Bundsautobahn 12

Vun Wikipedia
Stratenschild vun de A 12
Verloop vun de A 12

De Bundsautobahn 12 (Afk.:BAB 12, in Kortform ok A 12 nöömt) is en Autobahn in Brannenborg. Se verbinnt Berlin mit Frankfort an de Oder un föhrt wieter na Polen. De A 12 hett en Samtläng vun 58 km un is Deel vun de E 30 .

De Autobahn fangt an’t Autobahndreeeck Spreeau an, woneem se bi Königs Wusterhausen ut den Berliner Ring aftwiegt. Se is in’t Johr 1937 bit na Frankfort (Oder) apenmaakt worrn. De Afsnitt bit na de poolschen Grenz is 1957 freegeven worrn, weer to de Tiet aver blots tweesporig. De Utbo op veer Sporen is op disse Streck eerst 1992 maakt worrn. 2006 sünd an en Meetsteed bi Fürstenwalde/Spree üm un bi 33.500 Fohrtüüch an’n Dag tellt worrn, dorünner 9.300 Lastwagens.[1]

De A 12 verlöpt op hele Läng in’t Land Brannenborg. Op poolsch Rebeet geiht se as A 2 wieter, de af 2012 över Posen un Łódź bit Warschau dörgahn schall. Dormit is de A 12 Deel vun en bedüdene Verbinnen twüschen West- un Oosteuropa.

An de Utfohrt Fürstenwalde steiht de eerste reguläre Tanksteed vun en düütsche Autobahn. Se is togliek de letzte vun ehr Oort un steiht ut den Grund ünner Denkmolschuul.

Borns[ännern | Bornkood ännern]

  1. Märkische Oderzeitung, 29. November 2006, S. 11

Weblenken[ännern | Bornkood ännern]

Bundsautobahn 12. Mehr Biller, Videos oder Audiodateien to’t Thema gifft dat bi Wikimedia Commons.