Oostereis

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Oostereis
Oostereis
Laag vun Oostereis in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Sürsen
Flach: 28,5 km²
Inwahners: 974 (31. Dezember 2006)
Inwahnerdicht: 34,2 Inwahners pro km²
Hööchd: 29 m över de See
Postleettall: 27404
Vörwahl: 04285
Geograafsche Laag:
Koordinaten:53° 18′ N, 9° 10′ O
53° 18′ N, 9° 10′ O
Gemeenslötel: 03 3 57 036
Öörd in de Gemeen: 2
Börgermeester: Rudolf Kahrs (WG-R)
Websteed: www.selsingen.de/ostereistedt.php
Bremen Hamburg Sleswig-Holsteen Landkreis Cuxhoben Landkreis Deefholt Landkreis Horborg Landkreis Oosterholt Landkreis Stood Landkreis Heidkreis Landkreis Veern Ahusen Alfst Annerlingen Basdaal Rodenborg (Wümm) Bötersen Bothel Breddörp Bremervöör Brookel Büls Deins Eversdörp Elsdörp (Landkreis Rodenborg) Farm (Landkreis Rodenborg) Fintel Gnarrenborg Groot Meckels Jeem Homersen Homersen Hassendörp Heeßel (Zeven) Hellweeg Helsch Heemsbünnen Hemslingen Hepst Hipst Horß Horß Kalf (Neddersassen) Karktimk Karkwals Lütt Meckels Lauenbrüch Sittens Lengenbossel Örel Oostereis Reeßen Rhaar Rodenborg (Wümm) Sandbossel Scheeßel Seedörp (Neddersassen) Sürsen Sittens Sittens Söttmer Stemmen (Neddersassen) Tarms Tiss Tiss Vahl Vahl Vierden Visselhöövd Vörwark (Neddersassen) Westertimk Westerwals Wilst Woonst Zeven
Laag von de Gemeen Oostereis in’n Landkreis Rodenborg (Koort lett sik anklicken)

Oostereis is en Oort un Gemeen in de Samtgemeen Sürsen in’n Landkreis Rodenborg (Wümm) mit ruchweg 970 Inwahners. To de Gemeen höört ok de Oortsdeel Rocks.

Geografie[ännern | Bornkood ännern]

Oostereis liggt süüdwestlich in de Samtgemeen Sürsen twüschen de Gemenen Rhaar in’n Westen un Sürsen un Seedörp in’n Oosten. In’n Noorden is en lütt Stück Grenz na de Eenheitsgemeen Gnarrenborg to, jüst as in’n Süüden na Karktimk in de Samtgemeen Tarms. En längere Grenz gifft dat in’n Süüden na de Gemeen Zeven.

De Landschap vun Oostereis is landweertschopplich prägt mit Ackerland un Wischen. De Gemeen liggt nipp un nau op de Waterscheed twüschen Werser un Elv: Wiel dat Water in’n nöördlichen Deel över Tolööp in de Hamm un dormit wieter in de Werser ströömt, warrt dat in’n Süüden över de Baad un de Oost in de Elv inspiest.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

Den Naam Oostereis hett Peter Frankenfeld 1967 in de Feernsehsennen „Vergißmeinnicht“ raten laten un wies as Henwiesen luter namaakte grote Oostereier. Dordör is de Oort enigermaten bekannt worrn – sogor bit na Kanada, woneem in en düütschspraakig Daagblatt doröver schreven weer – un ok vundaag noch, schrievt Kinner ut ganz Düütschland to Oostern an den Oosterhaas in Oostereis.[1] In Wohrheit hett de Naam nix mit den Oosterbruuk to doon, man, woneem de nu herkummt, dat is nich nipp un nau wiss. Vermoodt warrt aver, dat de Naam op de Ekenbööm hendüüt, de dat dor gifft un dormit vun „Eykensteed“ afleidt is.

De Naam vun de Oortsdeel Rocks kann ok op verscheden Oort düüt warrn. Een Mööglichkeit sütt en Verbinnen vun de Naam na den Raav (vun Rook „Kolkraav“), wat op en Kolkraven- oder Wodansravendörp hendüüt. De Naam künn aver ok vun de Koornsort Roggen afkamen. De Oort is 1153 to’n eersten mol in en Oorkunn nöömt as Rocstede. De beiden Oortsdelen weern fröher egenstännige Gemenen, de 1974 in’n Rahmen vun de Rebeetsreform tosamenleggt un to de Samtgemeen Sürsen torekent worrn sünd.

Politik[ännern | Bornkood ännern]

Gemeenraat[ännern | Bornkood ännern]

De Gemeenraat vun Oostereis hett negen Liddmaten. Siet de Kommunalwahl 2011 sett de sik as folgt tosamen:

Partei 2011 2006
WG-R 3 5
WG-O 6 6

Börgermeester[ännern | Bornkood ännern]

Börgermeester vun de Gemeen is Rudolf Kahrs vun de WG Rocks, sien eerste Viez is Hermann Peper, de tweete Viez is Ulrike Ringen, bei vun de WG Oostereis.

Wapen[ännern | Bornkood ännern]

Dat Wapen hett en golden Grund, de vun en grönen schraaglinken Bülgenbalken deelt warrt. De Balken steiht för de Oost. In’t bövere Feld is en swarten Raav to sehn, de för den Oortsdeel Rocks steiht. In dat ünnere Feld is en Kranz vun Ekenloov to sehn, de as Teken för den Oortsdeel Oostereis steiht.

Kultur[ännern | Bornkood ännern]

In de Gemeen Oostereis steiht dat öllste bekannte Buernhuus vun’n Landkreis Rodenborg (Wümm). Dat Eckes Huus is 1564 boot worrn un is dat enzige noch bewahrte Rookhuus in’n Landkreis. Delen vun’t Dack weern al mol instört un dat Huus stünn kort vör’t Afrieten, is aver vun de Intressengemeenschop Buernhuus (IGB) in johrlange opwännige Arbeit neemaakt worrn – wobi mööglichst veel vun de oorsprüngliche Bosubstanz sekert weer.

Verkehr[ännern | Bornkood ännern]

Dör Oostereis löpt de L 122, de Gnarrenborg mit Zeven verbinnt, woneem se an de B 71 ranföhrt. Gröttere Straten gaht nich dör dat Gemeenrebeet, aver noch en poor Kreisstraten: De K 137 verbinnt Rocks mit Oostereis un geiht na Süüden wieter na Badens. Vun Rocks gifft en mit de K 143 en direkt Verbinnen na Zeven un de K 119 löpt vun Rhaar över Rocks wieter na Sürsen.

Borns[ännern | Bornkood ännern]

  1. http://www.selsingen.de/dorfgeschichte.php