Eversdörp
| Wapen/Flagg | Koort | |
|---|---|---|
 |
|
|
| Basisdaten | ||
| Flach: | 28,8 km² | |
| Inwahners: | 1.122 (31. Dezember 2007) | |
| Inwahnerdicht: | 39 Inwahners pro km² | |
| Hööchd: | 14 m över de See | |
| Postleettall: | 27432 | |
| Vörwahl: | 04765, 04768 | |
| Geograafsche Laag: | Koordinaten:53° 32′ N, 9° 3′ O53° 32′ N, 9° 3′ O |
|
| Gemeenslötel: | 03 3 57 012 | |
| Öörd in de Gemeen: | 3 | |
| Börgermeester: | Claus Dieter Wagenlöhner (CDU) | |
| Websteed: | www.ebersdorf-nds.de | |
Eversdörp is en Gemeen in’n Landkreis Rodenborg (Wümm) in Neddersassen. Se höört to de Samtgemeen Geestborn un hett ruchweg 1100 Inwahners. Blangen den Hööftoort höört noch de beiden Oortsdelen Westerbeck un Nee Eversdörp to de Gemeen.
Inholtsverteken |
[ännern] Geografie
De Gemeen Eversdörp liggt in’n Noorden vun’n Landkreis. Se warrt na Noordoosten vun de Gemeen Alfst begrenzt un na’n Süüden vun de Gemeen Oerel. In’n Süüdwesten slutt sik Hipst an. All dree höört ok to de Samtgemeen Geestborn. Na Oosten besteiht ’n lütt Stück Kuntakt na de Eenheitsgemeen Bremervöör, un in’n Noordwesten is de Grenz na’n Landkreis Cuxhoben.
De Landschop is teemlich even un warrt vun de Bueree mit ehr wieten Ackerflachen prägt. In de Gemeen gifft dat Heid- un Wooldrebeden un een poor Moorflachen, de vun en ganze Reeg Wannerweeg dörtogen warrt.
[ännern] Geologie
En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.
[ännern] Historie
Eversdörp weer 1272 to’n eersten mol in en Oorkunn nöömt. Ünner den Naam „Everestorppe“ hett dat Dörp to de Börd Oerel höört un stünn lange Tiet ünner dat Regeer vun de Bremer Arzbischöp[1].
Wiel den Dörtigjohrigen Krieg güng dat de Minschen, de in Eversdörp leven, gresig slecht. Vele Inwahners hebbt üm 1630 rüm jemehr Hüüs un Höff verlaten möten. Dorto keem de Pest, de in de Tiet vun 1626 bit 1628 in’t Rebeet ümgüng. Ut 1706 is överlevert, dat Afgaven an de sweedschen Besetters to betahlen weer, 1715 keem dat Dörp in hannobersche Hannen. In’n „Füerstedenverteken vun 1766“ warrt sössundörtig Wahnsteden angeven. In dat Johr 1750 hebbt 140 Minschen in Eversdörp leevt, hunnert Johren later weern dat 400[1].
Anfang vun’t 20. Johrhunnert geev dat in Eversdörp ruchweg 500 Inwahners. 1901 warrt dör’n Besluss vun de Gemeen de Liekensmuus afschapt. In de Tiet bit to’n Eersten Weltkrieg warrt veel boet in Eversdörp un de Weeg warrt to Straten utboet. Af 1921 warrt dat Dörp ok mit elektrischen Stroom versorgt, 1927 keem de Ansluss an’t Telefonnett dorto[2].
Af 1933 weiht över’t Dörp to’n eersten mol de Fahn mit dat Hakenkrüüz un de NSdAP finnt vele Anhangers ünner de 715 Inwahners to de Tiet. 1941 warrt Eversdörp wiel den Tweeten Weltkrieg vun Bomben drapen. An’n 4. un 5. Mai 1945 warrt dat Dörp vun britische Soldaten mit Panzers innahmen. Vun de 108 Mannslüüd, de to’n Krieg inberopen weern, kamt mehr as 40 % nich mehr na Huus[2].
In’t Johr 1974 warrt de Gemeen denn in’n Rahmen vun en Rebeets- un Verwaltensreform mit de annern Gemenen ümto to de Samtgemeen Geestborn tosamenslaten.
[ännern] Religion
Eversdörp is evangeelsch präägt.
För de Kathoolschen is de St.-Michaelskark in Bremervöör tostännig.
[ännern] Politik
De Gemeenraat vun Eversdörp sett sik ut ölven Raatslüüd tosamen, de op de „gemeensome List Eversdörp“ kandideert hebbt. De letzte Kommunalwahl weer in’n September 2011. De Börgermeester is Claus Dieter Wagenlöhner vun de CDU.
| Partei | 2011 | 2006 |
| GL Eversdörp | 11 | 11 |
[ännern] Kultur
Dat kulturelle Leven warrt vun de Dörpgemeenschoop tosamen bestreden. Dat gifft vele gemeensome Anstalten, as to’n Bispeel dat gemeensome Bööm Planten oder Boen, wobi veel in Egenleistung maakt warrt. De Freetiet kann in verscheden Verenen ok gemeensom verbröcht warrn. De Dörpsgemeenschoop hett to’n Bispeel en Filmgrupp, de dat Dörpslven in’t bewegte Bild fasthollen un archiveeren deit. In’t Förhjohr warrt an dree Avenden jümmer ne’e Filmen un „Oldies“ wiest. Wieter gifft dat in Eversdörp ünner annern en Freewillige Füerwehr, verscheden Choor-Singgruppen, en Schüttenvereen, en Motorsportvereen, den Riet- un Fohrvereen as ok, för den Sport, den TSV Eversdörp vun 1911 e.V.
[ännern] Verkehr
Dör Eversdörp verlöpt de B 495. In’n Süden münnt se bi Glinn in de B 71 in un verbinnt de Gemeen so mit Bremervöör. Na Noorden föhrt de B 495 wieter na Loomst in’n Landkreis Cuxhoben. De Oortsdeel Westerbeck liggt an de L 119, de vun Eversdörp ut na Bad Beers föhrt. Vun Westerbeck ut kummt en ok na Nee Eversdörp, dat twüschen de L 119 un de K 116 liggt.
[ännern] Borns
- ↑ 1,0 1,1 http://www.ebersdorf-nds.de/Geschichte/vor1900/vor1900.html
- ↑ 2,0 2,1 http://www.ebersdorf-nds.de/Geschichte/ab1900/ab1900.html
Ahusen | Alfst | Annerlingen | Basdaal | Bootel | Bötersen | Breddörp | Bremervöör | Brookel | Büls | Deins | Eversdörp | Elsdörp | Farm | Fintel | Gnarrenborg | Groot Meckels | Hassendörp | Heemsbünnen | Heeßel | Hellweeg | Helsch | Hemslingen | Hepst | Hipst | Homersen | Horß | Jeem | Kalf | Karktimk | Karkwals | Lauenbrüch | Lengenbossel | Lütt Meckels | Oerel | Oostereis | Reeßen | Rhaar | Rodenborg (Wümm) | Sandbossel | Scheeßl | Seedörp | Sittens | Söttmer | Stemmen | Sürsen | Tarms | Tiss | Vahlde | Vierden | Visselhöövd | Vörwark | Westertimk | Westerwals | Wilst | Woonst | Zeven
