Sürsen
| Wapen/Flagg | Koort | |
|---|---|---|
 |
|
|
| Basisdaten | ||
| Flach: | 41,9 km² | |
| Inwahners: | 3.431 (31. Dezember 2007) | |
| Inwahnerdicht: | 81,9 Inwahners pro km² | |
| Hööchd: | 27 m över de See | |
| Postleettall: | 27446 | |
| Vörwahl: | 04284 | |
| Geograafsche Laag: | Koordinaten:53° 22′ N, 9° 13′ O53° 22′ N, 9° 13′ O |
|
| Gemeenslötel: | 03 3 57 043 | |
| Öörd in de Gemeen: | 6 | |
| Börgermeester: | Reinhard Aufdemkamp (CDU) | |
| Websteed: | www.selsingen.de/selsingen.php | |
Sürsen is en Oort un Gemeen in de Samtgemeen Sürsen in’n Landkreis Rodenborg (Wümm). In de Gemeen leeft ruchweg 3400 Lüüd. In Sürsen liggt ok de Sitt vun de Samtgemeenverwalten.
Inholtsverteken |
[ännern] Geografie
De Gemeen Sürsen liggt in de Mitt vun de Samtgemeen Sürsen ümgeven vun de Gemenen Deins, Annerlingen, Seedörp, Oostereis un Sandbossel. In’n Westen grenzt ok noch en ganz lütt Stück vun de Eenheitsgemeen Gnarrenborg an.
[ännern] Geologie
En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.
[ännern] Historie
Sürsen weer al in fröhe Tiet en Oort vun grode Bedüden as Karkenbörd, Adelssitt un Gerichtssteed an’n ollen Heer- un Postweg, wat vundaag de B 71 is. To’n eersten mol nöömt weer Sürsen 1219. To de Tiet harr hier en Deenstadelsgeslecht, dat en „vun Selsingen“ föhr, sien Stammborg. De is wohrschienlich üm 1400 vun’n Landsherrn tonichten maakt worrn. De Grund dorför is aver nich bekannt. Dör de dichte Besiedeln vun negen Höff üm de Kark in de Mitt vun’n Oort is Sürsen in’t 17. Johrhunnert glieks dreemol bit op wenige Hüüs daalbrennt. Blots de Kark hett dorbi keen Schaden nahmen.
[ännern] Religion
Sürsen is evangeelsch präägt un billt mit de St.-Lamberti-Kark en egen Kaspel.
För de Kathoolschen is de St.-Michaelskark in Bremervöör tostännig.
[ännern] Politik
[ännern] Oortsdelen
De Gemeen Sürsen is ut söss Oortsdelen tosamensett:
- Eitz
- Grans
- Haßel
- Laamst
- Parnwinkel
- Sürsen
[ännern] Gemeenraat
De Gemeenraat vun Sürsen besteiht ut föffteihn Lüüd. Siet de letzten Kommunalwahl in’n September 2011 sett de sik as folgt tohopen:
| Partei | 2011 | 2006 |
| CDU | 10 | 11 |
| SPD | 5 | 4 |
[ännern] Börgermeister
De Börgermeister vun de Gemeen Sürsen is Reinhard Aufdemkamp. Sien beiden Vizen sünd Hinrich Hudaff un Bernd Schleeßelmann. All dree höört to de CDU.
[ännern] Wapen
Dat Wapen wiest en rode Pyramid op sülvern Grund, de överdeckt warrt vun en schraag krüüzte Swert mit en golden Greep un en golden Staff. De Pyramid weer Deel vun’t Wapen vun de Ridders vun Sürsen. De Staff is en Teken för’n Vogt, vun wegen dat de Vogtei vun Sürsen de gröttste vun’t Arzbisdom Bremen weer. Dat Swert is en Utteken wesen, de Heyenricus de Selsinge för sien Verdeensten in’n Kamp gegen de Heiden kregen harr.
[ännern] Städerpaatschoppen
Siet 1990 hett de Gemeen en Paatschop mit de engelschen Stadt Sawston.
[ännern] Weertschop
In Sürsen sitt mit de Hansa Maschinenbau en vun de föhren europääschen Herstellers vun Karkhoffbaggers un Kommunalfohrtüüch.
[ännern] Verkehr
Sürsen liggt an de Iesenbahnlien Bremervöör-Zeven-Rodenborg (Wümm), de aver hüüt blots noch för den Göderverkehr bruukt warrt.
Dör den Oort Sürsen verlöpt de B 71, de na Noorden hen dör Parnwinkel löpt un bit na Bremervöör föhrt un in’n Süden över Seedörp na Zeven. Vun disse Bundsstraat twiegt in Sürsen mehrere Kreisstraten af: De K 101 verlöpt vun Sürsen ut na Westen bit na Sandbossel. Na Süüdwesten twiegt de K 119 af, de över Grans na Rocks föhrt. De K 109, opletzt, verlöpt na Oosten un verbinnt Sürsen mit Haaßel un Annerlingen.
[ännern] Literatur
Michael Ehrhardt: Die Börde Selsingen – Herrschaft und Leben in einem Landbezirk auf der Stader Geest im Mittelalter und in der Frühen Neuzeit. 564 S., Landschopsverband Stood, Stood 1999, ISBN 3-931879-04-6.
Ahusen | Alfst | Annerlingen | Basdaal | Bootel | Bötersen | Breddörp | Bremervöör | Brookel | Büls | Deins | Eversdörp | Elsdörp | Farm | Fintel | Gnarrenborg | Groot Meckels | Hassendörp | Heemsbünnen | Heeßel | Hellweeg | Helsch | Hemslingen | Hepst | Hipst | Homersen | Horß | Jeem | Kalf | Karktimk | Karkwals | Lauenbrüch | Lengenbossel | Lütt Meckels | Oerel | Oostereis | Reeßen | Rhaar | Rodenborg (Wümm) | Sandbossel | Scheeßl | Seedörp | Sittens | Söttmer | Stemmen | Sürsen | Tarms | Tiss | Vahlde | Vierden | Visselhöövd | Vörwark | Westertimk | Westerwals | Wilst | Woonst | Zeven
