. Siet de letzten Kommunalwahl in’n September 2011 sett de sik as folgt tohopen:
| Partei | 2011 | 2006 |
| WG Annerlingen | 9 | 9 |
Börgermeisters [ännern]
- -2009: Reinhard Lütje Burfeindt (WG Annerlingen)
- 2009-: Irene Barth
Verkehr [ännern]
Annerlingen nimmt in’n Landkreis en Randlaag in un warrt dorüm blots vun twee Kreisstraten bedeent. Dat een is de K 109, de in’n Westen na Sürsen föhrt, woneem se in de B 71 münnt. in Annerlingen böögt se na Noorden un verbinnt den Oortsdeel mit Grafel un Fehrnbrook un föhrt den wieter na Farm. De annere is de K 110, de vun Süüden, vun Heeßel, her över Sassenholt na Annerlingen bit na Ohrel föhrt un. Dor geiht se in de K 118 över, de wieter na Noorden in de Gemeen Mals verlööpt.
Kultur [ännern]
Dat kulturelle Leven in Annerlingen warrt dör de Dörpskultur ünnerenanner prägt. De Freetiet warrt faken in Verenen verbröcht. So gifft dat to’n Een de Verenen, de in vele Gemenen begäng sünd, as den Schüttenvereen Annerlingen oder den SV Annerlingen för den Bredensport, de Landjugend Annerlingen un de Dörpsgemeenschop Fehrnbrook. Wieter gifft dat de Square-Dance-Grupp Stone-Dancers in Annerlingen, den Kulturvereen Annerlingen e.V. un dat URLA Zentrum e.V., dat dorbi is, in Ohrel en pädagoogsch Museum op de Been to stellen.
Borns [ännern]
- ↑ na: Friedrich Wichmann, Untersuchungen zur älteren Geschichte des Bistums Verden, in: Zeitschrift des historischen Vereins für Niedersachsen, Johrg. 1904, 1905
- ↑ Rainer Brandt: Anderlingen – ein Dorf mit langer Geschichte.1995
Weblenken [ännern]
Ahusen | Alfst | Annerlingen | Basdaal | Bootel | Bötersen | Breddörp | Bremervöör | Brookel | Büls | Deins | Eversdörp | Elsdörp | Farm | Fintel | Gnarrenborg | Groot Meckels | Hassendörp | Heemsbünnen | Heeßel | Hellweeg | Helsch | Hemslingen | Hepst | Hipst | Homersen | Horß | Jeem | Kalf | Karktimk | Karkwals | Lauenbrüch | Lengenbossel | Lütt Meckels | Oerel | Oostereis | Reeßen | Rhaar | Rodenborg (Wümm) | Sandbossel | Scheeßl | Seedörp | Sittens | Söttmer | Stemmen | Sürsen | Tarms | Tiss | Vahl | Vierden | Visselhöövd | Vörwark | Westertimk | Westerwals | Wilst | Woonst | Zeven
