Vierden

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Vierden
Vierden
Laag vun Vierden in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Sittens
Flach: 21,30 km²
Inwahners: 819 (31. Dezember 2006)
Inwahnerdicht: 38,5 Inwahners pro km²
Hööchd: 34 m över de See
Postleettall: 27419
Vörwahl: 04169, 04282
Geograafsche Laag:
Koordinaten:53° 20′ N, 9° 31′ O
53° 20′ N, 9° 31′ O
Gemeenslötel: 03 3 57 050
Öörd in de Gemeen: 5
Börgermeester: Harald Schmittchen (CDU)
Websteed: www.vierden.de
Bremen Hamburg Sleswig-Holsteen Landkreis Cuxhoben Landkreis Deefholt Landkreis Horborg Landkreis Oosterholt Landkreis Stood Landkreis Heidkreis Landkreis Veern Ahusen Alfst Annerlingen Basdaal Rodenborg (Wümm) Bötersen Bothel Breddörp Bremervöör Brookel Büls Deins Eversdörp Elsdörp (Landkreis Rodenborg) Farm (Landkreis Rodenborg) Fintel Gnarrenborg Groot Meckels Jeem Hamersen Homersen Hassendörp Heeßel (Zeven) Hellweeg Helsch Heemsbünnen Hemslingen Hepst Hipst Horß Horß Kalf (Neddersassen) Karktimk Karkwals Lütt Meckels Lauenbrüch Sittens Lengenbossel Örel Oostereis Reeßen Rhaar Rodenborg (Wümm) Sandbossel Scheeßel Seedörp (Neddersassen) Sürsen Sittens Sittens Söttmer Stemmen (Neddersassen) Tarms Tiss Tiss Vahl Vahl Vierden Visselhöövd Vörwark (Neddersassen) Westertimk Westerwals Wilst Woonst Zeven
Laag von de Gemeen Vierden in’n Landkreis Rodenborg (Koort lett sik anklicken)

Vierden is en Gemeen in’n Landkreis Rodenborg (Wümm). Neven den Hööftoort Vierden höört to de Gemeen veer wietere Oortsdelen.

Geografie[ännern | Bornkood ännern]

Vierden vun Oosten ut sehn.

Vierden maakt en teemlich wietlöpigen Indruck, dordör dat de Oortsdeelen to’n Deel wiet uteneen leegt un wiete Feldmarken dörtwüschen leegt. Dat Gemeenrebeet endt in’n Noorden an’t Woonster Möhlenmoor un in’n Oosten an’n Thörenwoold.

Vun de Landschap her tellt de Gemeen Vierden to de Harsfelder Geest, de prägt is vun de sandigen un lehmigen Aflagern vun de letzten Iestiet (Schuuvmergel). Dör dat Rebeet lööpt de Ramm, en lütten Beek, de bi Sittens in de Oost münnt.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

De Gemeen Vierden is entstahn, as de beiden Öörd Ippens, mit all de tohöörenden Deelen, un Vierden mit Ramshuus to een Gemeen tohopenleggt weer. Ippens künn woll de öllere vun de beiden Öörd wesen, aver dat is nich nipp un nau klor. Man Ippens weer dat eerste mol 1335 in en Oorkunnen vertekent vun dat Klooster in Buxdhuud.

Politik[ännern | Bornkood ännern]

Oortsdelen[ännern | Bornkood ännern]

De Gemeen besteiht ut fief Oortsdelen, de sik över en gröttere Flach verdeelt:

Gemeenraat[ännern | Bornkood ännern]

Siet de Kommunalwahl 2011 sett sik de Gemeenraat as folgt tosamen:

Partei 2011 2006 2001
CDU 4 5 6
SPD 3 3 2
Bündnis 90/De Grönen 1
WFB 1 1 1

Wapen[ännern | Bornkood ännern]

Dat Wapen vun de Gemeen Vierden wiest de Borg vun de Gemeen.

Kultur[ännern | Bornkood ännern]

De Ramm in de Feldmark bi Nüddel.

Kulturell sünd de Öörd Ippens un Vierden bannig dör de Landweertschap prägt. De Oortskarn vun Ippens warrt bestimmt dör olle Fachwarkhüüs, de över de Johren ersaturiert un wedder torecht maakt worrn sünd un sik vundaag jümmer noch in jemehr anfänglichen Utsehn dorstellen doot. De Hööftstraat waart süümt vun düchtig olle Ekenbööm. In Ippens gifft dat en Riederhoff, op den ok Ieslandpeerd tücht warrt.

In Vierden hebbt sik mit de Johren veele Inwahners ut Hamborg oder Bremen daallaten, de den Vördeel vun dat ruhig Leven op’n Land vör sik opdeckt hebbt. De Gegend is nich touristisch opslaten, man laadt liekers aver to’n Wannern oder to’n Radföhren in.

För dat kulturelle Dörpsleven sorgt de freewillige Füerwehr, de Dörpsjöögd un ok en Sportvereen.

Sport[ännern | Bornkood ännern]

In de Gemeen gifft dat den SV Ippens, de an’n 27. März 1961 grünnt worrn is. De eersten Anfäng gaht op de 1920er Johren torüch, as man al so’n beten Football bolzt hett man wieldat so wenig Spelers tohopenkeemen, is dat wedder inslapen. En poor Johr later leev dat wedder op, man dör de politischen Ümstännen hett dat nich lang duert, bit de Vereen wedder oplööst weer. Un in’n Tweeten Weltkrieg geev dat sowieso keen Vereensleven.

Vundaag hett de SV Ippens ruchweg 220 aktive un passive Liddmaten, de in verscheedene Speelklassen Football spelen doot.

Verkehr[ännern | Bornkood ännern]

De Gemeen Vierden warrt in’n Oosten vun de L 130 flankeert, de na Sittens löpt un dor Ansluss an de A 1 hett. Butendem gifft dat op’n Rebeet vun de Gemeen noch ein poor lütte Kreisstraten. De K 134 geiht vun de L 130 af und föhrt över Vierden na Ippens un denn wieter över Lütt-Ippens in Richten na Zeven. De K 139 geiht bi Lengenbossel ok vun de L 130 af un geiht över Nüddel un Ippens-Süüd an Groot-Ippens vörbi un föhrt denn wieter na de Gemeen Ohlers in’n Landkreis Stood. Un denn gifft dat noch de K 123, de Ippens mit Lütt Meckels verbinnen deit un wieter na Groot Meckels löpt.

Literatur[ännern | Bornkood ännern]

  • Hartmut Vollmer: Gemeinde Vierden. Aus der Geschichte der beiden Dörfer Vierden und Ippensen., Chronik (hoochdüütsch)