Bundsautobahn 395

Vun Wikipedia
Bundsdüütsche Autobahntall 395
Laag vun de A 395 in Düütschland

De Bundsautobahn 395 (Afk.: BAB 395 oder ok A 395) is en regionale Autobahn in Neddersassen mit en Samtläng vun ruchweg 42 km. Se warrt ok as Harz-Highway betekent und verlöpt vun Bronswiek na Vienenburg. Se verbinnt de A 39 in’n Noorden mit de B 6n, de meist as’n Autobahn utboet is.

Verloop[ännern | Bornkood ännern]

De A 395 hett ehrn Anfang eenige Hunnert Meter in’n Süüden vun dat Autobahnkrüüz Brosnwiek-Süüd (A 39). Se verlööpt bit na de Anslusssteed Bronswiek-Heidbarg ahn Standstriepen.

Achter dat Bronswieker Stadtrebeet twiegt an de Anslusssteed Wulfenbüttel-Noord de B 79 in Richt Wulfenbüttel af. De Stadt warrt vun de A 395 ümföhrt, denn vrlööpt se wieter eerst dör dat Fümmelser Holt, den Oderwoold un denn dör dat bultige Rebeet vun Slaame bit na Vienenburg. Se ennt opletzt an’t Autobahndreeeck Vienenburg. Vun dor ut kummt een över de B 6 na Wernigerode un na Harzeborg.

Sünnerheiten[ännern | Bornkood ännern]

De A 395 hett bit 2001 bit na Harzeborg föhrt. In’n Rahmen vun den veersporigen Utbo vun de B 6 in Richt Oosten bit na Wernigerode is denn dat Autobaahndreeeck Vienenburg inricht worrn und de Autobahn is nu dor to Enn.

An sik is de Autobahn 395 nich richtig an dat düütsche Autobahnnett anslaten. Se fangt eerst ruchweg 200 m achter dat Autobahnkrüüz Bronswiek-Süüd an. Dorwtüschen is de Straat woll veersporig utboet un de beiden Richtfohrbahnen sünd ok bolich vunenanner splitt, dat se den Indruck vun en Autobahn maken deit, man in’n Gaumaker-/Bremstriepen twüschen dat Krüüz Bronswiek-Süüd un de Anslusssteed Bronswiek-Mälmeroe gifft dat je een Op- un Affohrt to en groot Autohuus mit Tanksteed, de nich krüüzungsfree utföhrt warrn künnt.

Butendem is de A 395 blange de A 40 un de A 562 de eenzige Autobahn in Düütschland, bi de streckenwies in de Mitt – also twüschen de beiden Richtfohrbahnen – en Stadt- oder Stratenbahn verlöpt. Dat is twüschen dat Autobahnkrüüz Bronswiek-Süüd un de Anslusssteed Bronswiek-Heidbarg. Dortwüschen liggt an de Anslusssteed Bronswiek-Mälmeroe de Stratenbahn-Hollsteed HEH Kliniken, vun de ünner de Autobahn en Tunnel wegföhrt.

Blangen de eersten beiden Kilometer dör dat Bronswieker Stadtrebeet un de letzten hunnert Meter vör dat Autobahndreeeck Vienenburg, wo de Snelligkeit op 80 km/h begrenzt is, is de Snelligkeit stedenwies op 120 km/h rünnersett. Op’n Grootdeel vun de Streck gifft dat aver keen Beschränken.

De A 395 öbernimmt neven den Verkehr in’n un vun’n Harz ok den Pennelverkehr twüschen Bronswiek un Wulfenbüttel.

Trivia[ännern | Bornkood ännern]

De BAB 395 weer anfangs as de BAB 369 plaant[1].

Borns[ännern | Bornkood ännern]

  1. http://www.autobahnatlas-online.de/A369.htm

Weblenken[ännern | Bornkood ännern]