Bundsautobahn 48

Vun Wikipedia
Bundsdüütsche Autobahntall 48
Verloop vun de A 48

De Bundsautobahn 48 (Afk.: BAB 48 oder A48) is en regionale Autobahn in Rhienland-Palz. Se is op hele Läng – wat ruchweg 79 km sünd – en Deelstück vun de E 44 un stellt en Dweerverbinnen twüschen de A 1 un de A 3 dor.

Verloop[ännern | Bornkood ännern]

De A 48 fangt an’t Autobahndreeeck Vulkaneifel an de A 1 an un föhrt vun dor na Noordoosten över Koblenz wieter bit an’t Autobahndreeeck Deernbach an de A 3. Bito besteiht en Verbinnen mit de A 61 an’t Autobahnkrüüz Koblenz. In Koblenz dweert de A 48 ok den Rhien över de Bendorfer Brüch.

Toeerst weer de A 48 as Autobahn vun de Grenz na Luxemborg bi Mesenich över Trier un Koblenz bit na Dernbach plaant un boet. In disse Tiet weer op de Strecken twüschen dat Autobahndreeeck Moseldaal un de Anslusssteed Daun nich blots de A 1, man ok de A 48 utschillert. As de Autobahnen Anfang vun de 1990er Johren nee organiseert weern, is de Deel in’n Westen vun de luxemborgschen Grenz bit na Trier in de A 64 ümnöömt worrn.

Fröhere Plaans un hüütigen Tostand[ännern | Bornkood ännern]

De Autobahn schüll vun Dernbach bit na de hüütige A 480 na Reiskirchen wieterföhren un vun dor wieter na’t Hattenbacher Dreeeck twüschen de Autobahnen A 5 un A 7. De Afsnitt twüschen de hüütigen A 5 twüschen dat Dreeeck Reiskirchen un dat Hattenbacher Dreeeck weer dorbi toeerst as A 48 utschillert. De A 5 schüll vun Gießen über dat Krüüz Herford na Bremen verlopen. De Deel vun de A 48 is denn in’n Rahmen vun de Reform vun de Autbahntallen in A 5 umnöömt worrn.

In’n Bundsverkehrsweegplaan vun 2003 is en Afsnitt vun de A 48 vun Mogendorf bit Siegen indragen as „wietere Nafraag mit hoog ökoloogsch Risiko“.

De Autobahn is in jede Richt tweestriepig mit Standstriepen boet worrn. De Afsnitt twüschen dat Autobahndreeeck Deernbach un Bendorf/Neuwied is later op dree Striepen in jede Richt ümmarkeert worrn, man op wiete Streck ahn dat en ne’en Standstriepen anföögt worrn is. En Utnahm dorvun is dat Rebeet üm de Utfohrt Höhr-Grenzhausen. In sünnere Afstännen gifft dat dorüm Nootbuchten tovn Anhollen. Wieterhen hebbt ok en poor Parkplätz wegen disse Sünnerheit keen Gaumakerstriepen un sünd blots dör en Stoppschild vun de Fohrbahn scheedt.

Weblenken[ännern | Bornkood ännern]

Bundsautobahn 48. Mehr Biller, Videos oder Audiodateien to’t Thema gifft dat bi Wikimedia Commons.