Bundsautobahn 7

Vun Wikipedia
Stratenschild vun de A 7
Verloop vun de A 7

De Bundsautobahn 7 (Afk.: BAB 7, in Kortform ok A 7 nöömt) is en Autobahn in Düütschland, de vun Noord na Süüd, vun de däänsche Grenz bi Ellund bit na de öösterrieksche Grenz bi Füssen löppt. Se geiht dorbi dweer dör de Bundslänner Sleswig-Holsteen, Hamborg, Neddersassen, Hessen, Bayern un Baden-Württemberg. Mit en Läng vun 945,6 km is se opstunns de längste Autobahn in Düütschland un de längste natschonale Autobahn in Europa.

Verloop[ännern | Bornkood ännern]

Rader Hoochbrüch över’n Noord-Oostsee-Kanal

De hüütige BAB 7 folgt op de Streck twüschen Flensborg un Hamborg den histoorschen Ossenweg un is ok in Hensicht op de weertschoppliche Bedüden as Hannelsweg vun Skandinavien na Süüden as den sien Nafolger antosehn. Twüschen de Anslussteden Tarp un Oowschlag is de Autobahn op twee Afsnitten för militäärschen Bruuk as Autobahn-Helpsflaagplatz utboet. Bi Rendsborg geiht de A 7 op de 1498 m langen Europabrüch över’n Noord-Oostsee-Kanal. Dat is de tweetlängste Stratenbrüch ut Stahl vun Düütschland.

Dat gifft twüschen de Hamborger Landsgrenz un de Anslusssteed Koldenkarken as ok twüschen de Anslusssteed Niemünster-Süüd un dat Autobahndreeeck Bordesholm de Mööglichkeit, in Richt na Noorden de Standspoor mit Help vun Verkehrsleddsystemen as drüdden Fohrstriepen freetogeven. Dat warrt sünners in de Sommerwekenennen maakt, üm bi starken Verkehr na Däänmark Staus to hinnern.

Noordinfohrt vun’n Ilvtunnel

In Hamborg löppt de BAB 7 in’n ne’en Ilvtunnel ünner de Ilv dör. De Tunnel wiest ik jümmer wedder as en Drangsteed, liekers dat dor acht Sporen praat staht. De Verkehrwarrt in en Rebeet bit to twintig Kilometer vör de Tunnelinfohrten vun de Tunnelbedrievssteed, de den helen Dag lang besett is, stüert un kontrolleert. Nipp un nau in’n Ansluss an den Tunnel föhrt de Autobahn op de mit 4359 m längste Brüch vun Düütschland – de Hoochstraat Ilvmarsch – över den Hamborger Haven, bit se bi de Harborger Bargen ankummt.

Krüüz Hannober/Kirchhorst mit der A 37

En Drangsteed gifft dat ok twüschen de AS Soltau-Oost un dat Autobahndreeeck Wasra, wo dat blots twee Sporen in jede Richt gifft. In de Ferientiet kummt dat hier faken to Staus. Siet den Sommer 2005 is op dissen Afsnitt nu en Verkehrsleddsystem opboet, so dat de Standspoor ok hier freegeven warrn kann, wenn dat nödig deit. Twüschen dat Autobahndreeeck Hannober-Noord un Hilmessen is de Autobahn op dree Sporen in jede Richt verbredert worrn. Dat schall ok op den Afsnitt twüschen dat AD Soltgitter un de AS Chöttingen angahn warrn.

Nootbremsweg för LKW vör de Werradaalbrüch

Vun Chöttingen bit wieter na’t Hattenbacher Dreeeck in Hessen is de A 7 al sösssporig utboet. Twüschen Hannöversch Münnen/Hädemünden un Hannöversch Münden/Lutterberge löppt de A 7 in ruchweg 60 m Hööch op de 416 m langen Werradaalbrüch över de Werra. Twüschen de AS Kassel-Oost, de to en Autobahndreeeck ümboet warrt, wenn de Verlängern vun de A 44 vun Kassel na Iesenack fardigstellt is, un’t Dreeeck Kassel-Süüd is en Utbo op acht Sporen plaant.

In’n wieteren Verloop löppt de A 7 twüschen Bad Windsheim un Feuchtwangen dör dat westliche Rebeet vun de Frankenhööch un twüchen Aalen un Ulm dör den ööstlichen Deel vun de Schwäbschen Alb. Twüschen de Anslusssteden Dinkelsbühl/Fichtenau un Ellwangen liggt de Virngrundtunnel. En wieter’t Tunnelbowark is mit den Agnesburgtunnel twüschen Aalen/Westhausen un Aalen/Oberkochen boet worrn. an den letzten slutt sik de mehrere Kilometer lange Albopstieg an. Sien Bo weer vun wegen de MIddelbargen-Laag bannig opwännig. För den Tunnel un den Opstieg sünd Kosten in Hööch vun 150 Mio. DM (üm un bi 77 Mio. €) tosamenkamen.

En Sünnerfall is de Anbinnen an de Bundsstraat 28, de över’t Autobahndreeeck Hittistetten vunstatten geiht. Vun’t Dreeeck ut is de B 28 bit Ulm vullstännig as Autobahn utschillert un boet. An sik müss de Anbinnen vun de A 7 an de Bundsstraat as Anslusssteed betekent warrn, liekers warrt se offiziell Autobahndreeeck nöömt.

Ruchweg 15 km nöördlich vun’t Autobahnkrüüz Memmingen liggt in Fohrtricht Ulm de Raststeed Illertal Oost, wat opstunns de eenzige Kunstraststeed in Düütschland is. Se is vun den Öösterrieker Herbert Maierhöfer ut Birkfeld gestalt worrn.

De A 7 höört opstunns bi Nesselwang op. Man, an den Utboe bit to’n Grenztunnel Füssen warrt al boet.

Streckenafsneden as Europastraat[ännern | Bornkood ännern]

De BAB 7 is op dree Streckenafsnitten Deel vun verscheden Europastraten:

  • E 45: Ellund – Autobahnkrüüz Biebelried
  • E 43: Autobahnkrüüz Biebelried – Autobahnkrüüz Memmingen
  • E 532: Autobahnkrüüz Memmingen – Füssen

Bohistorie[ännern | Bornkood ännern]

De A 7 hett de vörmoligen Rieks- un Bundsstraten 5 (Däänmark–Hamborg), 3 (Hamborg–Kassel) un 27 (Chöttingen–Würzburg) as Feernverbinnen aflööst, de vör sik ok wedder op Vörlöpers ut dat Middelöller torüch gahn sünd. Den Plaan vun en Snellstraat vun Hamborg na Süüden geev dat in’n Rahmen vun de HaFraBa al siet 1926. Dit Projekt gellt as de Vörlöper vun de Bundsautobahn 7 twüschen Hamborg un dat Hattenbacher Dreeeck.

De eerste Streckenafsnitt is 1937 twüschen Kassel un Chöttingen för den Verkehr freegeven worrn (Kiek dorvör den Hööftartikel: Autobahnbo in Noordhessen (1933-1945)).

För den Afsnitt Bad HersfeldWürzburg (ok Streck 46 nöömt) sünd in de Tiet vun 1937 bit 1939 en Reeg vun Brüchen boet worrn. Man, dat Deelstück is eerst 1968 wedder op en licht ännerte Streckenföhren apen maakt worrn. Eenige Brüchen vun de Streck 46 gifft dat in’n Spessart noch. Se staht vundaag ünner Denkmalschuul.

In en „Vörplaan to en Kraftwagenstratennett in Düütschland“ vun de „Studiensellschop för Automobilstratenbo (STUFA)“ vun 1926 weer en Feernstraat Würzburg–UlmLindau vörsehn. De Enkelheiten sünd twüschen 1935 un 1941 plaant worrn. 1969 hebbt sik de Länner Bayern un Baden-Württemberg op en Streckenföhren parallel to de B 19 eenigt. De Penunsen dorför weern aver eerst in de 1980er Johren praatstellt. De Bo ist denn aver in ungewöhnlich korte Tiet fardigstellt worrn.

Boanstalten[ännern | Bornkood ännern]

Överdeckeln vun Altona[ännern | Bornkood ännern]

As de Plaan maakt worrn is för de veerte Röhr vun’n ne’en Ilvtunnel, hebbt de Anwahners in de Hamborger Stadtdelen Othmarschen un Bahrenfeld en beteren Larmschuul foddert, vun wegen dat dör den Utbo noch mehr Verkehr opkamen künn. As Resultat vun en Studie un vun vele Verhanneln is vör de nöördliche Infohrt en dree Kilometer lange Överdeckeln vun de Autobahn vörslahn worrn. Dorop schülln de siet negentig Johren betsahn Lüttgoorns ümlagert warrn un dorför sorgen, dat de Stadtdelen, de dör de Autobahn scheedt woorn sünd, wedder tohopenwasst. Dat Geld för dissen Bo schüll vör allen dör den Verkoop vun de vörmoligen Lüütgoornflachen as Wahn- un Gewarfruum rinkamen.

De Middel för de Överdeckeln sünd vun’n Bund al freegeven worrn. De Plaan hett vörsehn, dat de Boarbeiten 2008 anfangen schülln. Nu hett de aktuell in Hamborg regeeren Senat vun CDU un Gröne de Överdeckeln an en veersporigen Utbo knütt. Dordör is dat nu nich mehr klor, wanneer dat losgahn schall.

Sösssporig Utbo vun de „Noordass“[ännern | Bornkood ännern]

De A 7 schall vun 2010 an vun’t Autobahndreeck Bordesholm bit na de Anslussteed Snelsen-Noord vun veer op söss Sporen utboet warrn. De Grund dorför is, dat de ne’e „Noord-West-Autobahn“ A 20 in Hööch vun Bad Bramstedt över en Autobahnkrüüz an de A 7 anbunnen warrn schall un de Fohrsporen in Hamborg sülvst op acht Sporen utwiet warrn schüllt.

Lückensluss bi Füssen[ännern | Bornkood ännern]

De Grenztunnel na Öösterriek bi Füssen is in’n Juli 1999 apen maakt worrn. Disse Tunnel schall de Gemenen ümto entlasten, vör allen in de Urlaubstiet, wenn dat Verkehrsopkamen sünners hooch is. To Tiet warrt de Verkehr aver vun’t Autobahnenn bi Nesselwang över verscheden Strecken för PKW un LKW to’n Tunnel föhrt, so dat dat faken Staus gifft. En Deelstück vun 15 km Läng schall disse Lück to maken. Bit Mitt 2009 schall de Fohrbahn freegeven warrn.

Opfohrten[ännern | Bornkood ännern]

EU-Grenzövergang (1)  Grenzövergang Ellund
Anschlussstelle (2)  Flensborg/Harrsle B199 Symbol: Autohof
Anschlussstelle (3)  Flensborg B200
Anschlussstelle (4)  Tarp
Anschlussstelle (5)  Sleswig/Schuby B201
Anschlussstelle (6)  Sleswig/Jagel Symbol: Autohof
Anschlussstelle (7)  Oowschlag
Anschlussstelle (8)  Rendsborg/Büdelsdörp B203
Knoten (9)  Krüüz Rendsborg A210
Anschlussstelle (10)  Warder
Anschlussstelle (11)  Bosholm
Knoten (12)  Symbol: Runter Dreeeck Bosholm A215
Anschlussstelle (13)  Niemünster-Noord
Anschlussstelle (14)  Niemünster-Midd B430
Anschlussstelle (15)  Niemünster-Süüd B205 Symbol: Autohof
Anschlussstelle (16)  Grotenass
Anschlussstelle (17)  Braamsteed B206
Anschlussstelle (18)  Kolenkarken
Anschlussstelle (19)  Heensteed-Ulzborg Symbol: Autohof
Anschlussstelle (20)  Ellerau
Anschlussstelle (21)  Quickborn
Anschlussstelle (22)  Noordersteed-Garsteed
Anschlussstelle (23)  Hamborg-Schnelsen Noord B432 Symbol: Flug
Anschlussstelle (24)  Hamborg-Schnelsen B447
Knoten (25)  Dreeeck Hamborg-Noordwest A23
Anschlussstelle (26)  Hamborg-Stellingen B4 B5
Anschlussstelle (27)  Hamborg-Volkspark
Anschlussstelle (28)  Hamborg-Bahrenfeld B431
Anschlussstelle (29)  Hamborg-Othmarschen
Anschlussstelle (30)  Hamborg-Waltershoff Symbol: Autohof
Anschlussstelle (31)  Hamborg-Moorborg
Anschlussstelle (32)  Hamborg-Heimfeld B73
Knoten (33)  Symbol: Rauf Dreeeck Hamborg-Süüdwest A261
Anschlussstelle (34)  Hamborg-Marmsdörp B75
Anschlussstelle (35)  Seevdaal-Fleest B4
Knoten (36)  Maschener Krüüz A1 A39 E22
Knoten (37)  Hoster Dreeeck A1 E22
Anschlussstelle (38)  Seevdaal-Ramßel
Anschlussstelle (39)  Thieshoop
Anschlussstelle (40)  Garlstörp
Anschlussstelle (41)  Äästörp (plaant: Dreeeck Äästörp A21)
Anschlussstelle (42)  Ebendörp
Anschlussstelle (43)  Bissen
Anschlussstelle (43a)  Snevern B3 2014 nee
Anschlussstelle (44)  Soltau-Oost B71 B209 Symbol: Autohof
Anschlussstelle (45)  Soltau-Süüd B3 Symbol: Autohof
Anschlussstelle (46)  Dörpmark B440
Anschlussstelle (47)  Fambossel B209
Knoten (48)  Dreeeck Wasra A27 E234
Anschlussstelle (49)  Westenholt
Anschlussstelle (50)  Swarms B214 Symbol: Autohof
Anschlussstelle (51)  Berkhof
Anschlussstelle (52)  Mellendörp Symbol: Autohof
Knoten (53)  Symbol: Rauf Dreeeck Hannover-NoordA352
Anschlussstelle (54)  Groten Boorwee
Anschlussstelle (55)  Oltwarmbeuken
Knoten (56)  Krüüz Hannover/Kerkhost A37
Knoten (57)  Krüüz Hannover-Oost A2 E30
Knoten (58)  Hannover-Anderten B65
Anschlussstelle (59)  Laatzen B443
Knoten (60)  Symbol: Runter Dreeeck Hannover-Süüd A37
Anschlussstelle (61)  Hilmssen-Drispenstie B494
Knoten (62)  Hilmssen B1
Anschlussstelle (63)  Dernborg/Soltgitter B6
Knoten (64)  Symbol: Runter Dreeeck Soltgitter A39
Anschlussstelle (65)  Bokeln B243a Symbol: Autohof
Anschlussstelle (66)  Rhuien B82 Symbol: Autohof
Anschlussstelle (67)  Seesen B243
Anschlussstelle (68)  Echte B445
Anschlussstelle (69)  Nuurten-Noord B3 Symbol: Autohof
Anschlussstelle (70)  Nuurten-West B241
Anschlussstelle (71)  Nörten-Harenbarg B446
Anschlussstelle (72)  Göttingen-Noord B27
Anschlussstelle (73)  Göttingen B3
Knoten (74)  Dreeeck Drammetal A38
Anschlussstelle (75)  Hannöversch Münnen-Hädemün
Anschlussstelle (76)  Hannöversch Münnen/Staufenberg-Lutterberge Symbol: Autohof B496
Anschlussstelle (77)  Kassel-Noord Symbol: Autohof
Anschlussstelle (78)  Kassel-Oost B7
Knoten (79)  Krüüz Kassel-Midd A49 Symbol: Autohof
Knoten (80)  Dreeeck Kassel-Süüd A44 E331
Anschlussstelle (81)  Guxhagen B83
Anschlussstelle (82)  Melsungen B253
Anschlussstelle (83)  Malsfeld Symbol: Autohof
Anschlussstelle (84)  Homberg (Efze) B323
Anschlussstelle (85)  Bad Hersfeld-West B324
Knoten (86)  Kirchheimer Dreeeck A4 E40
Anschlussstelle (87)  Kirchheim B454 Symbol: Autohof
Knoten (88)  Hattenbacher Dreeeck A5 E40
Anschlussstelle (89)  Niederaula B62
Anschlussstelle (90)  Hünfeld/Schlitz
Anschlussstelle (91)  Fulda-Noord B27 Symbol: Autohof
Anschlussstelle (92)  Fulda-Midd B458
Knoten (93)  Dreeeck Fulda A66
Anschlussstelle (94)  Bad Brückenau/Volkers B27
Anschlussstelle (95)  Bad Brückenau/Wildflecken B286
Anschlussstelle (96)  Bad Kissingen/Oberthulba
Anschlussstelle (97)  Hammelburg B287
Anschlussstelle (98)  Wasserlosen B303
Knoten (99)  Krüüz Schweinfurt/Werneck A70 B26a
Anschlussstelle (100)  Gramschatzer Wald Symbol: Autohof
Knoten (101)  Würzburg/Estenfeld B19
Knoten (102)  Krüüz Biebelried A3 E43 E45
Anschlussstelle (103)  Kitzingen B8
Anschlussstelle (104)  Marktbreit
Anschlussstelle (105)  Gollhofen B13 Symbol: Autohof
Anschlussstelle (106)  Uffenheim/Langensteinach
Anschlussstelle (107)  Bad Windsheim B470
Anschlussstelle (108)  Rothenburg ob der Tauber
Anschlussstelle (109)  Wörnitz Symbol: Autohof
Knoten (110)  Krüüz Feuchtwangen/Crailsheim A6 E50
Anschlussstelle (111)  Feuchtwangen-West/Schopfloch Symbol: Autohof
Anschlussstelle (112)  Dinkelsbühl/Fichtenau
Anschlussstelle (113)  Ellwangen Symbol: Autohof
Anschlussstelle (114)  Aalen/Westhausen B29
Anschlussstelle (115)  Aalen/Oberkochen
Anschlussstelle (115a)  Heidenheim-Noord
Anschlussstelle (116)  Heidenheim B466a
Anschlussstelle (117)  Giengen/Herbrechtingen B19 B492
Anschlussstelle (118)  Niederstotzingen
Anschlussstelle (119)  Langenau
Knoten (120)  Krüüz Ulm/Elchingen A8 E52
Anschlussstelle (121)  Nersingen B10
Anschlussstelle (121a)  Neu-Ulm
Knoten (122)  Dreeeck Hittistetten B28
Anschlussstelle (123)  Vöhringen Symbol: Autohof
Anschlussstelle (124a)  Illertissen Noord
Anschlussstelle (124)  Illertissen
Anschlussstelle (125)  Altenstadt
Anschlussstelle (126)  Dettingen a. d. Iller
Anschlussstelle (127)  Berkheim B312
Knoten (128)  Krüüz Memmingen A96 E43 E532
Anschlussstelle (129)  Memmingen-Süüd B300
Anschlussstelle (130)  Woringen
Anschlussstelle (131)  Bad Grönenbach Symbol: Autohof
Anschlussstelle (132)  Dietmannsried
Anschlussstelle (133)  Kempten-Leubas B19
Knoten (134)  Kempten B12
Anschlussstelle (135)  Betzigau
Knoten (136)  Dreeeck Allgäu A980
Anschlussstelle (137)  Oy-Mittelberg B309
Anschlussstelle (138)  Nesselwang
Anschlussstelle (139)  Füssen B310
EU-Grenzövergang (140)  Grenzövergang Füssen

Weblenken[ännern | Bornkood ännern]

Bundsautobahn 7. Mehr Biller, Videos oder Audiodateien to’t Thema gifft dat bi Wikimedia Commons.