Swiersdörp
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | 922[1] (1. Dezember 2016) | |
| Hööchd: | 54 m över NN | |
| Postleettall: | 21629 | |
| Vörwahl: | 04168 | |
| Geograafsche Laag: | Koordinaten:53° 25′ N, 9° 48′ O53° 25′ N, 9° 48′ O | |
 | ||
|
| ||
Swiersdörp (hoochdüütsch Schwiederstorf) is en Dörp in de Gemeen Vosshusen in’n Landkreis Horborg, Neddersassen. De Oort is vondaag mit Ilsdörp tohoopwussen. Binnen de Gemeen Vosshusen billt Swiersdörp polietsch en Oortschop mit en egen Oortsvörsteiher.
Geografie
[ännern | Bornkood ännern]Dat Dörp liggt op de Geest. In’n Oosten is de Staatsforst Rosengoorn, de to de Horbörger Bargen tohöört. Dor liggt ok de Korlsteen, en groten Findling ut de Iestied. In’n Süüdoosten liggt dat Naturschuulrebeed Bökenholt in’n Rosengoorn, dat Deel von dat Landschopsschuulrebeed Rosengoorn–Kiekbarg–Stuvenwoold is.
De Naveröörd sünd Wulmsdörp un Doasdörp in’n Noordoosten, Sottörp in’n Oosten, Sieversen un Langenrehm in’n Süüdoosten, Höll un Raad in’n Süden, de Eversche Heid un Grauen in’n Süüdwesten un Ilsdörp un Arsdörp in’n Noordwesten.
Historie
[ännern | Bornkood ännern]
To de öllsten Sporen von Minschen in dat Rebeed tellt dat Grootsteengraff Ilsdörp, dat so bi twee Kilometer in’n Oosten von dat Dörp liggt, un dat Grootsteengraff Doasdörp.
Swiersdörp kummt 1355 toeerst in de Oorkunnen vör.
In’n Eersten Weltkrieg sünd acht Soldaten ut Swiersdörp fullen oder vermisst un in’n Tweten Weltkrieg 16.[2] An’t Enn von’n Tweten Weltkrieg is Swiersdörp an’n 20. April 1945 von de Briten innahmen worrn („A Company“ von de Infanterieeenheit „1st Rifle Brigade“ un de „8th King’s Royal Irish Hussars“).[3]
Een Kilometer in’n Oosten von dat Dörp al in dat Holt von’n Rosengoorn liggt dat lüttje Swiersdörp-Siedlung.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Mesborg in’n Kanton Buxthu höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
Vör 1859 weer dat Dörp in’t Amt Mesborg un na 1859 in’t Amt Töst. Von 1885 bet 1932 hett Raad to’n Kreis Horborg tohöört un is denn Deel von’n vergrötterten Kreis Horborg worrn.
De Oort is an’n 1. Juli 1972 mit de Gemeenreform in Neddersassen Deel von de Gemeen Vosshusen worrn.
Inwahnertall
[ännern | Bornkood ännern]| Johr | Inwahners |
|---|---|
| 1793[4] | 12 Füürsteden |
| 1812[5] | 124 |
| 1824[6] | 18 Füürsteden |
| 1848[7] | 121 Lüüd, 18 Hüüs |
| 1. Dezember 1871[8] | 123 Lüüd, 20 Hüüs |
| 1. Dezember 1910[9] | 163 |
| 1925[10] | 171 |
| 1933[10] | 174 |
| 1939[10] | 248 |
Religion
[ännern | Bornkood ännern]Swiersdörp is evangeelsch-luthersch präägt un höört to dat Kaspel von de Nicolai-Kark in Ilsdörp.
För de Kathoolschen is de Marien-Kark in Buxthu tostännig.
Wapen
[ännern | Bornkood ännern]Dat Wapen wiest op blauen Grund över en gollen Schildfoot in Sülver den Korlsteen un dor över de gollen Riekskroon.
Oortsvörsteihers
[ännern | Bornkood ännern]- opstunns (Stand 2015): Heinrich Prigge
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Ilsdörp bi de Kark.
Brüük
[ännern | Bornkood ännern]In Swiersdörp warrt Faslam fiert.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]
An Swiersdörp langs löppt de Bundsstraat 3, de in’n Noordwesten na Öbergünn an de B 73 ran geiht un in’n Süden över de Höll, Raad un Mienenbüddel na de B 75 bi Bookholt. Von Ilsdörp geiht in’n Noorden de Landsstraat 235 över Doasdörp un Wulmsdörp na Vosshusen.
De nächste Autobahn is de Autobahn 1. De Opfohrt 44 Raad liggt so söss Kilometer in’n Süden von Swiersdörp an de B 3.
De nächsten Bahnhööv sünd so bi ölven Kilometer wied weg in’n Noordwesten de Bahnhoff Buxthu an de Nedderelvbahn, 14 Kilometer in’n Süden de Bahnhoff Sprötz un 14 Kilometer in’n Oosten de Bahnhoff Hittfeld (de letzten beiden an de Bahnlien Hamborg–Bremen). De Bahnhoff Vosshusen von de S-Bahn Hamborg (S 3/S 31) liggt so söven Kilometer in’n Noorden.
Siet Juli 2015 hett de Oort Oortsschiller, op de blangen den hoochdüütschen ok de plattdüütsche Naam mit opsteiht.
Footnoten
[ännern | Bornkood ännern]- ↑ „Wissenswertes über die Gemeinde Neu Wulmstorf“, Stand der Einwohnerzahlen: Dezember 2016, Faltblatt der Gemeinde Neu Wulmstorf, Januar 2017
- ↑ http://www.denkmalprojekt.org/dkm_deutschland/elstorf.htm
- ↑ Över dat Kriegsenn in Ilsdörp un ümto (PDF; 1,7 MB; hoochdüütsch)
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 208
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 554
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 99
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
[ännern | Bornkood ännern]
Arsdörp | Doasdörp | Höll | Ilsdörp | Mienenbüddel | Ömbüddel | Raad | Rübk | Swiersdörp | Vosshusen | Wulmsdörp