Bundsautobahn 250

Vun Wikipedia
Bundsdüütsche Autobahntall 250
Verloop vun de ehmolige A 250
Anslussteed Lünborg-Noord

De Bundsautobahn 250 (Afk.: BAB 250 oder ok A 250) weer en regionale Autobahn in’n Noorden vun Düütschland. Se weer in’n allgemenen Spraakbruuk faken ok as Maschener Autobahn betekent. Siet 2010 is se keen egenstännige Autobahn mehr, se billt nu dat nöördliche Deelstück vun de A 39 .

De A 250 füng in’n Süüden vun Hamborg an, woneem se vun de A 7 aftwiegt is. Vun dor föhr se över en Läng vun 28 km na Lünborg. Dor güng se in de B 4 över, de sülvst in’n wieteren Verloop in de B 209 övergüng. De Autobahn is in mehrere Afsnitten freegeven worrn:

  • 1985: vun’t Autobahnkrüüz Maschen bit na de Anslusssteed Maschen
  • 1987: wieter bit na de Anslusssteed Winsen (Luh)-West
  • 1991: wieter bit na de Anslusssteed Winsen (Luh)-Oost
  • 1995: wieter bit na Lünborg-Noord

Mit den Ansluss an de A 39 vun Wulfsborg an de A 250 gifft dat nu en dörgahn Verbinnen vun dat Industrierebeet Bronswiek/Soltgitter bit na’n Hamborger Haven. Offiziell ümnöömt weer de A 250 an’n 3. November 2010.


Weblenken[ännern | Bornkood ännern]

Bundsautobahn 250. Mehr Biller, Videos oder Audiodateien to’t Thema gifft dat bi Wikimedia Commons.