Bundsautobahn 999

Vun Wikipedia
Bundsdüütsche Autobahntall 999
Hööftstratennett vun München (1963)

De Bundsautobahn 999 weer de inst as Autobahnring üm München plaant. Da Plaan is aver denn fallen laten worrn. An sien Steed is de A 99 boet worrn.

Historie[ännern | Bornkood ännern]

För de Stadt München weer 1963 en Autobahnring vörsehn. In’n Text stünn de blots as „butere Feernstratenring“ binnen[1], man op de biföögten Koort weer de as Autobahnring intekent.[2]

De plaante A 999 weer düütlich lütter utleggt as de A 99, de later denn wohrhaftig boet worrn is. Se schüll fast vullstännig op dat Stadtrebeet vun München verlopen. Blots in’n Süüden leeg de Verloop buten de Stadt, so dat de naue Streck dor in’n Stadtentwicklungsplaan nich fastleggt weer.

Na den Stadtentwicklungsplaan schüll de Ring ruchweg so verlopen: Vun de BAB Soltborg, de hüütige A 8, ut schüll se üm de plaante Entlastungssiedlung Perlach rümlopen, den langs de Friedenspromenade in’n Westen vörbi an’n Flaaghaven München-Riem unin’n Bagen üm de Johanneskarken rüm. Över de Leintalerbrüch schüll se wieter bit na de BAB Nürnbarg, de hüütige A 9, föhren un vun dor ’n beten na Noorden versett över de Heidemannstraat un Rathenaustraat nöördlich an’n Fasaneriesee vörbi na en Deelstück vun den Autobahnring in Allach un Langwied (München), dat al vör den Tweeten Weltkrieg anfungen weer. Denn wieter an’t Langwieder Kleeblatt, woneem se de BAB Stuttgart, de hüütige A 8, krüüzen schüll, wieter an’n Rand vun Aubing un de plaanten Entlastungssiedlung Freiham langs na de Stadtgrenz. Buten vun’t Stadtrebeet schüll de Verloop in’n Bagen dicht an de Stadtgrenz torüch na de BAB Soltborg föhren.

Literatur[ännern | Bornkood ännern]

  • Stadtplanungsamt der Landeshauptstadt München: Stadtentwicklungsplan einschließlich Gesamtverkehrsplan, München, Juni 1963,

Borns[ännern | Bornkood ännern]

  1. Stadtentwicklungsplaan S. 41
  2. Stadtentwicklungsplaan Abb. 24

Weblenken[ännern | Bornkood ännern]

Bundsautobahn 999. Mehr Biller, Videos oder Audiodateien to’t Thema gifft dat bi Wikimedia Commons.