Börgermeester

Vun Wikipedia
Wesseln na: Navigatschoon, Söök

En Börgermeester is de Baas von en Gemeen oder Stadt. He warrt je no Land direkt vun de Börger oder vun den Stadtraat/Gemeenderaat wählt.

In grötere Städer gifft dat en Reeg Börgermeester, de denn en’n Oberbörgermeester hebbt un mehrst för besünnere Opgoven indeelt sünd. De Oort vun de Wahl is je no Bundsland verscheeden un in de egene Gemeendeordnung regelt.

Opgoven[ännern | Bornkood ännern]

De (hööftamtliche) Börgermeester is:

  • de Vorsitter von den Raat un Baas von de Oortsverwalten
    in Sleswig-Holstein blots Baas von de Oortsverwalten, in Neddersassen kann he Vorsitter vun den Raat ween, mehrstens warrt dor ober en Liddmaat von den Raat wählt.
  • verantwoortlich för dat Torechtmaken un Ümsetten von de Besluuten
  • de gesettliche Vertreder vun de Gemeen
  • de Baas vun de Mitarbeider in de Gemeen
  • verantwoortlich för dat richtige Kloorkriegen von de Wiesungsopgoven

Neddersassen[ännern | Bornkood ännern]

In Neddersassen is de Börgermeester oder de Samtgemeendebörgermeester jümmers hööftamtlich direkt för acht Johr wählt. De Liddmaten von den Raat warrt op fiev Johr wählt. Dorüm sünd de Wahlen för Börgermeester und för den Raat meisttieds to verschiedene Tieden. In kreisfree’e Städer und in ene Grote Sülvsstännige Stadt hett he den Titel Oberbörgermeester. In Städer mit mehr as 100.000 Inwohners warrt de Börgermeester bi Repäsentatschonen dör ehrenamtliche Börgermeester ünnerstütt. Disse ehrenamtliche Börgermeester warrt von den Raat ut jümher egen Reegen wählt.

Sleswig-Holsteen[ännern | Bornkood ännern]

De Börgermeester vun Lübeck is to verglieken mit en Oberbörgermeester, in annere sleswig-holstensche Städer gifft dat dissen Titel ok, in Lübeck warrt he wegen de Historie jümmers blots noch "Börgermeester" neumt. Dat is ok so bi den "Börgermesster" von de mekelnborgsche kreisfree’e Stadt Wismer.

Rhienland-Palz[ännern | Bornkood ännern]

In Rhienland-Palz gifft dat Oorstgemeenden un Verbandsgemeenden. Bi ene Oortsgemeende gifft dat enen ehrenamtlichen Oortsbörgermeester, bi ene Stadtgemeende gifft dat enen ehrenamtlichen Stadtbörgermeester. En Reeg Oortsgemeenden sünd en Verbandsgemeende mit den hööftamtlichen Börgermeester. Verbandsfree’e Gemeenden, de to en Kreis tohürt sünd mehrstens Städer. Dor gifft dat ok den hööftamtlichen Börgermeester (nicht Stadtbörgermeester). De Börgermeester von ene kreisfree’e Stadt heet Oberbörgermeester.

Baden-Württemberg[ännern | Bornkood ännern]

In Baden-Württemberg warrt de hööftamtliche Börgermeester vun de Inwohners vun de Stadt oder de Gemeen op acht Johr wählt. In Gemeenden bit to 2000 Inwohners is de Börgermeester ehrenamtlich wählt. Bi ene Stadt mit mehr as 20.000 Inwohners heet he Oberbörgermeester, de Gemeenderaat in so ene Grote Kreisstadt wählt en Reeg Bigeordnete, de denn den Titel Börgermeester hebbt.

Bayern[ännern | Bornkood ännern]

In Bayern warrt de Börgermeester vun de Inwohners vun de Stadt oder de Gemeen op söss Johr direkt wählt. In kreisfree’e Städer oder Gemeenden un in ene Grote Kreisstadt hett he den Titel Oberbörgermeester. Hier -und in Gemeende mit mehr as 5.000 Inwohners- is he Beamter op Tied. In Gemeenden mit weniger as 5.000 Inwohners is de Börgermeestertitel en Ehrenamt. De Gemenderaat kann ober vorher besluten, dat dat een Beamter warrn schall.

Stadtstaaten[ännern | Bornkood ännern]

In de Stadtstaaten hett de Regeerende Börgermeester (Berlin), de Eerste Börgermeester (Hamborg) un de Börgermeester un Präsident von den Senat (Bremen) de Funktschon as en Ministerpräsident vun en Bundsland.

Internatschonal[ännern | Bornkood ännern]

Dat gifft in de mehrsten Länners enen Baas de vun de Inwohners wählt warrt. De Titel, de Opgoven und de Wahlverfahren sünd meist teemlich verschieden. Bis hier

Engelsch/Amerikaansch[ännern | Bornkood ännern]

In de engelsch Spraak gifft dat de direkt’t Öbersetten von Börgermeester to "Burgomaster", hüüt’todoogs warrt obers dat Woort "Mayor" brukt. Mayor is mehrst de Vorsitter vun de Gemeenderaats (chief magistrate) un warrt ok indirekt dorvon wählt.