Bundsautobahn 105

Vun Wikipedia
Zur Navigation springen Zur Suche springen
Stratenschild vun de ehmoligen A 105

De Bundsautobahn 105 (afkört as BAB 105 oder ok A 105) weer inst en korte Autobahn in Berlin mit blots 1  km Läng. In’t Johr 2006 is se to en Opfohrt vun de A 111 rünnerstoopt worrn un warrt siether as Twieg vun de A 111 föhrt, de se in’n Noorden vun Berlin mit den Kurt-Schumacher-Platz verbinnen deit (ehmolig Autobahnkrüüz Reinickendorf).

Na de fröheren Överleggen in’n Flachennüttplaan för Berlin vun 1965 schüll de dormols plaante un denn as A 105 betekente Autobahn tosamen mit de A 103 de so nöömte „Westtangent“ billn. Se weer denn ok lang noog worrn, dat se duersom en egene Autobahntall hebben künnt harr. Na dat Trüchstopen warrt dat Autobahnstück in’n Anlehnen an de fröhere Tall faken ok as Tobringer 105 betekent.

In de Tiet vun 1975 bit to de Düütsche Wedderverenigen harr de Autobahn de Tall A 11.

Weblenken[ännern | Bornkood ännern]

Commons-logo.svg Bundsautobahn 105. Mehr Biller, Videos oder Audiodateien to’t Thema gifft dat bi Wikimedia Commons.