Bundsautobahn 32

Vun Wikipedia
Stratenschild vun de ehmols plaanten A 32

De Bundsautobahn 32 (afkört as BAB 32 oder ok A 32) weer en plaante Autobahn in Neddersassen un Sassen-Anholt.

De Verloop schüll vun Neenborg över Swarms, Celle un Wulfsborg bit na de dormoligen Grenz na de DDR nöördlich vun Helmstidde gahn. Man hett ok doröver nadacht hatt, de Autobahn later bit an de hüütige Bundsautobahn 2 bi Meideborg wieter to boen.

De A 32 harr as Noord-Oost-Tangent vun Hannober ’n Deel vun den Verkehr vun de A 7 twüschen Swarms un Hannober, vun’t Autobahnkrüüz Hannober-Oost (A 7 / A 2) as ok vun de A 2 twüschen Hannober un Meideborg aftogen. Man, de Plaan to’n Bo vun de A 32 is opgeven worrn. Vun de plaante Autobahn gifft dat blots dat Deelstück twüschen Neenborg un Celle as eensporige Bundsstraat 214. Dat Deelstück twüschen Celle un Wulfsborg is kumplett opgeven worrn. Beide Städer sünd hüüt op’n annere Streck, över de Bundsstraten B 214 un B 188 mitenanner verbunnen.

Weblenken[ännern | Bornkood ännern]