Bundsautobahn 391

Vun Wikipedia
Zur Navigation springen Zur Suche springen
Bundsdüütsche Autobahntall 391
Laag vun de A 391 in Bronswiek

De Bundsautobahn 391 (Afk.: BAB 391 oder ok A 391) is en öörtliche Autobahn in Neddersassen mit en Samtläng vun ruchweg 13 km. De Autobahn is ok ünner de Naams Bronswieker Stadtautobahn oder Westtangent Bronswiek bekannt.

De BAB 391 verlööpt in Noord-Süüd-Richt dör Bronswiek, dat heet, nipp un nau seggt, an’n westlichen Rand vun’t Stadtrebeet langs. Se verbinnt de BAB 39 in’n Süüden mit de BAB 2 in’n Noorden un geiht dor in’n Noorden vun Bronswiek bi Bechtsbüttel över in de B 4, de wieter na Meine, Gifhorn un Uelzen föhrt.

Dacht weer se in’n Oorsprung to’n Aftehn vun’n Verkehr ut de Bronswieker Binnenstadt un vun’n so nöömten stäädtschen Ring. Se schüll dat Rebeet vun Soltgitter un den Harzruum mit dat Autobahnnett verbinnen, deen vele Johren lang aver ok för’n Feernverkehr un meist den helen Sworlastverkehr ut Polen un Berlin, dei n Richt Frankfort an’n Main un Stuttgart güng, as ok in de Gegenricht. Wiel disse Tiet weer se as en Oort Ümleiden bruukt för dat Deelstück vun de BAB 39, dat to de Tiet twüschen Kremelink un Wulfsborg/Königslutter noch fehlen de.

As överregionale Verbinnen is de A 391 aver nich dacht. Sünners in’n süüdloichen Deel is se vun’n Stand vun’n Utbo wiet achter den normalen Autobahnstandard achteran un hett to’n Bispeel över mehrere Kilometer keen Standstriepen.

Vun’n Harvst 2008 an warrt dat Autobahndreeeck Bronswiek-Süüdwest ümboet, so dat de BAB 39 as Hööftstreck dör dat Dreeeck föhrt. To Tiet geiht noch de BAB 39 vun Soltgitter ut in de BAB 391 över un ümkehrt ok. Dat Plaanfaststellverfohren dorto is Enn vun’n Februar 2007 anfungen un mit Spood to Enn gahn. De Tiet för den Ümbo is mit dree Johr ansett.

Weblenken[ännern | Bornkood ännern]