Schuppenfeld
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21745 | |
| Vörwahl: | 04771 | |
| Geograafsche Laag: | Koordinaten:53° 40′ N, 9° 8′ O53° 40′ N, 9° 8′ O | |
|
| ||
Schuppenfeld (hoochdüütsch Schuppenfeld) is en lütten Oort in de Gemeen Hemmoor (Samtgemeen Hemmoor) in’n Landkreis Cuxhoben, Neddersassen. De Oort höört polietsch von öllers bi Heeßel mit bi.
Geografie
[ännern | Bornkood ännern]De Oort liggt op’n Rand von de Loomster Geest hen na de Moorrebeden in dat Achterland von de Maschen an de Oost. Dat Water ut dat Rebeed flütt över’n Hockmöhlener Beek na de Oost hen af.
De Naveröörd sünd Wedelsforth in’n Noorden, Warstood un Basbeek in’n Noordoosten, Wohlenbekermoor in’n Oosten, Wohlenbeek, Hockmöhlen un Rahden in’n Süüdwesten un Heeßel mit de Pulvermöhl in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Loomst in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Böörd Loomst in dat Amt Bremervöör tohöört un denn von 1859 bet 1885 to dat Amt Oosten. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Schuppenfeld hett von öllers to Heeßel höört. Von 1962 bet to’n 1. Juli 1968 weer Heeßel Maat von de Samtgemeen Warstood. Mit’n 1. Juli 1968 is de Gemeen Heeßel Deel von de Gemeen Hemmoor worrn, de sik 1971 de Samtgemeen Hemmoor anslaten hett.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 5 Füürsteden |
| 1824[2] | 4 Füürsteden |
| 1848[3] | 32 Lüüd, 9 Hüüs |
| 1. Dezember 1871[4] | 53 Lüüd, 7 Hüüs |
Religion
[ännern | Bornkood ännern]Schuppenfeld is evangeelsch-luthersch präägt un höört to dat Kaspel von de Bartelmees-Kark in Loomst.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]An Schuppenfeld löppt de Bundsstraat 495 langs, de in’n Süüdwesten över Loomst na Bremervöör geiht un in’n Noordoosten dör Basbeek/Warstood över Oosten na Wischhoben. In Basbeek/Warstood krüüzt de B 73 na Cuxhoben un Stood de B 495.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 32 Kilometer in’n Süüdoosten von Schuppenfeld.
De nächste Bahnhoff is so bi dree Kilometer wied weg in’n Noordoosten de Bahnhoff Hemmoor an de Nedderelvbahn.
Ver- un Entsorgung
[ännern | Bornkood ännern]Dat fleten Water för dat Schuppenfeld kummt von’n Waterverband Wingst.
Footnoten
[ännern | Bornkood ännern]- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 206: https://books.google.de/books?id=jN5QAAAAcAAJ&pg=PA206
- ↑ C. H. Jansen: Statistisches Handbuch des Königreichs Hannover. 1824, Sied 550: http://books.google.de/books?id=tG0AAAAAcAAJ&pg=PA550
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 147: https://books.google.de/books?id=qTZDAQAAMAAJ&pg=RA2-PA147
Basbeek (mit de Möhlenreeg, Sethlerhemm un den Tegelkamp) | Heeßel (mit Wedelsforth, de Pulvermöhl un dat Schuppenfeld) | Hemm | (Oold-)Hemmoor (mit en Deel von Ohrensfluchtermoor) | Westersood (mit Bröckelbeek) | Warstood (mit Swartenhütten)