Bundsautobahn 314

Vun Wikipedia
Wesseln na: Navigatschoon, Söök
Bundsdüütsche Autobahntall 314

De Bundsautobahn 314 (kort ok BAB 314 oder A 314) weer en ehmols plaante Autobahn in Noordrhien-Westfalen, de en direkte Verbinnen vun’t Mönsterland in de Nedderlannen billn schüll. Vun Mönster schüll se över Stemmert bi’t na’n Grenzövergang Gronau verlopen un dor an de nedderlännsche N 35 ansluten, de wieter na Eanske föhrt.

In’n Bundsverkerhsweegplaan weer blangen de Bo vun de A 314 eerst ok en Verlängern vun de A 43 vun Mönster bit na Raie as ok de Bo vun en A 47 dör Oostwestfalen vörsehn. Dat harr en direkte Verbinnen vun Oostwestfalen in de Nedderlannen bedüüt. Aver al in de 1970er Johren is beslaten worrn, för disse Opgaav de A 33 to boen, de aver bit hüüt ok noch nich vullstännig ümsett worrn is.

De Plaan för de A 314 is opletzt in de 1990er Johren vullsätnnig fallen laten worrn. Längs de plaanten Streck verlöpt vundaag de B 54, de aver nich as en Autobahn utboet is. Siet Mai 2010 hett se aver op hele Streck keen Krüüzung un is as dreestriepige Kraftfohrtstraat anleggt.

Weblenken[ännern | Bornkood ännern]