Stemmen (Neddersassen)
| Wapen/Flagg | Koort | |
|---|---|---|
 |
|
|
| Basisdaten | ||
| Flach: | 24,63 km² | |
| Inwahners: | 904 (31. Dezember 2006) | |
| Inwahnerdicht: | 36,7 Inwahners pro km² | |
| Hööchd: | 29 m över de See | |
| Postleettall: | 27389 | |
| Vörwahl: | 04267 | |
| Geograafsche Laag: | Koordinaten:53° 13′ N, 9° 33′ O53° 13′ N, 9° 33′ O |
|
| Gemeenslötel: | 03 3 57 046 | |
| Öörd in de Gemeen: | 5 | |
| Börgermeester: | Reinhard Trau (WG) | |
| Websteed: | www.stemmen.de | |
Stemmen is en Oort un Gemeen in de Samtgemeen Fintel in’n Landkreis Rodenborg (Wümm) mit ruchweg 900 Inwahners. De plattdüütsche Spraak is in Stemmen noch wiet verbreedt. Blangen den Kaarnoort Stemmen hört to de Gemeen noch de Oortsdelen Stemmerfeld, Rode Moor, Nedderveeh un Dreehusen.
Inholtsverteken |
[ännern] Geografie
Stemmen liggt in’n Noordoosten vun de Samtgemeen mit de Navergemenen Helsch in’n Westen un Lauenbrüch na’n Süüden hen. In’n Noorden grenzt Stemmen an de Samtgemeen Sittens mit de Gemenen Tiss un Sittens. De Rest vun’t Rebeet grenzt an den Landkreis Horborg.
De Karnoort Stemmen is en Hopendörp ümgeven vun grote Ekenbööm. In’n Oosten löpt de Stroom Wümm dör de Feldmark vun de Gemeen, de to’n groten Deel ünner Naturschuul steiht un en moje Kulturlandschap mit wiete Moorflachen dorstellt. An’n bekannsten dorvun is woll dat Ekelmoor. An’n süüdlichen Rand liggt de hööchste Punkt vun de Feldmark mit 39 m. Na’n Oosten hen grenzt de Gemeen Stemmen direkt an de Lüünborger Heid an.
[ännern] Geologie
En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.
[ännern] Historie
Dat eerste mol in en Oorkunnen nöömt worrn is Stemmen in’t 8. Johrhunnert. Butdem sünd in dat Rebeet enige archoloogsche Funnen maakt worrn, de dorophendüüt, dat Stemmen en Historie hett, de teemlich wiet torüch recken deit.
[ännern] Politik
[ännern] Gemeenraat
Siet de Kommunalwahl 2011 sett sik de Gemeenraat as folgt tosamen:
| Partei | 2011 | 2006 |
| SPD | 3 | 2 |
| WG | 6 | 7 |
[ännern] Wapen
Dat Wapen vun Stemmen wiest en golden Wapenschild, dat vun en blau Bülgenband schraag vun links baven na rechts ünnen ünnerdeelt warrt. Dat Band steiht för de Wümm, de dör dat Gemeenrebeet fleet. De bövere Hälft wiest fief gröne Eckern as Teken för den Karnoort un de veer wieteren Oortdelen, de de Gemeen billt. De ünnere Hälft wiest en swarten Barkhahn, de bit in de 1960er Johren in de ümliggen Moorrebeden neeselt un dor leevt hebbt.
[ännern] Kultur
Stemmen is bannig ländlich präägt un hett sik dissen Charakter ok bewohrt. De plattdüütsche Spraak warrt pleegt un ok de olen Hoffnaams. In de Gemeen gifft dat en Reeg Wekenennhüüs de to de Naherholen deent. De Gemeen ligt in en schööne Kulturlandschap, de to’n Wannern oder Radföhren inlaadt. In de letzten Johren sünd de dree Schaapställ, de dat in’n Süüden vun de Gemeen noch gifft, dör den Heimatvereen Stemmen wedder restaureert worrn nu stellt en histoorsch Goot dor.
[ännern] Verkehr
De Gemeen Stemmen warrt vun de B 75 dörlopen, de Hamborg un Bremen mitenanner verbinnen deit. In’n Süüden kummt man doröver na Scheeßl, in’n Noorden föhrt de B 75 na Wist in’n Landkreis Horborg. Över de K 212 kummt man na Lauenbrüch un wieter na Snevern. Över Helsch kummt man ok gau op de L 130, de wieter na Sittens föhrt. Dormit is ok de A 1 enigermoten goot anbunnen.
Ahusen | Alfst | Annerlingen | Basdaal | Bootel | Bötersen | Breddörp | Bremervöör | Brookel | Büls | Deins | Eversdörp | Elsdörp | Farm | Fintel | Gnarrenborg | Groot Meckels | Hassendörp | Heemsbünnen | Heeßel | Hellweeg | Helsch | Hemslingen | Hepst | Hipst | Homersen | Horß | Jeem | Kalf | Karktimk | Karkwals | Lauenbrüch | Lengenbossel | Lütt Meckels | Oerel | Oostereis | Reeßen | Rhaar | Rodenborg (Wümm) | Sandbossel | Scheeßl | Seedörp | Sittens | Söttmer | Stemmen | Sürsen | Tarms | Tiss | Vahlde | Vierden | Visselhöövd | Vörwark | Westertimk | Westerwals | Wilst | Woonst | Zeven
